2 ABEIZY 22:10 - Mara Bible RV (BSI)

¹⁰ Chârohtuhpa Sâphâ ta abei hnohta, “Theihthaipa Hikia ta châbu eina pie,” tah ta. Sâphâ ta châbu cha abei hmiakô liata reih ta.

2 ABEIZY 22:10 ပူးပေါင်းရင်းမြစ်များ

2 ABEIZY 22:11

Abei ta Ryhpa Châbu biezy a thei nahta, a chyhsiazy hrie ta.

2 ABEIZY 22:9

Chârohtuhpa Sâphâ cha abei lâ vawh ta, abei hnohta bie kei tlôkhei ta, “Châ chakaotuhpazy ta Abeipa o liata tâkâ a ypa zydua la ei ta, o rai mokhâhtuhpazy hnohta ama pie khai haw,” tah ta.

2 THÂTIHZYRONA 34:18

Chârohtuhpa Sâphâ ta abei hnohta, “Theihthaipa Hikia ta châbu eina pie,” tah ta. Chatanachata Sâphâ ta châbu cha abei hmiakô liata reih ta.

NEHEMIAH 13:1

Cha noh ta, zawpi theina liata Mawsi Châbu cha reih ei ta. Cha liata Amawna mo nata Môabâ mozy cha Khazohpa pakhypi liata amâ ngia cheita awpa châ vei tahpa ropa hmôpa châ ta.

NEHEMIAH 8:18

Kyhchhi pathao noh tawhta pachhâ noh taihta, Ezrâ ta Khazohpa Ryhpa Châbu cha noh chareih ta reih ta. Kyhchhi cha noh sari hmâh ei ta, a noh chariena noh liata, biepiepa hawhta pakhypi pathaihpa hmâpa a châ.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

ZEREMIAH 36:13

Bâruka ta zawpi theina liata a reipa châbu bie a theipa zydua cha âmo chho ta.

ZEREMIAH 36:15

Beimachâzy ta a hnohta, “A tyuh la, eima nah theina lia tlai ta reih teh,” tah ei ta. Bâruka ta châbu cha ama nah theina liata reih ta.

ZEREMIAH 36:21

Châbu cha kei la awpa ta abei ta Zehudi tuah ta. Zehudi ta châbu cha chârohtuhpa Elisâmâ chhôhpadâhpa lâ kei la ta. Abei nata abei kiapâh ta a duahpa beimachâ zydua nah theina liata châbu cha reih ta.

ZEREMIAH 36:6

Chavâta nâ vawh la, Abeipa bie ei cha chhopa châbu liata na ropazy kha, kâhvileina noh liata Abeipa o liata zawpi zydua theina liata kei reih mah y. Ama khihpizy tawhta a vaw puapa Zudâh mo zydua theina liata chhao na rei awpa a châ.