2 ABEIZY 2:9 - Mara Bible RV (BSI)

⁹ Haosâ ama kia tawhta, Elaizâh ta Elaisâh hnohta, “Nâ tawhta lapa ta ei y hlâta khâpa ei cha taopa aw, na hiah mah y,” tah ta. Elaisâh ta, “Na thlahpa topa lie no to awpa ta ei châ haw,” tah ta.

2 ABEIZY 2:9 ပူးပေါင်းရင်းမြစ်များ

1 ABEIZY 19:16

Nisi sawchapawpa Zehu chhao Izarei bei châta sathawthu aw chi ta, Saphâta sawchapawpa Elaisâh cha, nâma su châ thla awpa hrohsopa châta sathaw na thu aw.

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

HLAZY 72:1

Hy Khazohpa, abei hnohta na ryureina dopa pie la, Abei sawchapawpa hnohta na siana pie mah y!

HLAZY 72:20

Zese sawchapawpa Dâvi thlahchhânazy cha, He liana heta a chhâ haw.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

ZEKARIA 9:12

Hnabeiseihna a hneipa atâhpazy saih u, Nama thokhy lâ kua teh u; Tanoh tlai ta ei phuah, A lie no ta ei cha thô aw ei.

MALUHREINA 11:17

Za chô aw na ta, cha liata bie ei châ vaw chho aw. Nâ liata thlahpa a ypa kha la aw na ta, ama chô liata ei soh aw. Chatanachata zawpi phaohri cha, cha phaokhei aw ei ta, nâ dei ta phaoh khao aw va chi.

MALUHREINA 11:25

Abeipa cha meihdo hry liata a zu ta, Mawsi cha bie a chho ta, ano liata thlahpa cha la ta, machâ sysarizy chô liata soh ta. Thlahpa ama chô liata a ypa nahta, machâzy cha hrohsona bie phuah ei ta. Châhrasala cha hawhta tao pazao ngâ thlâh ha veih ei.

ZAWHÂNA 16:7

Chatahrasala, biehmeiseihpa ei cha chho ei. Ei sie awpa cha nama châta a pha. Ei sie vei khiahta cha, Thlapalôhtuhpa nâmo lâ a vy aw vei. Ei sie khiahta deikua cha, Thlapalôhtuhpa cha nâmo lâ ei vaw tuah aw.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 8:17

Lyuhchâpazy ta ama chô liata ama ku pahnieh ei ta, Thlahpa Pathaihpa hnei ha ei ta.

1 KAWRINI 12:31

Khâpa rai châ sala, hmopiepa rônah viapazy cha tlaichhai pachai teh u. Chatanachata lâpi pha viapa ei cha pahmô aw ei.

RYHPACHANEINA 21:17

A kho lei viapa sawchapawpa cha sawchapaw uhthei dopa châ ta, ano cha a pahno awpa a châ. A hneipa zydua tawhta tovyuh su thôh su no a pie aw. Ano cha a thatlôna thei hmiatuapa châ ta, sawchapaw uhthei châna tovyuh cha ano eih a châ.

RYHPACHANEINA 34:9

Nunâ sawchapawpa Zawsua cha, Mawsi ta a chô liata a ku a pahniehpa vâta, sona thlahpa ta bie ta. Chavâta Izarei sawzy ta a bie nathlie ei ta, Abeipa ta Mawsi bie a piepa hawhta ama tao lymâ.

1 TIMAWTHY 5:17

Awnanopa chhituh phapa, a eih pachaipa ta biechhona nata pachuna liata hriapasapazy cha, a lie no ta palyupalih tlâh ama châ.