2 ABEIZY 22:14 - Mara Bible RV (BSI)

¹⁴ Chatanachata theihthaipa Hikia, Ahikâ, Akabaw, Sâphâ nata Asiah zy cha chysia sona mohôhtuhpa Harhâ sawchapawpa Tikavâ sawchapawpa Sâluh lapinô hrohsonô Huldâ kei chho ei ta. Ano cha â hnai lâta Zerusale liata a pahrâpa a châ.

2 ABEIZY 22:14 ပူးပေါင်းရင်းမြစ်များ

2 ABEIZY 10:22

Atobina chysia mokhâhtuhpa hnohta, “Bâlâ achhytuhpa zydua châta atobina chysia vaw cheipa teh,” tah ta. Amâ tobi nawpa chysiazy cha vaw cheih ta.

2 ABEIZY 22:15

Huldâ ta ama hnohta, “Abeipa, Izarei Khazohpa ta hetana heta a tah: ‘Kei lâta châ vaw tuahtuhpa chyhsa hnohna chata,

2 THÂTIHZYRONA 34:22

Chatanachata Hikia nata abei tuapazy cha hrohsonô Huldâ lâ vawh ei ta, abei bie reipa kyh a kei saohiah ei ta. Hrohsonô Huldâ cha Sâluh lapinô châ ta, Sâluh cha Tôkhâ sawchapawpa châ ta, Tôkhâ cha chysiazy vaituhpa Hâsrâh sawchapawpa a châ. Hrohsonô Huldâ cha Zerusale vaih nona liata a pahrâpa a châ.

NEHEMIAH 7:72

Zawpi thyupa a tlohpakhypa cha ngôh dari 20,000, tâkâ minâ 2,000 nata theihthaipa viahkao 67 a châ.

PUASAINA 15:20

Chatawhcha hrohsonô Miria, Arawna sietanô cha khohtaw chaba ta, chanô zydua ta khohtaw nata lâna chôta ano cha pazi ei ta.

ZEREMIAH 39:14

chyhsa tuah ei ta, Zeremiah cha vaituhpazy dôhpachhôh tlyhmia tawhta a vaw chhi ei ta. Sâphâ sawchapawpa Ahikâ sawchapawpa Kedaliah cha, a o la Zeremiah a chhi awpa ta maophaohna pie ei ta. Chatanachata Zeremiah cha râhsawzy hry liata pahrâ ha ta.

EZEKIA 13:17

“Nâ deikua cha, chyhsa sawchapawpa y, âmo palôh liata a ypa hmo hrohsona bie hawhta a phuahtuhpa na phopi sawchanôzy cha a heihnao la, âmo cha hrohsona bie phuah thlu mah y.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

ZEPHANIA 1:10

“Cha noh liata, Nga Chhikao tawhta chana ao a pua aw; Vaih Thieh tawhta pachârohna ao pua aw ta, Tlâhthlôhzy tawhta raona pyu paro ngaitapazy a pua aw.

LUKA 2:36

Cha liata hrohsonô pakha, Anâ ama tahpa y ta, ano cha Asera chi Phanua sawchanô a châ. Anâ cha nôpi kaw bâ ta, dyh a châ tawhta a vahpa hnohta kô sari dei pahrâ hmâ ta,

HMOTAOPAZY 21:9

Sawchanô papalih hnei ta, âmo cha dyhchâ leipa ta hrohsona bie a phuah tyhpa ama châ.

1 KAWRINI 11:5

Chanô ta a luh a khu leipa ta thlah a chhâ khiahta tlyma, bie a chho khiahta tlyma deikua cha, a luh maoh a paphyuhpa a châ. Chanô châta luh khu leipa nata luh pôlôpa cha miakhapa a châ.

RYUREITUHPAZY 4:4

Cha daihti liata Izarei ryureituhpa cha Lapidô lapinô hrohsonô Debawrâ a châ.