2 ABEIZY 20:18 - Mara Bible RV (BSI)

¹⁸ Na sawchapawpa, na chhôh tawhta a pua awpa, nâ ta na sa awpazy tlai chhao siekhei aw ei ta, Babylaw abei o liata hrilyupa ta ama y aw,” tah ta.

2 ABEIZY 20:18 ပူးပေါင်းရင်းမြစ်များ

2 THÂTIHZYRONA 33:11

Chavâta Abeipa ta Asuria pheisaih hyutuhpazy vaw tuah ta, Manase cha patu ei ta, a hnari daohpa ta dawh bâlia ta buh ei ta, Babylaw lâ ama siekhei haw.

2 ABEIZY 24:12

Zudâh bei Zehôkhi cha, a nô nata a chakaotuhpazy nata a beimachâzy nata abei o liata hyutuhpazy chhaota Babylaw bei lâ kei pua ei ta. Chatanachata Zehôkhi cha â beina kô chariena liata Babylaw bei ta a patu haw.

DÂNIAH 1:3

Abei ta ano a chakaotuhpazy hyutuhpa Aspenâza hnohta, Izarei sawzy hry liata abei pathlazy nata nôpawpa sawzy a vaw chhi awpa ta biepie ta.

2 ABEIZY 25:6

Kaldia mo ta Bei Zedekia cha patu ei ta, Riblâ khihpi liata Babylaw bei lâ a chhi ei ta, cha liata a thâtih pachia ei ta.

ZEREMIAH 20:5

Cha dei châ vei, khihpi hneirôna zydua, a hmo pachôpa zydua, a hmo sôhpa zydua nata Zudâh beizy ryusôhpa zydua cha, ama chariahpazy ku liata hlâ aw na ta, ama chariahpazy ta hrao aw ei ta, patu aw ei ta, Babylaw lâ ama siekhei aw.

MIKÂ 4:10

Hy Zaio sawchanô y, Chanô sawzeihpa hawhta, A taikalô la a rôh teh; Khihpi tawhta pua aw chi ta, Lyurâhpa liata na pahrâ aw; Babylaw lâ sie aw chi ta, Cha liata pachhapa na châ aw; Cha liata na chariahpazy ku tawhta Abeipa ta a cha chatlai aw.

2 ABEIZY 24:15

Nebukaneza ta Zehôkhi cha Babylaw lâ a chhi ta. Abei nô, abei lapinôzy, beimachâzy nata râh liata chhituhpazy cha sei ta Babylaw lâ â chhi ha ei.