2 ABEIZY 21:9 - Mara Bible RV (BSI)

⁹ Châhrasala nathlie khoh leipa ei ta, Abeipa ta Izarei sawzy hmiakô liata a pahleipadia hapa phopizy taopa hlâ chhao ta ru viapa ta hmo parao awpa ta, Manase ta âmo cha a siekheichhei haw.

2 ABEIZY 21:9 ပူးပေါင်းရင်းမြစ်များ

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

2 ABEIZY 16:3

Izarei beizy lâpi tlao a chhih hra ta. Abeipa ta Izarei sawzy hmiakô liata a papua hapa phopizy ta hmo pasichhih ngaitapa ama tao tyhpazy tao hrapa ta, a sawchapawpa cha raopa hlâna ta hlâ ta.

2 ABEIZY 21:10

Abeipa ta a chakaotuhpa hrohsopazy hmâpa ta bie reih ta,

2 THÂTIHZYRONA 33:9

Cha hawhna chata Manase ta Zudâh râhsawzy nata Zerusale khihsawzy cha lâpi paviasa ta, Abeipa ta Izarei hmiakô liata a pahleipadia hapa phopizy hlâ chhao ta hmo thata ama parao via.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

HLAZY 12:8

Su to liata moleipazy chitlaih ei ta, Chyhsa sawzy hry liata piehpiepazy cheihchalopa ta ama y.

HLAZY 81:10

Kei he Abeipa na Khazohpa châ na ta, Izi râh tawhta châ kaw chhi papuatuhpa kha ei châ. Na pakah a kawhpa ta â la, Ei pabie aw.

BIESOZY 29:12

Ryureituhpa ta haipa bie a nathlie khiahta cha, A beimachâ zydua chhao ama molei tyh.

EZEKIA 11:12

Abeipa ei châ tahpa nama pahno aw. Ei bieraopazy a chhih leipa ei chi ta, ei ryhpazy a chhi hra veih ei chi. Nama chheipâh liata phopizy ryhpa hawhta tlao nama y haw,” tah ta.

EZEKIA 16:47

Ama hroziezy a chhih chi ta, pasichhihpa hmo ama taopazy na tao hrapa dei châ leipa ta, daihti chyuta chhôh ta, na moleina nata na hrozie zydua liata âmo hlâta na paru via haw.

EZEKIA 22:3

A hnohta reih la, Abeipa Zehôvâh ta hetana heta a tah: Hy khihpi, khazoh nothlahpazy taopa ta, nâmasasyh ta a papuapalei chi ta, khihpi chhôh liata thisaih na palopa vâta, na daihti a vaw tlô hai.

EZEKIA 5:6

Chatanachôta ei ryhpazy a dyuhpa ta, phopi hropazy hlâta thata molei via ta; ei bieraopazy a dyuhpa ta, a chheipâh râhzy hlâta a molei via haw. Ei ryhpazy dytha ei ta, ei bieraopazy a chhih veih ei.

EZEKIA 5:7

“Chavâta Abeipa Zehôvâh ta hetana heta a tah: Nama chheipâh phopizy hlâta paru via ei chi ta, ei bieraopazy a chhih leipa ei chi ta, ei ryhpazy zyh hra leipa ei chi ta, nama chheipâh phopizy ryhpa hawh dâhdei chhao ta nama tao leipa vâta,

DÂNIAH 9:6

Eima beizy, eima hyutuhpazy, miah pathlatuhzy nata râh liata chyhsa zydua hnohta na moh ta bie a reihpa, châ chakaotuhpa hrohsopazy bie nathlie hra ma pi.

HÔSIA 5:11

Epharai cha hmo puapa tao awpa Khâchâ â chhuah hapa vâta, Tlybaipa ta y ta, Reikheituhpa hnei khao vei.

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

ZAWHÂNA 15:22

Kei a vy leipa ta, ama hnohta bie reih leipa aw sah la, moleina vâta thaileichâpa ta ama y lei awpa tlai. Tahmâ deikua cha, ama moleina liata rei nawpa hnei khao veih ei.

ZÂMIE 4:17

Chavâta ahy rai hmo pha tao awpa pahno thlâh ha ta, a tao tlôh leipa cha, ano châta moleina a châ.

BIEPHUAH 2:20

Châhrasala pasina ei cha hnei, Zezebel ama tahpa, anosasyh ta hrohsonô ta â reihpa chanô na chhyh thaipa vâta. Ano cha sihryh awpa nata nothlahpa atheihna pati nie awpa ta nâ chakaotuhpazy pachu ta, a no leipa lâta a paviasa tyhpa a châ.

1 SAMUELA 8:19

Châhrasala Izarei phopi ta Samuela ao cha nathlie khoh leipa ei ta. A hnohta, “Châ vei, eima chô liata bei a y tlai awpa a châ,