Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 ABEIZY 21:7 - Mara Bible RV (BSI)

7 Abeipa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna su Achhyna o liata Aseri tôh nothlâhpa a taopa soh ta.

အခန်းကိုကြည့်ပါ။ ကော်ပီ




2 ABEIZY 21:7
25 ပူးပေါင်းရင်းမြစ်များ  

Ano ta ei moh châta o sa aw ta, kei ta â beinarâh beidyuchhai cha chhâzaw châta ei pa-i aw.


Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.


“Na phopi ta ama chariah a dyuh awpa ta sie ei sala, kheihawhpa lâpi lâ tawhta na tuapa chhao ta, nâ tlyhpa khihpi nata na moh châta ei sapa o lâ he a heihpa ta Abeipa lâ thlah ama chhâ khiahta cha,


Abeipa ta a hnohta. “Na thlahchhâna nata na hiana, ei hmiakô liata na tlôkheipazy kha ei vaw thei haw. He Achhyna o na sapa he pathaisa na ta, he liata ei moh chhâzaw ta ei paysa haw. He liana heta ei mo nata ei palôh khâ a y ngâ thlâh ha aw.


Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.


Theihthaipa Uria ta maisâh tao ta. Bei Ahâza ta Dâmaskâ tawhta a vaw paphaopa hawh tlai ta, theihthaipa Uria ta Dâmaskâ tawhta Bei Ahâza a vaw tlô hlâta maisâh cha tao ta.


Abeipa ta, “Zerusale liata ei moh ei paysa aw,” a tahna su, Abeipa o liata khazoh hropa maisâhzy padua ta.


Abeipa ta, “Izarei ei papuapa hawhta Zudâh chhao ei mohmô tawhta papua aw na ta, khihpi ei tlyhpa, Zerusale nata ‘cha liata ei moh a y aw,’ ei tahpa Achhyna o chhao he hnôh ei chhy aw,” tah ta.


Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.


Abeipa o liata Aseri tôh cha Zerusale khôtho lâ Kidaraw chavah lâ puakhei ta, Kidaraw chavah liata rao ta, a paohpadi lâta â liena taihta tlypazao ta, a paohpa cha vâtlâh thlâ liata hie ta.


Chihropa khazohzy nata khazoh nothlahpazy Abeipa o tawhta la papua khai ta, Abeipa o tlâh liata nata Zerusale liata maisâh a taopa zydua chhao khihpi khôtho lâ a thy khai haw.


Khazohpa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna Achhyna o liata ano taopa khazoh nothlahpa soh ta.


Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.


Sawlawmaw hnohta zâ ta Abeipa a vaw luah ta, a hnohta, “Na thlahchhâna thei na ta, he su he keima châta atheihna o ta ei rao hawh.


He o liata ei moh chhâzaw ta a y thei nawpa ta, he o he a tlyh na ta, ei pathaisa haw. He liana heta ei mo nata ei palôh chhâzaw ta a y thlâh ha aw.


râh ei cha piepa tawhna ei heta cha phia aw ei na ta, ei moh châta ei pathaisapa, he o chhao he ei mohmô tawhta pazaw syulyu ha aw na ta, phopi to châta pakhona bieso nata pahneiparâsaona châta ei tao aw.


kei lâ vaw kuapa ta, ei biepiepazy zyhpa ta nama tao khiahta deikua cha, avâ chy chhâna taihta papuapa châ hra u la, cha tawhta châ chhi pakhy aw ei na ta, ei moh y nawpa ta ei tlyhpa su lâ ei châ chhi heih aw ei,’ tahpa ta bie na piepa kha, rie a thei mah y.


Na phopi he a thei mah y; Hlâno tawhta na chaleipazy châ pi ta, Na ryuto chipho châ awpa ta na chatlaipazy eima châ! Na pahrâ tyhna Zaio Tlâh chhao a thei mah y.


Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.


Ei moh a phaohpa o liata ama hmo pasichhihpazy soh ei ta, o cha ama papuapalei.


“Zudâh pathlazy ­ta ei mohmô liata hmo pha leipa taopa ta, ei moh pachyuhpa o liata hmo pasichhihpazy soh ei ta, o cha ama papuapalei haw.


Cha dei châ vei, he hmo chhao he ei chô liata ama tao: Ama sawzy atheihna ta ama hlâ noh lia tlai ta, ei supathaihpa papuapalei ei ta, ei Pahânohzy taih ama parao.


“Abeipa nama Khazohpa châta maisâh nama tao awpa kiapâh liata kheihawhpa tho hmahta Aseri tôh ta hmâpa ta nama bô awpa châ vei.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ