2 ABEIZY 17:31 - Mara Bible RV (BSI)

³¹ Avi mo ta Nibâ nata Tartâ tao ei ta; Sephavai mo ta ama khazoh Adarâmele nata Anâmele lâta ama sawzy raopa hlâna atheihna ta ama hlâ tyh.

2 ABEIZY 17:31 ပူးပေါင်းရင်းမြစ်များ

2 ABEIZY 17:17

Ama sawchapawzy nata ama sawchanôzy raopa hlâna atheihna ta hlâ ei ta, pachaopazy nata dyuzy hmâh ei ta, Abeipa mohmô liata hmo pha leipa tao awpa ta âmosasyh a zuah ei ta, Abeipa hie ama pahâh tyh.

2 ABEIZY 17:24

Asuria bei ta Babylaw, Kuthâ, Avâ, Hâmathi nata Sephavai khihzy tawhta chyhsazy a zâ chhi ta, Izarei sawzy vyuhpa ta Samâri khihpizy liata a pahrâsa ei. Chatanachata Samâri cha la ei ta, a khihpizy liata ama pahrâ haw.

2 ABEIZY 19:37

Noh kha cha a khazoh Nisrô achhyna o liata khazoh â chhy hai nota a sawchapawzy, Adarâmele nata Sareze ta zaozi ta chhawhsao ei ta, Ararâ râh lâ amâ râ hapa vâta, a sawchapaw hropa Esâhadô ta ano su liata â bei haw.

EZRÂ 4:9

Pheisaih hyutuhpa Rehu nata chârohtuhpa Sisai nata ama hrialâhpa ryureihtuhpazy, râhvaotuhpazy, hyutuhpazy, Persia mozy, Ere liata a ypazy, Babylaw mozy, Elâmi pathla Susâ liata a ypazy,

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

THEIHTHAINA 18:21

“Na saw ahy hmahta atheihna ta Môleka lâ na hlâ awpa châ vei. Cha hawhta hmo taopa ta na Khazohpa moh na papuapalei awpa châ vei. Kei he Abeipa ei châ.

RYHPACHANEINA 12:28

Cha bie ei cha piepa zydua ei cha pakhâta ta nathlie u la, zyh muh vy. Chatanachata Abeipa nama Khazohpa mohmô ta hmo phapa nata hmo dopa nama taopa châ aw ta, nâmo nata nama pathla vaw y lymâ awpa chhâ zydua châta a pha aw.

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.