2 ABEIZY 19:1 - Mara Bible RV (BSI)

¹ Bei Hezekia ta cha bie cha a thei nahta, a chysiazy hrie ta, latho poh a bupa ta Abeipa o chhôh lâ a ngia ta.

2 ABEIZY 19:1 ပူးပေါင်းရင်းမြစ်များ

ÂTHAONA 37:34

Zakaw cha a chysiazy hrie ta, latho poh a sai ta, noh hluhpi a sawchapawpa mâchhie sa ta.

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

1 ABEIZY 21:29

“Ahabâ ta ei hmiakô liata â panawhzie kha na hmô ma? Ei hmiakô liata â panawhpa vâta, ano chhâ liana heta la chhiena patlôsa aw va na. A sawchapawpa chhâ liata deikua cha a pathlazy chô liata chhiena ei patlôsa aw,” tah ta.

2 ABEIZY 18:37

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

2 ABEIZY 5:7

Châ cha a rei khai nahta, Izarei bei cha a chysia hrie ta, “Kei he chyhsazy thie thei ta, a pahro theituhpa Khazohpa ma ei châ? Khazia he chyhsa heta phawhpa chyhsa patlâh awpa ta kei lâ a vaw tuah tly? Chavâta pachâ u la pahno teh u, einâ hryuh thei nawpa lâpi a tluapa a châ hih,” tah ta.

2 ABEIZY 6:30

Abei cha chanô bie reipa a thei nahta, a chysiazy hrie ta. Zawpi ta kaw moh ei ta, abei cha a sapa padaihpa ta latho poh a bu ta, thokhy chô liata a hlaihlâ ngâpa kaw hmô ei ta.

EZRÂ 9:3

Cha thâtih cha ei theipa nahta, ei viahkao nata ei poh hrie nata, ei sâ nata ei kâhhmi phia na ta, a pachâna pahno leipa ta a tyuh na ta.

HLAZY 35:13

Âmo ama pasa tita deikua cha, Latho poh a bu na ta; Kâhvileipa ta pasataopa ta, Ei luh a khupa ta thlah ei chhâ tyh.

ISAI 37:37

Chatanachata Asuria bei Senâkeri cha pua ta, Ninivâ khihpi lâ a lie ha ta.

ZEREMIAH 36:24

Châhrasala cha bie zydua a theipa abei tlyma, a chakaotuhpazy tlyma, ahy hmahta chi leipa ei ta, ama chysiazy hrie hra veih ei.

ZAWNA 3:5

Ninivâ mo cha Khazohpa zo ei ta. Kâhvileina phuah ei ta, a lai chaipa tawhta a chyh chaipa taihta latho poh a bu ei ta.

ZAWNA 3:8

Chyhsa chhao, sahroh chhao, latho poh a bu khai ei sala, Khazohpa cha thata pado mawh ei sy. Chyhsa to ama moleina lâpi tawhta kua ei sala, ama ku liata thachahra hmâna a ypa tawhta kua mawh ei sy.

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

MATHAI 26:65

Cha khaipa nahta, theihthai beichaipa cha a poh hrie ta, “Khazohpa a reipachhie he zaw. Pahnokheituhpa hropa khazia eimâ ngiah khao aw? Pachâ teh u, tahmâ tlai kha Khazohpa a reipachhiena nama thei khai ha khaw.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

1 SAMUELA 4:12

Benzami chyhsa pakha adyuhna su tawhta a vaw râ ta, a chysiazy hriepa ta nata a luh liata dohlei a miapa ta, cha noh lia tlai ta Silô khihpi vaw tlô ta.