2 ABEIZY 21:3 - Mara Bible RV (BSI)

³ A paw Hezekia ta a parao hapa su sâhpazy paduapathi ta, Izarei bei Ahabâ taozie hawhta, Bâlâ châta maisâhzy padua ta, Aseri tôhzy bô ta, avâ liata a ypa zydua a chhy ta, a chakao ei.

2 ABEIZY 21:3 ပူးပေါင်းရင်းမြစ်များ

1 ABEIZY 18:21

Elaizâh ta zawpi cha a kei hnia ta, ama hnohta, “Pachâna miano likah liata khachâ ma noraihpa ta nama y chy aw? Abeipa cha Khazohpa a châ khiahta cha, ano cha pazi u la, Bâlâ cha Khazohpa a châ khiahta cha, ano cha pazi muh vy,” tah ta. Zawpizy ta kawh kha hmahta a chhy leipa ei ta.

1 ABEIZY 18:26

Viahchao tôhpa âmo ama piepa cha la ei ta, a chhuanoh ei ta, “Hy Bâlâ y, miah a chhy teh,” tahpa ta my tawhta nohchhô taihta Bâlâ moh cha pado ei ta. Châhrasala ao pyury rai y leipa ta, a chhytuhpa rai y veih ei. Chatawhcha maisâh ama taopa cha lâ chahlô ei ta.

2 ABEIZY 13:6

Anodeikua Izarei a pamoleisapa Zerôbaw chhôhkha moleinazy kha siesai leipa ei ta, tlao tao lymâ ei ta, Aseri tôh chhao Samâri liata y thlâh ha chy ta.

2 ABEIZY 17:16

Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

2 ABEIZY 18:22

‘Keimo la Abeipa eima Khazohpa na eimâ ngâchhâ,’ nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, ‘Zerusale liata he maisâh hmiakô lia deita ta namâ chhy awpa a cha,’ tah ta, a su sâhpazy nata a maisâhzy a parao khai hapa kha châ vei ma?

2 ABEIZY 18:4

Su sâhpazy parao ta, lôbôzy pacho ta, Aseri tôhzy a chhawh pachhô khai haw. Mawsi ta dawh parih a taopa chhao kha a pakeichheih khai haw, cha daihti taihta Izarei sawzy ta Nehustâ ama tahpa dawh parih lâ cha atheihnazy ama hlâ thlâh ha chypa vâta.

2 ABEIZY 8:18

Ahabâ sawchanô lapinô ta a hneipa vâta, Ahabâ chhôhkha taozie hawhta, Izarei beizy lâpi a chhi hrapa ta, Abeipa mohmô liata hmo pha lei ngaitapa tao ta.

2 ABEIZY 8:27

Ahabâ chhôhkha piahpa a châpa vâta, Ahabâ chhôhkha taopa hawhta, Ahabâ chhôhkha lâpi a chhihpa ta, Abeipa mohmô liata hmo pha lei ngaitapa tao ta.

2 THÂTIHZYRONA 32:12

Kha Hezekia kha vei ma, khazoh su sâhpazy nata maisâhzy parao khaipa ta, Zudâh râhsaw nata Zerusale khihsawzy hnohta, ‘Maisâh miakha lia dei ta Khazohpa a chhy aw ei chi ta, cha maisâh chô lia dei ta atheihnazy nama hlâ aw,’ tahpa ta bie a pietuhpa kha a châ vei?

2 THÂTIHZYRONA 34:3

Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

ZAWBÂ 31:26

Noh a khaih nota mopa ta, Thlâpâ rônahpa ta a sie ngâpa moh aw sah la;

ISAI 65:11

“Nâmo, Abeipa siesaipa ta, Ei tlâh pathaihpa my ei chi ta, Vâphana châta tlâhkhai a chhuahdypa ta, Tovyuh châta nyu liata Kresawhti ropahâhpa a patlai tyhpazy deikua cha,

ZEREMIAH 7:30

“Zudâh pathlazy ­ta ei mohmô liata hmo pha leipa taopa ta, ei moh pachyuhpa o liata hmo pasichhihpazy soh ei ta, o cha ama papuapalei haw.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

RYHPACHANEINA 16:21

“Abeipa nama Khazohpa châta maisâh nama tao awpa kiapâh liata kheihawhpa tho hmahta Aseri tôh ta hmâpa ta nama bô awpa châ vei.

RYHPACHANEINA 17:2

“Abeipa nama Khazohpa ta a cha piepa ei nama yna khih liata a y hrapa chapaw tlyma, chanô tlyma ta a biehrai paraopa ta, Abeipa nama Khazohpa mohmô ta moleina hmo tao sala,

RYHPACHANEINA 17:3

sie ta khazoh hropazy chakaopa ta chazy cha â chhy aw tlyma, a châ vei khiah, noh tlyma, thlâpâ tlyma, avâ liata a ypa kheihawhpa tlyma a chhypa ta, bie ei pie leipa tao sala,

RYHPACHANEINA 20:18

Chataleipatala ama khazohzy amâ chhyna liata hmo pasichhihpa ama taopa zydua tao hra awpa ta cha pachu aw ei ta, Abeipa nama Khazohpa chô liata nama molei pathlei aw.

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.