2 ABEIZY 18:7 - Mara Bible RV (BSI)

⁷ A hnohta Abeipa y ta, a siena lâ maih a hlaotloh lymâ. Asuria bei ry tawhta pua ta, Asuria bei cha chakao khao leipa ta.

2 ABEIZY 18:7 ပူးပေါင်းရင်းမြစ်များ

ÂTHAONA 21:22

Cha daihti liata, Abimele nata a pheisaih hyutuhpa Phikaw ta Abarahâ hnohta, “Na hmotaopa zydua liata Khazohpa na hnohta a y lymâ.

2 SAMUELA 8:14

Edômâ râh liata pheisaihzy soh ta. Edômâ râh su hluhpi liata pheisaihzy soh ta, chatanachata Edômâ mo zydua cha Dâvi chakaotuhpazy ta y ha ei ta. Abeipa ta Dâvi cha a siena maih liata pahniena a pie lymâ.

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

2 ABEIZY 16:7

Ahâza ta Asuria bei Tikalâpilesa lâ lyuhchâpa tuah ta, a hnohta, “Châ chakaotuhpa nata na sawchapawpa ei châ hih. A khy la, nâ dyuh ngâpa Aramia bei ku tawhta nata Izarei bei ku tawhta na kaw pachha teh,” tah ta.

2 ABEIZY 17:3

Asuria bei Salmanesa ta vaw siehnao ta. Chatanachata Hôsia cha Salmanesa ry liata bei ta y ta, a hnohta râhpaw a pie tyh.

2 ABEIZY 18:14

Zudâh bei Hezekia ta Lakhi khih liata Asuria bei lâ lyuhchâpa tuah ta, a hnohta, “Ei vaw tao chhei ha na, nâ sysai teh. Einâ hnawpa maih chi ei tao aw,” tah ta. Asuria bei ta Zudâh bei Hezekia cha tâkâ talent za thôh nata ngôh talent sythôh a hnaw ta.

2 ABEIZY 18:20

Bie thlâhthlipazy cha a dyuhzie thaina nata hmotaotheina hawhta ma na pachâ? Ahy a ngâchhâ chi ta ma, tahmâ einâ dyuh chi?

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 31:21

Hezekia cha Khazohpa o liata chakaona raihria ky liata zy, ryhpa kyh liata zy, biepiepa kyh liata zy, a Khazohpa tluana kyh liata zy, a taopa maih liata pathipalôh tlokhuh ta tao lymâ ta, chavâta thlaochhipa ta a y lymâ.

2 THÂTIHZYRONA 32:30

Kihaw chavah hnawh toh ta, Dâvi khihpi notla lâchhâh ta a palosa. Chatanachata Hezekia cha a hmotaopa zydua liata thlaochhipa ta y lymâ ta.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 60:12

Khazohpa chhaota riahphapa ta a dyuh aw pi ta, Ano tlai ta eima chariahpazy a tlypâ aw.

ISAI 33:6

Ano cha na hro chhôh ta nâ ichana a châ aw; Na pachhana sôhpa châ aw ta, Na sona nata na pahnona a châ aw; Abeipa china cha Zaio ryusôhpa a châ.

ISAI 36:5

Bie thlâhthlipazy cha a dyuhzie thaina nata hmotaotheina hawhta ma na pachâ? Ahy a ngâchhâ chi ta ma, tahmâ einâ dyuh chi?

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RYUREITUHPAZY 1:19

Abeipa cha Zudâh pathlazy hnohta y ta, chatanachata tlâh râh liata pahrâpazy papua khai ei ta, by liata pahrâpazy deikua, thua talailihzy ama hneipa vâta papua thei veih ei.

1 SAMUELA 18:14

Abeipa a hnohta a ypa vâta, Dâvi cha a hmotaopa maih liata hlaotlohna hmô lymâ ta.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.