2 ABEIZY 17:26 - Mara Bible RV (BSI)

²⁶ Asuria bei hnohta, “Pasie chi ta, Samâri râh khihpizy liata na sopa phophizy ta a râh khazoh ryhpa pahno leipa ei ta. Chavâta a râh khazoh ta chakeibarôhneipazy vaw tuah ta, a râh khazoh ryhpa ama pahno leipa vâta, chyhsazy ama siesao ngâ kaw,” tahpa ta chho ei ta.

2 ABEIZY 17:26 ပူးပေါင်းရင်းမြစ်များ

2 ABEIZY 17:25

Cha liata ama y tua nota, Abeipa chi leipa ei ta, chavâta Abeipa ta ama hry liata chakeibarôhneipazy vaw tuah ta, chyhsa thokha a siesao haw.

2 ABEIZY 17:27

Asuria bei ta, “Cha râh tawhta sei ta namâ chhipazy hry liata theihthaipa pakha a chhi u la, sie sala, cha liata pahrâ sala, a râh khazoh ryhpa cha pachu mawh sy,” tahpa ta biepie ta.

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

1 SAMUELA 10:25

Samuela ta zawpizy cha khinarâh ryureina siekheizie awpa kyh zy chho ta, chazy cha châbu liata roh ta, Abeipa hmiakô liata soh ta. Chatawhcha Samuela ta zawpizy cha ama o chyu lâta padisa ha ta.

1 SAMUELA 8:9

Chavâta ama ao cha nathlie mah y. Anodeikuacha a sia ngaitapa ta ama hnohta zikyu a râ la, ama chô liata ryu a reih awpa bei hmotaozie awpazy chhao âmo pahnosa chhielie ha mah y,” tah ta.