2 ABEIZY 20:3 - Mara Bible RV (BSI)

³ “Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

2 ABEIZY 20:3 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 5:22

Methuselâ a sa tawhta Enawka cha kô 300 chhôh Khazohpa nata a kao ei ta, sawchapawzy nata sawchanôzy sa via ta.

ÂTHAONA 5:24

Enawka cha a hro chhôh ta khazohpa a kao tyh ta, chavâta Khazohpa ta ano cha la ha ta, hmô awpa y khao vei.

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

1 ABEIZY 11:4

Sawlawmaw cha a vaw machâ nahta, a lapinôzy ta khazoh hropazy lâta a palôh patleisa ei ta, a paw Dâvi palôh hawhta Abeipa a Khazohpa lâta a palôh tlokhuh hlâ thei khao vei.

1 ABEIZY 15:14

Su sâhpazy deikua cha pahleipadia vei. Chatahrasala Âsâ cha a hro chhôh zydua ta tlokhuh ta Abeipa liata palôh dopa a phaohpa a châ.

1 ABEIZY 2:4

Chatanachata Abeipa ta keima kyh liata, ‘Na pathlazy ta ama lâpi pakhâta ta pachâ ei sala, ama pathipalôh tlokhuh ta nata ama thlahpa tlokhuh ta ei hmiakô liata ngâchhihpa ta ama y khiahta cha, Izarei beidyuchhai liata a tyuh awpa chie aw veih ei,’ tahpa ta a reipa kha a pa-i aw.

1 ABEIZY 3:6

Sawlawmaw ta, “Châ chakaotuhpa ei paw Dâvi kha na hmiakô liata ngâchhihna, siana nata palôh dopa phaopa ta a y tyhpa vâta, a chô liata ngiachhiena thata na palâsa. Cha ngiachhiena rônah ngaitapa cha a chô liata palâsa pazao chi ta, a beidyuchhai liata a tyuh awpa sawchapawpa chhao tanoh na pie haw.

1 ABEIZY 8:23

hetana heta thlahchhâ ta: “Hy Abeipa, Izarei Khazohpa y, nâ hawhpa Khazohpa he, chô lâ avâ liata nata ry lâ alei liata y tlâ veih ei. Nâma cha biehrai patlô chi ta, pathipalôh tlokhuh ta na bie a zyhpa châ chakaotuhpazy chô liata ngiachhiena a palâsa tyhpa na châ.

1 ABEIZY 8:61

Chavâta tanoh hawhna heta, Abeipa eima Khazohpa chô liata palôh phapakipa phaoh lymâ u la, a bieraopazy a chhihpa ta, a biepiepazy zyh lymâ muh vy,” tah ta.

1 ABEIZY 9:4

Nâ chhao, na paw Dâvi hawhta palôh dopa nata siapa phaopa ta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

2 ABEIZY 20:2

Hezekia cha a hmia pâhchhô lâ paheipa ta Abeipa lâ thlâhchhâ ta,

2 ABEIZY 20:4

Isai cha abei o tlyhmia a khô hlâta, Abeipa bie a hnohta vaw tlô ta,

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

NEHEMIAH 13:14

Hy ei Khazohpa, he kyh liana heta nâ thei thlâh ha la, ei Khazohpa o nata a chakaona châta ei hmotao phapazy he pahlei khah y.

NEHEMIAH 13:22

Livai pathlazy cha a pathai ta, Pahânoh pathaisa awpa ta, chhikaozy cha vaih awpa ta biepie ei na ta. Hy Khazohpa y, he kyh liana chhao heta nâ thei thlâh ha la, na zawngiahna hluh ngaitapa vâta rie na pahlôh mah y.

NEHEMIAH 13:31

Daihti raopa liata tho hlâna nata thei hmiatuapa hlânazy châta â ngiahpazy chhao ei pie ei. Hy ei Khazohpa, hmopha ei taopazy vâna heta nâ thei thlâh ha mah y.

NEHEMIAH 5:19

Hy ei Khazohpa y, he phopi châta ei hmotaopa zydua he, ei pha nawpa ta a thei thlâh ha mah y.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 1:8

Abeipa ta Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ,” tah ta.

ZAWBÂ 16:20

Ei viasazy ta na zakhei ei ta, Ei mozy ta Khazohpa lâ mothlih ama pathla.

ZAWBÂ 4:6

Na Khazohpa china cha na ngâhna châ tyh vei ma? Na lâpi dopazy cha na hnabeiseihna châ tyh vei ma?

HLAZY 102:9

Viahchhâ hawhta buchâh nie na ta, Ei dopa liata mothlih ei pahlao tyh.

HLAZY 119:26

Ei lâpizy cha chho na ta, Eina chyhei ha chi; Na bieraopazy na pachu mah y!

HLAZY 119:49

Na bie liata hnabeiseihna na pahneisa ha tlôh chi ta, Châ chakaotuhpa hnohta na bie kha a thei mah y.

HLAZY 145:18

Abeipa cha a padotuhpa zydua a hnia ta, Hmeiseihpa ta a padotuhpa zydua a hniapa a châ.

HLAZY 25:7

Ei thyutlia nota moleina nata paraonazy a thei leipa la, Na ngâchhihna vâta nâ thei la, Hy Abeipa, na phana vâta nâ thei mah y!

HLAZY 26:1

Hy Abeipa, ei dona hrokhei na ta, Tleisai leipa ta Abeipa ei ngâ hapa vâta, Thai na pachâsa mah y.

HLAZY 26:3

Na ngâchhihna ei hmiakô liata y ta, Na biehmeiseihpa liata a hrohpa ei châ.

HLAZY 32:2

Abeipa ta thailei pachâsa leipa ta, A hro liata haidihaiduana a y leipa chyhsa cha a nohlao na.

HLAZY 39:13

Sie aw na ta hmô khao leipa ta ei y hlâta, Buakha chhâ ei ly heih thei nawpa ta, Hmô lei nâ pachâ chy mah y!”

HLAZY 6:6

Ei hrôna ta ei thachhâ ta, Zâ chareih ei rakhô liata mothlih tipaua tlô ta, Ei khôpheih chana mothlih ta ei padâ khai ha tyh.

HLAZY 6:7

Ei mo he pachârôhna vâta rao khai ha ta, Nâ dyuhtuhpazy vâta a zoh via rili.

HLAZY 89:47

Ei daihti chyuzie he a thei mah y! Khazia ma chyhsa saw zydua he, Hraolei­pa ta na vaw paysa ei tly?

HLAZY 89:50

Hy Abeipa, châ chakaotuhpazy pahneisaopa ta eima ypa he a thei la, Râh zydua pasipasawhna ei palôh liata ei taopazy he a thei mah y.

ISAI 38:14

Siviah nata vawpô zy hawhta sâh na ta, Vachhuh hawhta ei rôh. Chô lâ saipa ta ei mozy a bâ khai haw. Hy Abeipa, tlybaipa ta ei y hih, Ei bohna châta sôhkâ na châpa mah y!

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

AMÔSÂ 5:4

Abeipa ta Izarei phopi hnohta hetana heta a tah: “Kei na tlua u la, Nama hroh aw.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.