2 ABEIZY 17:3 - Mara Bible RV (BSI)

³ Asuria bei Salmanesa ta vaw siehnao ta. Chatanachata Hôsia cha Salmanesa ry liata bei ta y ta, a hnohta râhpaw a pie tyh.

2 ABEIZY 17:3 ပူးပေါင်းရင်းမြစ်များ

2 SAMUELA 8:2

Môabâ pahnie ta, Môabâ mo cha a tlâh tlâh ta alei liata paziasa ta, thliena ri ta thlie ta, tlâh thôh liata tlâh no thie ta, tlâh kha cha a tlâh dua ta a pahlôh lymâ ei. Chatanachata Môabâ mo cha Dâvi chakaotuhpa ta y ei ta, râhpaw ama pie lymâ.

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

2 ABEIZY 15:19

Asuria bei Puli ta Izarei râh za siehnao ta. Menâhe ta â beina pa-i awpa nata bao awpa ta Puli cha tâkâ talent sâh kha pie ta.

2 ABEIZY 15:20

Menâhe ta Asuria bei pie awpa ta, Izarei hneirôhpa zydua tawhta tâkâ sekel sypangawh chyu khei ta. Chatanachata Asuria bei cha a lie ta, Izarei râh liata y parei khao vei.

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

2 ABEIZY 17:2

Abeipa mohmô liata hmo pha lei ngaitapa tao ta. Châhrasala ano daihti hlâta Izarei beizy hawh ngâsâ ta la tao vei.

2 ABEIZY 17:4

Hôsia ta Izi bei Sô lâ lyuhchâpa tuah ta, Asuria bei hnohta a kô charei ta râhpaw a pie tyhpa cha pie khao leipa ta. Cha hawhta Hôsia ta a dôveina cha Asuria bei ta pahno ha ta. Chavâta Asuria bei ta Hôsia cha patu ta, chahryna chôta patâhna o liata khô ta.

2 ABEIZY 18:31

Hezekia bie nathlie khuh vy. Asuria bei ta hetana heta a tah: ‘Nâ ryh u la, kei lâta vaw pua teh u. Chatanachata nama kre zôh chyu tawhta nie pazao aw ei chi ta, nama theiku kô chyu tawhta niepa ta, nama tikhaoh chyu tawhta tizy nama doh pazao thei aw.

2 ABEIZY 18:7

A hnohta Abeipa y ta, a siena lâ maih a hlaotloh lymâ. Asuria bei ry tawhta pua ta, Asuria bei cha chakao khao leipa ta.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

ISAI 17:4

Cha noh liata, Zakaw rônahna cha panawhpa châ aw ta, A pôhpa thawhpa chhao a zaoh aw.

ISAI 8:8

Zudâh chhao tisaih ta tlô thlu aw ta, a rao taih tlai ta a vao aw,” a tah. Châhrasala Khazohpa eima hnohta y ta, Na râh doh nata hâ zydua A mathlaw ta a khu khai aw.

EZEKIA 23:5

“Ôhôlâ cha kei eih a châ thlâh ha nota, â zuah ha heih ta, a Asuria mo a khopawzy chô liata a aohraoh ha heih.

HÔSIA 10:14

Chavâta na chyhsazy hry liata tymâna vaw pua aw ta, Na thokhy zydua parao khaipa a châ aw. Adyuhna noh liata, Salmâ ta Bethabe a paraopa hawhna khata, Nôzy cha ama sawzy chhaota Taichheihpa ama châ aw.

HÔSIA 10:4

Bie hluhpi a chia ei ta, Haipa ta bie a taih ei ta, Biehraizy ama tao. Chavâta pachiana cha, Châmaih sibiepazy hawhta, Lyuzy liata a kaw pyuh tyh.

HÔSIA 8:10

Phopizy hry tawhta viasazy chalei hra ei sala, Thlai ei pahmaohpakhy aw ei. Bei laipa hnohta pie awpa râhpaw phaohri vâta, Bei nata beimachâzy riethei taopa ta ama y aw.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.