2 ABEIZY 2:4 - Mara Bible RV (BSI)

⁴ Elaizâh ta Elaisâh hnohta, “Elaisâh y, ngiachhiepa ta he liata vaw y mah y. Kei cha Abeipa ta Zerikô lâ sie awpa ta eina tuah,” tah ta. Elaisâh ta, “Abeipa hrona nata na hrona reipa ta ei reih, cha ysai cheita aw va na,” tah ta. Chatanachata Zerikô cha kei tlô ei ta.

2 ABEIZY 2:4 ပူးပေါင်းရင်းမြစ်များ

1 ABEIZY 16:34

Ahabâ â bei daihti liana chata Bethel chyhsa Hiele ta Zerikô khihpi paduapathi ta. Abeipa ta Nunâ sawchapawpa Zawsua hmâpa ta a vaw rei hapa hawhta, khihpi paduana lôbô a bô nota a sawchapaw uhtheipa Abirâ thi ta, thokhy chhikaozy a tao nota a sawchapaw seihnaipa Seku chhao thi ta.

2 ABEIZY 2:2

Elaizâh ta Elaisâh hnohta, “Ngiachhiepa ta he liata vaw y mah y. Kei cha Abeipa ta Bethel taih sie awpa ta eina tuah,” tah ta. Elaisâh ta, “Abeipa hrona nata na hrona reipa ta ei reih, cha siesai cheita aw va na,” tah ta. Chatanachata Bethel lâ cha zu ha ei ta.

2 ABEIZY 4:30

Hawtipa nô ta, “Abeipa hrona nata na hrona reipa ta ei reih, cha siesai cheita aw va na,” khâchâ tah ha ta. Chavâta Elaisâh cha thyu ta, chanô cha pazi ta.

LUKA 19:1

Zisu cha Zerikô khih a ngia ta, palâh a chhuah ta.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 2:42

Ngiapâtuhpazy cha lyuhchâpazy pachuna dao awpa ta zy, akaona hnei awpa ta zy, viahchhâ pachhaih awpa ta zy, thlahchhâ awpa ta zy ta phahnai khoh ngaitapa ta y tyh ei ta.

ZAWSUA 6:1

Izarei sawzy vâta Zerikô khihpi cha a chhôh lâ chhao khôtho lâ chhao khaw khaipa châ ta, ahy hmah pua leipa ei ta, ahy hmah a ngia hra veih ei.

ZAWSUA 6:26

Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.

RUTHI 1:16

Ruthi ta, “Nâma cha siesai awpa tlyma, nâma ei cha pazipa tawhta kua awpa tlyma ta na reipasao khah y. Na siena lâ maih sie aw na ta, nâ riena maih liata ei rie hra aw. Na chiheihzy cha ei chiheihzy châ aw ei ta, na Khazohpa cha ei Khazohpa a châ aw.

1 SAMUELA 1:26

Hânâ ta, “Hy ei zibeipa! Na hrona reipa ta ei reih. Ei zibeipa y, kei he he su liata na mohmô liata a duah na ta, Abeipa lâta thlah a chhâpa chanô kha ei châ.