2 ABEIZY 19:7 - Mara Bible RV (BSI)

⁷ Pachâ teh, a chhôh liata thlahpa soh aw na ta, bie pathâhpa a thei aw. Chatanachata a râh lâ a lie aw ta, ano râh liata zaozi ta ei papaosa aw,’ tahpa ta,” tah ta.

2 ABEIZY 19:7 ပူးပေါင်းရင်းမြစ်များ

2 ABEIZY 19:28

Ei chô liata na ruchhô ta, Nâ palaina ei nah liata â kaw ngia hapa vâta, Na hnari cha daoh aw na ta, Ei chhâri na hmao liata pabawpa ta, Nâ vyna lâpi lâ tlai khata ei cha pakuasa heih aw.”

2 ABEIZY 19:33

 vyna lâpi lâta, cha lâpi lâ tlai chata a lie aw ta, he khihpi he vaw tlô aw vei,’ Abeipa ta a tah.

2 ABEIZY 7:6

Abeipa ta Aramia pheisaihzy cha talailih pyuzy, arâ pyuzy, pheisaih hluhpi pyuzy patheisa ta, chavâta âmo nata âmo a chho ei ta, “Pachâ teh u, keimo miah siehnao awpa ta, Izarei bei ta Hiti beizy nata Izi beizy a hrua ha ei hih,” tah ei ta.

2 THÂTIHZYRONA 32:21

Abeipa ta vâlyuhchâpa za tuah ta, ano chata Asuria bei riehmo liata pasaiphazy, pheisaih hyutuhpazy nata chhituhpa zydua a thie khai ha ei. Chatanachata Senâkeri cha noza hmiachhiepa ta a râh lâ â lie haw. Noh kha cha a khazoh o lâ a vaw nota, ano sawchapawzy ta zaozi ta ama chhawhsao haw.

ZAWBÂ 15:21

Chichhihpa pyuzy a nah ta thei ta, A phasa hai nota paraotuhpa ta â vyhnao aw.

ZAWBÂ 4:9

Khazohpa hu ta leidia ei ta, A hiehâhna thlih ta a hmôsao ei.

HLAZY 11:6

Moleipazy chô liata meiia nata kaih pasuasa sala, Ziza sahpa cha ama tovyuh nyu châ mawh sy.

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

HLAZY 94:23

Ama paraonazy viarithô aw ta, Ama moleinazy vâta âmo cha a pamua khai aw; A châ na, Abeipa eima Khazohpa ta a pamua khai ha aw ei.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ZEREMIAH 49:14

Abeipa tawhta bietapa thei na ta, Phopizy hnohta lyuhchâpa tuapa a châ: “A hmaohpakhypa ta, Edômâ siehnao u la, A dyuh awpa ta thyu teh u!

ZEREMIAH 51:1

Abeipa ta hetana heta a tah: “Moh teh u, paraotuhpa thlih ei pathyu aw; Babylaw chô liata pathli aw ta, Lebakâmai chyhsazy chô liata a pathli aw.

ZEREMIAH 51:46

Râh liata bie pathâhpa nama thei tita, Nama palôh panao leipa sala, Chi hra khuh vy; Kô kha liata bie pathâhpa vaw tlô aw ta, Kô hropa liata a vaw tlô heih aw; Ryureituhpazy a chakhia aw ei ta, Râh liata atudaina a y aw.

ÔBADIA 1:1

He biezy he Ôbadia aluahna châ ta, Abeipa Zehôvâh ta Edômâ kyh liata a reipa biezy a châ: Abeipa tawhta bie thei pi ta, Phopizy hry liata lyuhchâpa tuapa a châ; “Thyu teh u, Edômâ a dyuh ei suh u!” Tahpa ta ama pahrua.