2 ABEIZY 21:4 - Mara Bible RV (BSI)

⁴ Abeipa ta, “Zerusale liata ei moh ei paysa aw,” a tahna su, Abeipa o liata khazoh hropa maisâhzy padua ta.

2 ABEIZY 21:4 ပူးပေါင်းရင်းမြစ်များ

2 SAMUELA 7:13

Ano ta ei moh châta o sa aw ta, kei ta â beinarâh beidyuchhai cha chhâzaw châta ei pa-i aw.

1 ABEIZY 8:29

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

1 ABEIZY 9:3

Abeipa ta a hnohta. “Na thlahchhâna nata na hiana, ei hmiakô liata na tlôkheipazy kha ei vaw thei haw. He Achhyna o na sapa he pathaisa na ta, he liata ei moh chhâzaw ta ei paysa haw. He liana heta ei mo nata ei palôh khâ a y ngâ thlâh ha aw.

2 ABEIZY 23:12

Ahâza o chhâh chô lâta vâphuh liata Zudâh beizy ta maisâh ama taopazy nata Manase ta Abeipa o dôhpachhôh tlyhmia miano liata maisâh a taopazy cha abei ta pacho khaipa ta, pakeichheih ta, azaona dohleizy cha Kidaraw chavah liata thy ta.

2 ABEIZY 23:27

Abeipa ta, “Izarei ei papuapa hawhta Zudâh chhao ei mohmô tawhta papua aw na ta, khihpi ei tlyhpa, Zerusale nata ‘cha liata ei moh a y aw,’ ei tahpa Achhyna o chhao he hnôh ei chhy aw,” tah ta.

2 THÂTIHZYRONA 6:5

Abeipa ta, ‘Izi râh tawhta ei phopi Izarei sawzy ei chhi papua noh tawhta, Izarei chizy hry liata kheihawhpa khih hmahta ei moh y nawpa o sa nawpa ta a tlyh beih leipa na ta, ei phopi Izarei chhituhpa châta ahy hmah a tlyh bei hra va na.

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

ZEREMIAH 32:31

He khihpi he ama padua tua noh tawhta tanoh taihta ei hie na pahâhpa ta, ei ru nâ pachhôtuhpa a châ. Chavâta ei mohmô tawhta ei pahlei syulyu ha aw ei.

ZEREMIAH 32:34

Ei moh a phaohpa o liata ama hmo pasichhihpazy soh ei ta, o cha ama papuapalei.

ZEREMIAH 32:35

Hinô Sawchapawpa Saikao liatapa Bâlâ achhyna su sâhpazy padua ei ta, ama sawchapawzy nata ama sawchanôzy Môleka lâ ama hlâ tyh. Zudâh pamoleisa nawpa ta, he hmo pasichhihpa tao awpa heta, biepie leipa ei na ta, ei palôh liata chhao a lâ beih vei.

ZEREMIAH 7:30

“Zudâh pathlazy ­ta ei mohmô liata hmo pha leipa taopa ta, ei moh pachyuhpa o liata hmo pasichhihpazy soh ei ta, o cha ama papuapalei haw.

EZEKIA 23:38

Cha dei châ vei, he hmo chhao he ei chô liata ama tao: Ama sawzy atheihna ta ama hlâ noh lia tlai ta, ei supathaihpa papuapalei ei ta, ei Pahânohzy taih ama parao.

EZEKIA 23:39

Ama khazoh nothlahpazy lâta atheihna ta hlâ awpa ta ama sawzy ama thie noh ta, cha noh lia tlai ta ei supathaihpa papuapalei awpa ta amâ ngia. Pachâ teh, cha hawna chata ei o chhôh liata ama tao tyh.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.