2 ABEIZY 2:3 - Mara Bible RV (BSI)

³ Bethel liata a ypa hrohsopa sahlao sawchapawzy Elaisâh lâ a vy ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:3 ပူးပေါင်းရင်းမြစ်များ

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 20:35

Hrohsopazy sawchapawpa hry liata pakha ta, Abeipa biepiepa hawhta a viasapa hnohta, “Ngiachhiepa ta na vaw phy tua,” tah ta. Châhrasala cha chyhsa chata phy khoh leipa ta.

2 ABEIZY 2:15

Zerikô liata hrohsopa sahlao sawchapaw ano dady ta a ypazy ta, ama hmô nahta, “Elaizâh thlahpa cha Elaisâh chô liata â choh ha tlai na,” tah ei ta. Ano dy awpa ta vawh ei ta, a hmiakô liata alei lâ a bôhpa ta, a naoh ei ta.

2 ABEIZY 2:5

Zerikô liata a ypa hrohsopa sahlao sawchapawzy ta Elaisâh a kei hnia ei ta, a hnohta, “Tanoh he Abeipa ta na chô liata hyutuhpa he a cha lapa aw tahpa na pahno ma?” tah ei ta. Ano ta, “Y, ei pahno na. A chalih thlâh ha muh vy,” tah ta.

2 ABEIZY 2:7

Hrohsopa sahlao sawchapaw­zy hry tawhta sypangawh vawh ei ta, âmo dady liata â hlapi ta a kei duah ei ta. Âmo pano deikua cha Zawdâh chavah kiah liata a duah ei ta.

2 ABEIZY 4:1

Hrohsopa sahlao lapinôzy hry liata chanô pakha ta Elaisâh hnohta, “Châ chakaotuhpa ei vahpa thi ha ta, châ chakaotuhpa kha Abeipa a chipa a châ tahpa na pahno. Leibâh â bâhpa chyhsa a vy ta, ei saw panozy cha sei ta a chhi awpa â chhuah,” tahpa ta a nôpona kyh chho ta.

2 ABEIZY 4:38

Râh liata chakâhna a tlô nota, Elaisâh cha Kilkal lâ sie heih ta. Hrohsopa sahlao sawchapawzy cha a hmiakô liata a tyuh ei ta, a chakaotuhpa hnohta, “Beih laipa khaih la, hrohsopa sahlao sawchapawzy châta abie pati chhopa teh,” tah ta.

2 ABEIZY 5:22

Kehâzi ta, “A pha khai na. Ei zibeipa ta, ‘Epharai tlâh râh tawhta hrohsopa sahlao sawchapawzy hry liatapa satlia pano ta na vaw tly ei ta, âmo cha tâkâ talent miakha nata chysia a patly awpa zo no bâh vaw pie mah y,’ tahpa ta cha pachhosa awpa ta eina vaw tuah,” tah ta.

2 ABEIZY 6:1

Hrohsopa sahlao sawchapawzy ta Elaisâh hnohta, “Moh tua, na kiapâh liata eimâ tyu tyhna su he eima châta a chyh tu haw.

2 ABEIZY 9:1

Hrohsopa Elaisâh ta hrohsopa sahlao sawchapawzy hry liata pakha aw ta, a hnohta, “Na chai a saih la, he sathaw byh he na ku ta chaba la, Ramôkilia khih lâ vawh teh.

ISAI 8:18

Moh teh u, kei nata Abeipa ta eina piepa sawzy he, Izarei liata ngiana nata pamosanazy châta Zaio Tlâh liata a pahrâpa Pheisaihzy Abeipa ta a hmâpazy eima châ hih.

AMÔSÂ 7:14

Amôsâ ta Amazia cha a chhy ta, a hnohta, “Kei he hrohsopa châ leipa na ta, hrohsopa sawchapaw chhao châ va na. Sahroh vaituhpa nata theiku kô mohôhtuhpa ei châ.

HMOTAOPAZY 22:3

“Kei he Zu chyhsa châ na ta, Silisia râh Tarsâ khih liata a pihpa ei châ. Châhrasala Kâmalia phei thaby lia a chu na ta, he khihpi liata a laiseihpa ei châ. Miah pathlatuhpazy ryhpa â i ngaitapa ta pachupa châ na ta, tanoh nâmo zydua hawhna heta Khazohpa châta phahnai a ngiah ngaitapa ei châ tyh.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

1 SAMUELA 10:5

Cha khai tawhta Philistinâ pheisaih yna Kibia Elôhim tlô aw chi ta. Chatawhcha hetana heta a vaw châ aw. Khihpi na tlôpa nahta, su sâhpa tawhta â zupa hrohsopa py a tyh aw chi ta, totâ, khoh, ramo nata tlaipih tôtuhpazy ta hmia a sah aw ei ta, hrohsopazy ta hrohsona bie ama phuahpa na hmô aw.

1 SAMUELA 19:20

Dâvi patu awpa ta Sawla ta chyhsazy tuah ta. Hrohsopazy ta hrohsona bie ama phuah ngâpa nata cha liata Samuela cha ama hyutuhpa ta â duapa ama hmô nahta, Sawla chyhsa tuapazy chô liata Khazohpa Thlahpa vaw tlô ta, âmo chhao chata hrohsona bie cha phuah lymâ ha hra ei ta.