2 ABEIZY 18:4 - Mara Bible RV (BSI)

⁴ Su sâhpazy parao ta, lôbôzy pacho ta, Aseri tôhzy a chhawh pachhô khai haw. Mawsi ta dawh parih a taopa chhao kha a pakeichheih khai haw, cha daihti taihta Izarei sawzy ta Nehustâ ama tahpa dawh parih lâ cha atheihnazy ama hlâ thlâh ha chypa vâta.

2 ABEIZY 18:4 ပူးပေါင်းရင်းမြစ်များ

1 ABEIZY 22:43

A paw Âsâ lâpi a chhihpa zydua a chhih hra ta. Lâpi tleisai cheita leipa ta, Abeipa mohmô liata hmo dopa tao ta. Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

2 ABEIZY 10:26

Bâlâ achhyna o liata khazoh nothlahpazy puakhei ei ta, mei ta rao ei ta.

2 ABEIZY 11:18

Chatawhcha râh chyhsa zydua cha Bâlâ achhyna o lâ vawh ei ta, achhyna o cha parao ei ta, Bâlâ maisâhzy nata a nothlahpazy pakeichheih ei ta. Bâlâ theihthaipa Mâtâ cha maisâhzy thaby liata thie ei ta. Abeipa o vaih awpa ta, theihthaipa ta vaituhpazy soh ta.

2 ABEIZY 12:3

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

2 ABEIZY 14:4

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

2 ABEIZY 15:35

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy. Zôthâ ta Abeipa o chô lâta chhikao taopathi ta.

2 ABEIZY 15:4

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

2 ABEIZY 16:15

Bei Ahâza ta theihthaipa Uria cha biepie ta, a hnohta, “Maisâh laipa chô liana heta my ta raopa hlânazy, zâla ta niepa hlânazy, abei raopa hlânazy, abei niepa hlânazy, râh chyhsa zydua raopa hlânazy, ama niepa hlânazy nata ama dopa hlânazy na hlâ tyh awpa a châ. Maisâh chô liata raopa hlâna thisaih zydua nata atheihna thisaih zydua na thia tyh aw. Dawh maisâh deikua cha, keima ta Khazohpa ei saohiah tyh nawpa châta a châ aw,” tah ta.

2 ABEIZY 18:22

‘Keimo la Abeipa eima Khazohpa na eimâ ngâchhâ,’ nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, ‘Zerusale liata he maisâh hmiakô lia deita ta namâ chhy awpa a cha,’ tah ta, a su sâhpazy nata a maisâhzy a parao khai hapa kha châ vei ma?

2 ABEIZY 21:3

A paw Hezekia ta a parao hapa su sâhpazy paduapathi ta, Izarei bei Ahabâ taozie hawhta, Bâlâ châta maisâhzy padua ta, Aseri tôhzy bô ta, avâ liata a ypa zydua a chhy ta, a chakao ei.

2 ABEIZY 23:14

Lôbôzy pakeichheihpa ta, Aseri tôhzy thlu ta, cha suzy cha chyhsapa ruzy ta pabie ta.

2 ABEIZY 23:4

Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.

2 THÂTIHZYRONA 19:3

Chatahrasala Aseri tôhzy râh tawhta pahleipadia chi ta, Abeipa tluana lâta na palôh na paheipa vâta, phana khazie rakha ma cha na hnei,” tah ta.

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

2 THÂTIHZYRONA 33:3

A paw Hezekia ta a parao hapa su sâhpazy paduapathi ta, Bâlâ khazohzy châta maisâhzy tao ta, Aseri khazoh nothlahpazy tao ta, avâ liata a ypa zydua a chhy ta, a chakao ei.

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

PUASAINA 23:24

Ama khazohzy hmiakô liata a bôhpa ta nâ chhy awpa châ leipa ta, âmo na chakao awpa châ hra vei. Ama taopazy hawhta na tao hra awpa châ leipa ta, tlokhuh na pahleipadia khai ha awpa ei châ ta, ama panana tôhzy na phy pachhô khai ha awpa a châ.

PUASAINA 34:13

Ama maisâhzy pacho aw ei chi ta, ama lôbôzy pakei khaipa ta, ama Aseri tôhzy nama chhawh pachhô khai awpa a châ.

ISAI 36:7

“Keimo la Abeipa eima Khazohpa na eimâ ngâchhâ,” nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, “He maisâh hmiakô lia deita ta namâ chhy awpa a cha,” tah ta, a su sâhpazy nata a maisâhzy a parao khai hapa kha châ vei ma?

THEIHTHAINA 26:30

Nama su sâhpazy parao aw na ta, nama noh khazoh nothlahpazy papao aw na ta, nama khazoh nothlahpazy ri chô liata nâmo ri ei pacho aw. Ei hro ta a châ hao aw ei.

RYHPACHANEINA 5:5

Cha nota, nâmo cha mei vâta chi ei chi ta, tlâh lâ namâ khy ngâh leipa vâta, Abeipa nata nâmo likawh liata a duah na ta, nama hnohta Abeipa bie ei phuahpa kha a châ. Abeipa ta hetana heta a tah.

RYHPACHANEINA 7:5

Hetana heta ama chô liata nama tao aw: Ama maisâhzy pacho aw ei chi ta, ama lôbôzy nama pakei aw. Ama Aseri tôhzy thlu aw ei chi ta, ama khazoh nothlahpazy mei ta nama rao khai aw.

RYUREITUHPAZY 6:25

Cha zâ liata Abeipa ta Kidia hnohta, “Na paw viahchao tôhpa la la, viahchao tôh hropa kô saripa chhao la la, na paw paduapa Bâlâ maisâh kha pacho la, a kiapâh liata Aseri tôh chhao thlu la,

RYUREITUHPAZY 6:28

Khihpi chyhsazy mydi ta ama thyu nahta, Bâlâ maisâh cha cho ha ta, a kiapâh liata Aseri tôh chhao thlupa châ ta, maisâh paryhpa liata viahchao tôhpa pô nona hlâpa a châpa hmô ei ta.