2 ABEIZY 17:7 - Mara Bible RV (BSI)

⁷ Cha hawhta ama yna chhâpa cha, Izarei sawzy ta Izi bei Phiraoh ku ry liata ama yna Izi râh tawhta a kaw chhi papuatuhpa Abeipa ama Khazohpa chô liata hmo parao ei ta, khazoh hropazy tlao chi ei ta,

2 ABEIZY 17:7 ပူးပေါင်းရင်းမြစ်များ

1 ABEIZY 11:4

Sawlawmaw cha a vaw machâ nahta, a lapinôzy ta khazoh hropazy lâta a palôh patleisa ei ta, a paw Dâvi palôh hawhta Abeipa a Khazohpa lâta a palôh tlokhuh hlâ thei khao vei.

1 ABEIZY 15:3

A paw hmo moleipa taopa zydua kha tao hra ta, a mapaw Dâvi palôh phaoh leipa ta, Abeipa a Kha­zopa lâta a palôh zydua hlâ khai vei.

2 ABEIZY 16:2

Ahâza cha kô kihpa a châ nota a bei pathao ta, Zerusale liata kô hrawh hleicharu â bei. A pathlatuhpa Dâvi ta Abeipa mohmô liata hmo dopa a taopa hawhta tao leipa ta,

2 ABEIZY 17:35

Abeipa ta ama hnohta biehrai tao ta, “Khazoh hropazy nama chi awpa châ leipa ta, ama hmiakô liata namâ bôh awpa châ leipa ta, nama chakao awpa châ leipa ta, âmo lâ atheihna nama hlâ awpa châ vei,

1 THÂTIHZYRONA 5:25

Châhrasala âmo pathlatuhpazy Khazohpa chô liata ngâchhih leipa ei ta, Khazohpa ta ama hmiakô liata a pahleipadiapa, cha râh phopizy khazohzy liata ama sihryh haw.

2 THÂTIHZYRONA 36:5

Zehôki cha kô kih nata kô pangawhpa a châ nota a bei pathao ta, Zerusale liata kô hrawh hleikha â bei. Abeipa a Khazohpa mohmô liata hmo pha leipa tao ta.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

HLAZY 78:12

Ama pathlatuhpazy mohmô ta hmonoâhpazy tao ta, Izi râh Zônâ lyuzy liata hmonoâhpazy a taopa ei.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

ISAI 57:5

Ôkâ thozy hry liata a patla ei chi ta, Tho hrohpa to ry liata Aohraohna ta a kâ tyhpazy châ veih ei chi ma? Saikaozy nata lôpanô keipazy chhôh liata nama sawzy thie ei chi ta, Atheihna ta a hlâ tyhpazy kha châ veih ei chi ma?

ZEREMIAH 10:5

Ama khazohzy cha athei lyu liata Pavaw pachisana nothlahpa hawh dei châ ei ta, Reih pathlie thei veih ei; Âmo kho ta ama sie thei leipa vâta, A sy awpa a byuh tyh. Chavâta âmo cha chi khuh vy; Hmo chhiepa tao thei leipa ei ta, Hmo phapa tao theina âmo liata y hra vei.”

EZEKIA 39:24

Ama pathaih leina nata ama paraona lymâ hawhta ama chô liata tao na ta, âmo tawhta ei hmia ei nyu hapa a châ.

HÔSIA 12:14

Epharai ta Abeipa cha thata a hie a pahâh haw; Chavâta a thisaih maoh paphaosa aw ta, A reipachhienazy vâta viari a thô aw.

HÔSIA 4:12

Ei phopi ta ama tho nothlahpa a saohiah ei ta, Ama tho chôchahrei tawhta bietapazy ama dao. Sihryhna thlahpa ta lâpi paviasa ei ta, Ama Khazohpa amâ pheisai haw.

HÔSIA 4:13

Tlâh lakizy liata atheihna hlâ ei ta, Tlâhthlôhzy liata raopa hlâna ama hlâ tyh; Ama buh nohdi a pha kawpa vâta, Ôkâ, pôpalâ nata terebi kôzy ry liata, Atheihnazy ama hlâ tyh. Chavâta nama sawchanôzy ta sihryh ei ta, Nama myuhnôzy ta amâ phei tyhpa a châ.

RYHPACHANEINA 31:29

Ei thi tawhta thata molei aw ei chi ta, bie ei cha piepa ei lâpi tawhta nama tleisai aw tahpa ei pahno. Noh a vaw tlô awpazy liata, nama ku hmotaopa ta Abeipa hie pahâhpa ta, a mohmô liata hmo pha leipa nama tao awpa vâta, hmo pha leipa ta a cha tla thlu aw ei,” tah ta.

ZAWSUA 23:16

Abeipa nama Khazohpa ta bie a cha piepa ei, a biehrai paraopa ta, khazoh hropazy pangaipa ta âmo cha chakaopa ta namâ chhy khiahta cha, nama chô liata Abeipa pathi ia aw ta, râh phapa a cha piepa tawhna ei heta thlai nama leidia aw,” tah ta.

RYUREITUHPAZY 6:10

Nama hnohta, ‘Kei he Abeipa nama Khazohpa ei châ. Ama râh nama pahrâpa liata Amawri mo khazohzy nama chi awpa châ vei,’ cha tah ei na ta. Châhrasala ei ao nathlie veih ei chi,” tah ta.