2 ABEIZY 22:16 - Mara Bible RV (BSI)

¹⁶ Abeipa ta hetana heta a tah, pachâ teh, Zudâh bei ta châbu bie a reipa liata chhiena zydua kha he su nata a chhôh liata a pahrâpazy chô liata ei vaw patlôsa aw.

2 ABEIZY 22:16 ပူးပေါင်းရင်းမြစ်များ

2 ABEIZY 20:17

Pachâ teh, na o liata a ypa zydua nata châ pathlatuhpazy ta tanoh taihta ama vaw pachôpakhypa hmo zydua Babylaw lâ ama siekhei nawpa nohzy a vaw tlô hai. Khâpa hmah pahlôhpa châ aw vei, Abeipa ta a tah.

2 ABEIZY 22:15

Huldâ ta ama hnohta, “Abeipa, Izarei Khazohpa ta hetana heta a tah: ‘Kei lâta châ vaw tuahtuhpa chyhsa hnohna chata,

2 ABEIZY 24:2

Abeipa ta Kaldia pheisaihzy, Aramia pheisaihzy, Môabâ pheisaihzy nata Amawna pheisaihzy cha Zehôki a dyuh awpa ta tuah ta. Abeipa ta a chakaotuhpa hrohsopazy hmâpa ta a vaw rei hapa Abeipa bie hawhta, Zudâh siehnao ta parao awpa ta a tuapa ei a châ.

ZEREMIAH 11:11

Chavâta Abeipa ta hetana heta a tah, moh teh u, chhiena ama chô liata vaw patlôsa na ta, khôkhâh thei aw veih ei. Na aw hra ei sala, a chhy aw veih ei na.

RYHPACHANEINA 29:27

Chavâta cha râh chô liata Abeipa a pathi ia ta, he châbu liata ropa chhiesana zydua he ama chô liata patlôsa ta,

ZAWSUA 23:13

Abeipa nama Khazohpa ta phopizy he nama hmiakô tawhta papua khao aw vei tahpa pahno muh vy. Abeipa nama Khazohpa ta râh pha ngaitapa a cha piepa tawh eina heta nama leidia khai hlâlei, âmo cha nama châta khoheih nata aphyh châ aw ei ta, nama kâ châta tuna chôchahrei châ aw ei ta, nama mokhaoh châta ahloh ama châ aw.

ZAWSUA 23:15

Abeipa nama Khazohpa ta nama hnohta hmo phapa a reipa zydua nama chô liata a vaw tlô khaipa hawhta, a biepiepazy nama parao khiahta deikua cha, Abeipa nama Khazohpa ta râh phapa a cha piepa tawh ei ta a cha pahleipadia khai hlâlei ei cha, Abeipa ta hmo pha leipazy nama chô liata a vaw patlôsa aw.

1 SAMUELA 3:19

Samuela cha laiseih lymâ ta, a hnohta Abeipa y ta, a bie reipazy leilô liata a pailyupa y vei.