2 ABEIZY 23:2 - Mara Bible RV (BSI)

² Abei nata Zudâh râhsaw zydua, Zerusale khihsaw zydua, theihthaipazy nata hrohsopazy, chyhsa zydua a lai a chyh ta Abeipa o lâ khy ei ta. Abeipa o liata ama hmôpa Biehrai Châbu liata bie zydua cha ama nah theina liata reih ta.

2 ABEIZY 23:2 ပူးပေါင်းရင်းမြစ်များ

ÂTHAONA 19:11

Ochhi thaby liata chyhsa a ypazy cha, a lai a chyh ta ama mo pachaosa ei ta, thachhâpa ta ochhi hmô thei khao leipa ei ta.

1 ABEIZY 8:9

Lôphia miano tah leipa ta cha, Byh chhôh liata hmo hropa khâpa hmah y vei. Cha lôphiazy cha Izi râh tawhta ama kaw pua nota, Abeipa ta Izarei sawzy hnohta bie a hraina su Hôribâ Tlâh liata Mawsi ta a khôpazy a châ.

2 ABEIZY 22:8

Theihthai beichaipa Hikia ta chârohtuhpa Sâphâ hnohta, “Abeipa o liata Ryhpa Châbu ei hmô haw,” tah ta. Hikia ta châbu cha Sâphâ pie ta, Sâphâ ta châbu cha reih ta.

2 THÂTIHZYRONA 15:13

Ahy rai Abeipa, Izarei Khazohpa a tlua leipa cha, hawti machâ, chanô chapaw, thie awpa ta biehrai ama tao.

2 THÂTIHZYRONA 17:9

Abeipa ryhpa châbu a phaopa ta, Zudâh râh liata pachu ei ta. Zudâh khihpi zydua chahryh ei ta, zawpizy ama pachu lymâ.

NEHEMIAH 13:1

Cha noh ta, zawpi theina liata Mawsi Châbu cha reih ei ta. Cha liata Amawna mo nata Môabâ mozy cha Khazohpa pakhypi liata amâ ngia cheita awpa châ vei tahpa ropa hmôpa châ ta.

NEHEMIAH 9:3

Ama su chyu liata a duah ei ta, Abeipa ama Khazohpa Ryhpa Châbu cha dawh thôh chhôh reih ei ta, dawh thôh hropa chhôh ama moleinazy reihpha cheipa ta Abeipa ama Khazohpa a chhy ei ta.

ESTHERI 1:5

Kyhchhi nohzy a chhâ nahta, abei ta thokhy khihpi Susâ liata a ypa molaipa nata mochyhpa zydua châta abei o sadô tlyhmia liata noh sari chhôh kyhchhi pazao heih ta.

ZAWBÂ 3:19

Cha liana cha molaipa nata mochyhpazy y ei ta, Sei chhao a zibeipa tawhta khotalaipa ta a y.

HLAZY 115:13

Abeipa a chituhpazy cha, A lai a chyh ta byhnâ a pie aw ei.

ZEREMIAH 34:8

He bie he Bei Zedekia ta Zerusale liata a ypa zawpi zydua hnohta biehrai taopa ta, seizy khotalaina kyh a phuah khai tawhta, Zeremiah hnohta Abeipa bie a vaw tlôpa a châ.

HMOTAOPAZY 26:22

Châhrasala Khazohpa tawhta baona ei hmôpa vâta, tanoh taihta a châhkhei lymâ thei na ta, he liata chhao a duah na ta, chyhsa nawhpazy nata molaipazy hmiakô liata ei châhkhei theipa he a châ. Hrohsopazy nata Mawsi ta a vaw tlô awpa ama reipazy dei leipa ta, bie hropa khâpa hmah reih va na.

RYHPACHANEINA 31:26

“Ryhpa châbu he la u la, nama paraona pahnokheituhpa châta Abeipa nama Khazohpa Biehrai Byh kâ lâta soh teh u.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

1 SAMUELA 30:2

Chanôzy nata cha liata a ypa maih a lai a chyh ta sei ta patu ei ta. Pakha hmah thie leipa ta, a chhi ei ta ama siekhei khai haw.

1 SAMUELA 5:9

Khihpi ama tlôkhei nahta, Abeipa ta khihpi chô liata a ku pathla ta, khihpi cha thata a tymâ ta, khihpi chyhsazy cha a lai a chyh ta hrie ta, ama keihkhaohzy lâ taihta kheihluh pathlasa ta.