2 ABEIZY 18:8 - Mara Bible RV (BSI)

⁸ Philistinâ mo a dyuh ta, Kâza khih nata a râh zydua, riahvaina o nata thokhy hneipa khihpizy taih a pahnie khai haw.

2 ABEIZY 18:8 ပူးပေါင်းရင်းမြစ်များ

1 ABEIZY 5:4

Tahmâ deikua cha Abeipa ei Khazohpa ta su to liata thlalôhna eina pie haw. Khakhaipazy y khao leipa ei ta, vâchhiena chhao y khao vei.

2 ABEIZY 17:9

Izarei sawzy ta Abeipa ama Khazohpa chô liata hmo doleipa arulâta tao tyh ei ta. Ama khih zydua liata, riahvaina o sâhpa tawhta thokhy hneipa khihpi taihta su sâhpazy tao ei ta.

1 THÂTIHZYRONA 4:41

Zudâh pathla moh ropazy he Zudâh bei Hezekia â bei daihti liata a ngiapa châ ei ta, Hamâ mo poh ozy parao ei ta, cha liata a ypa Muni mo chhao ama pahleipadia khai haw. Pahleipadia khaipa ama châpa cha tanoh taihta hmô thei awpa ta a y. Sahroh châta sibiepa a ypa vâta, Muni mo su liata Simeôna mo ama pahrâ haw.

2 THÂTIHZYRONA 26:10

Râhchawhpa liata chhao o sâhpazy padua ta, sahroh hluhpi a hneipa vâta, Sephelâ nata bypizy liata tipo hluhpi tao ta. Lyutao a pahâhpa a châpa vâta, tlâhzy nata chhaohlei phana suzy liata lyutaopa nata kre sadô mohôhtuhpazy soh ta.

2 THÂTIHZYRONA 28:18

Philistinâ mo chhao ta Sephelâ nata Zudâh Neke râhzy vaw chho ei ta, Beseme, Aizalô, Kederaw, Sôkô nata a khichapeihzy, Timnah nata a khichapeihzy, Kimzô nata a khichapeihzy la ei ta, cha suzy liata ama pahrâ haw.

ISAI 14:29

Hy Philistinâ râh zydua saih u, Nâmo châ tupa chôchahrei a tlie hapa vâta a ly hlei khuh vy; Vâzi thari tawhta chyuphao vaw thao aw ta, A thei cha vâzi mei a zawtheipa a châ aw.

ISAI 5:2

Alei chhiah ta, alôzy thypa ta, Kre zôh pha chaipa loh ta; A liah liata vaina o sâhpa sa ta, Cha liata kre saohna khaoh a chao. Kre thei pha pathei awpa ta mokhâh ta, Châhrasala kre sihpa tlao a pathei.

RYHPACHANEINA 2:23

Kâza taihta khitawzy liata a ypa Avimi mo chhao, Kâftaw tawhta a vaw puapa Kâftaw mo ta pahleipadia ei ta, ama râh liata ama pahrâ ha hra.

ZAWSUA 15:47

Asadô nata a khihpizy nata ama khichapeihzy; Kâza nata a khihpizy nata ama khichapeihzy; Izi chavah taihta nata Tilaipi Laipa nata a ngiahkâzy liata a ypa khihpizy cha notla bypi lâta Zudâh khihpizy a châ khai.