2 ABEIZY 2:11 - Mara Bible RV (BSI)

¹¹ Chatawhcha hmaohkha ta sie lymâ ei ta, bielôhawhpa ama rei hai nota, mei talailih nata mei arâ zy thlai a vaw lâ ta, ama likawh liata vaw tla ta, âmo pano cha vaw pachhaih ta, Elaizâh cha khisô liata vârâh lâ kiah ha ta.

2 ABEIZY 2:11 ပူးပေါင်းရင်းမြစ်များ

ÂTHAONA 5:24

Enawka cha a hro chhôh ta khazohpa a kao tyh ta, chavâta Khazohpa ta ano cha la ha ta, hmô awpa y khao vei.

2 ABEIZY 2:1

Abeipa ta Elaizâh cha khisô ta avâ lâ â chhi nawpa daihti a hnia ha ta. Elaizâh nata Elaisâh cha Kilkal tawhta hmaohkha ta sie ei ta.

2 ABEIZY 6:17

Chatawhcha Elaisâh cha thlahchhâ ta, “Hy Abeipa y, a hmô thei nawpa ta a mo pavâsa mah y,” tah ta. Abeipa ta chakaotuhpa mo cha pavâsa ta. Tlâh cha mei talailihzy nata arâzy ta biepa ta, Elaisâh ama chadôpa hmô ta.

HLAZY 68:17

Khazohpa talailihzy cha thy hluhpi châ ta, Thy sâh hluhpi a châ; Abeipa cha Sinai liata a ypa hawhna khata, Pathaihna ta ama hry liata a pahrâ.

HABAKU 3:8

Hy Abeipa, arâ kiah chi ta, Na pahniena talailih liata na kia no kha, Chavahzy chô liata ma na hie a hâh? Chavahzy chô liata ma na pathi a ia? Tilaipi chô liata ma na ru a chhô?

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

BIEPHUAH 11:12

Chatawhcha ama hnohta, “He lâ a khy teh u,” tahpa ta avâ tawhta ao paro ngaitapa thei ei ta. Meihdo hry liata avâ lâ khy ei ta, ama khakhaipazy ta moh thlâh ha ei ta.