2 ABEIZY 19:3 - Mara Bible RV (BSI)

³ Âmo ta Isai hnohta, “Hezekia ta hetana heta a tah: ‘Tanoh he nôpona noh châ ta, rana noh chhao châ ta, nohzaona noh a châ. Sawzy ama pina daihti tlô ha ta, châhrasala papihsa awpa ta thatlôna y khao vei.

2 ABEIZY 19:3 ပူးပေါင်းရင်းမြစ်များ

2 ABEIZY 18:29

Abei ta hetana heta a tah: ‘Hezekia a padôveisa khuh vy. Ano ta ei ku tawhta cha pachha thei aw veih ei.

2 ABEIZY 19:2

Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

2 ABEIZY 19:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake bie zydua kha, Abeipa na Khazohpa ta thei ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta.

HLAZY 39:11

Chyhsapa cha a moleina vâta chhorei chi ta, A kho chaipa hmo chhao chhoma-u hawhta na niepa tyh. Chyhsa zydua he ei kha husopa hawh dei ama vaw châ tlai he! Selah

HLAZY 95:8

Meribâ liata ama taopa hawhna khata, Nama palôh kuh pachha leipa u la, Kha noh ta Mâsâ râhchawhpa liata ama taopa hawhna khata, Tao hra khuh vy.

ISAI 66:9

Nawh pina daihti taih a chhi ha tlôhpa ta, Saw pasasa leipa ta ei y aw ma?” Abeipa ta a tah. “Kei, saw a pasasa thei tuhpa heta Chhi ei khaw aw ma,” Na Khazohpa ta a tah.

HÔSIA 13:13

Chanô sawzeih pasana ta tlô thlu ta, Châhrasala sawchapaw so leipa a châ; A daihti vaw tlô ta a vaw luah leipa ta, Chhi â pahypa lâ a vy vei.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.