2 ABEIZY 17:6 - Mara Bible RV (BSI)

⁶ Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

2 ABEIZY 17:6 ပူးပေါင်းရင်းမြစ်များ

ÂTHAONA 10:2

Zaphethâ sawchapawzy cha Kôme, Mâkaw, Mâdai, Zavâ, Tubâ, Mese nata Tirâ zy ama châ.

1 ABEIZY 8:46

“Chyhsa ahy hmah a molei beih leipa y veih ei. Na phopi chhao ta na chô liata ama molei tita, ama chô liata na pathi ia ta, chavâta ama chariahpa ku liata âmo cha pie chi ta, chariahpa râh lâhlapi lâta tlyma, lâhnia liata tlyma, sei ta a chhipa ta y ei sala,

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

2 ABEIZY 17:23

Chavâta Abeipa ta a hrohsopa zydua hmâpa ta a rei hapa hawhta, Izarei cha a mohmô tawhta a papua haw. Chatanachata Izarei cha ama râh tawhta Asuria lâ a chhipa châ ei ta, tanoh taihta cha su liata ama y.

2 ABEIZY 18:34

Hâmathi khihpi nata Apâ khihpi khazohzy kha khataih liata ama y haw? Sephavai, Henâ nata Ivâ khazohzy chhao kha khataih liata ama y khai haw? Samâri kha ei ku tawhta ama pachha ma?

2 ABEIZY 19:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

2 ABEIZY 21:13

Samâri thliena ri nata Ahabâ chhôhkha padona ri cha Zerusale chô liata parai aw na ta, chyhsa ta beikoh a hnao ta a pakhupa hawhta, Zerusale cha ei hnao aw.

1 THÂTIHZYRONA 5:22

Adyuhna cha Khazohpa eih a châpa vâta, Rubena chi, Kâdâ chi nata Manase chi khophiezy ta Hâkari mo nata ama hnohta a ypa hluhpi cha thiepa ta papao ei ta, Izarei sawzy seichâna lâ siekheipa ta ama yna daihti taihta Hâkari mo râh liana cha ama pahrâ haw.

1 THÂTIHZYRONA 5:26

Chavâta Izarei Khazohpa ta Asuria bei Puli palôh nata Asuria bei Tikalâpilesa palôh pathyu ta, Rubena chi, Kâdâ chi nata Manase chi khophie zy cha sei ta a chhi ta, Hâlâ, Hâbaw nata Hârâ khihpizy nata Kôzani chavah liata âmo cha soh ta, tanoh taihta cha liata ama y.

EZRÂ 6:2

Media râh liata Ekabâtanâ khihpi liata abei o liata châchatypa, a chhôh liata he hawhta ropa hmô ei ta:

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

ISAI 10:9

Kânô khihpi kha Kâkhemi khihpi hawhta châ vei ma? Hâmathi khihpi kha Apâ khihpi hawhta châ vei ma? Samâri khihpi chhao kha Dâmaskâ khihpi hawhta châ vei ma?

ISAI 13:17

“Pachâ teh u, âmo a dyuh awpa ta Media mo pathyu aw na ta, Cha phopi cha tâkâ pachâ leipa ei ta, Ngôh liata a ly hra veih ei.

ISAI 17:4

Cha noh liata, Zakaw rônahna cha panawhpa châ aw ta, A pôhpa thawhpa chhao a zaoh aw.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ISAI 36:17

A vy aw na ta, nâmo râh hawhta sâh nata kresawhti puana râh, viahchhâ nata kre sadôzy yna râh lâ ei châ chhi hlâlei ei cha, cha hawhta nama râh liata nama y lymâ aw.

ISAI 36:19

Hâmathi khihpi nata Apâ khihpi khazohzy kha khataih liata ama y haw? Sephavai khazohzy khataih liata ama y haw? Samâri khihpi kha ei ku tawhta ama pachha rai ma?

ISAI 37:18

Hy Abeipa y, Asuria beizy ta phopizy nata ama râhzy cha parao ha tlai ei ta,

ISAI 8:4

Hawti ta, ‘Ei pâ,’ ‘Ei nâ,’ a tah thai hlâta, Dâmaskâ hneirôna nata Samâri hraona hmozy cha Asuria bei hmiakô liata siekheipa a châ aw,” tah ta.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

DÂNIAH 5:28

UPHARSIN, na khinarâh cha pachhaihpa châ ta, Media mo nata Persia mozy hnohta piepa a châ haw,” tah ta.

HÔSIA 1:4

Abeipa ta Hôsia hnohta, “A moh ta Zezari bi teh, Zezari liata thisaih ama palona vâta Zehu chhôhkha cha thlai hrie aw ei na ta, Izarei râh liata abei ryureina cha ei pachhâsa ha awpa vâta.

HÔSIA 1:6

Cha khai tawhta Kôme cha saw phaoh heih ta, sawchanô sa ta, Abeipa ta Hôsia hnohta, “A moh ta Lôruhâmâ bi teh, Izarei chhôhkha hnohta ei kyhpachâna palâsa khao leipa aw na ta, ei ngiahthai beih khao lei awpa vâta.

HÔSIA 1:9

Abeipa ta a hnohta, “A moh ta Lôami bi teh. Ei phopi châ khao leipa ei chi ta, nama Khazohpa chhao châ khao va na” tah ta.

HÔSIA 13:16

Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.

HÔSIA 9:3

Abeipa râh liata pahrâ thei aw veih ei; Epharai cha Izi râh lâ kua aw ta, Asuria râh liata pati pathaih leipa a nie aw.

THEIHTHAINA 26:38

Phopizy hry liata leidia aw ei chi ta, nama chariahpazy râh ta a cha nie khai aw ei.

AMÔSÂ 5:27

Dâmaskâ khô lâ ei cha pasiesa aw ei,” Abeipa, a moh Pheisaihzy Khazohpa ta a tah.

AMÔSÂ 7:17

Chavâta Abeipa ta hetana heta a tah: ‘Na lapinô cha khihpi liata âzuahnô châ aw ta, Na sawchapawzy nata na sawchanôzy zaozi ta ama pao aw. Na râh he thliena ri ta thliepa ta rai khaipa châ aw ta, Nâma tlai chhao râh pathaih leipa liata na thi aw; Izarei cha ano râh tawhta lâhlapi lâ sei ta a sie tlai aw.’”

RYHPACHANEINA 28:36

“Abeipa ta nâmo nata nama bei nama pachâsa awpa cha, nama pahno beih leipa phopi, châ pathlatuhpazy chhao ta ama pahno beih leipa phopi lâ châ chhi aw ei ta, cha liata khazoh hropazy, tho nata lô khazohzy nama chakao aw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 30:18

nama leidia tlai aw tahpa tanoh ei cha chho ei. Zawdâh chakapa ta râh namâ ngia awpa nata nama hnei awpa liata hroh pareih aw veih ei chi.