2 ABEIZY 17:25 - Mara Bible RV (BSI)

²⁵ Cha liata ama y tua nota, Abeipa chi leipa ei ta, chavâta Abeipa ta ama hry liata chakeibarôhneipazy vaw tuah ta, chyhsa thokha a siesao haw.

2 ABEIZY 17:25 ပူးပေါင်းရင်းမြစ်များ

2 ABEIZY 17:41

Cha phopizy chata Abeipa cha chi taraw ei ta, ama khazoh nothlahpa leihpazy chhao ama chakao pâ lymâ. Tanoh taihta ama pathlatuhpazy taozie hawhta ama sawzy ta tao ei ta, ama samohzy chhao ta ama tao lymâ.

2 ABEIZY 17:34

Ama taozietyhpa hawhta tanoh taihta ama tao lymâ. Abeipa chi leipa ei ta, Abeipa ta Izarei tahpa ta a bipa Zakaw pathlazy hnohta a piepa bieraopazy, pachianazy, ryhpazy nata biepiepazy zyh khoh veih ei.

2 ABEIZY 17:32

Abeipa chhao chi ei ta, ama hry liata chyhsa kheihawhpa rai su sâhpa theihthaipazy ta rao ei ta, âmo chata su sâhpa achhyna suzy liata atheihna ama hlâpa tyh.

ZAWNA 1:9

Zawna ta âmo cha a chhy ta, “Hebrai chyhsa châ na ta, Abeipa, avâ Khazohpa, tilaipi nata alei hipa a taotuhpa a chipa ei châ,” tah ta.

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 14:15

“Sahrâhpazy râh chahryhsapa ta, râh cha paraopa ta roryhrapa ta paysa ha ei sala, sahrâhpazy vâta râh cha ahy hmah chahryh ngâh lei awpa ta ei tao khiahta cha,

ZEREMIAH 15:3

“Paraotuhpa chi palih ama chô liata ei vaw tuah aw, Abeipa ta a tah: A thie awpa zaozi, a hriechheih awpa izy nata a palâ awpa nata a pahleipadia awpa avâ pavawzy nata lei sazy ei vaw tuah aw.

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZEREMIAH 5:6

Ama paraonazy hluh ta, Ama paona a lai ngaitapa vâta, Râhmâhpa chakeibarôhneipa ta âmo cha tai aw ta, Râhchawhpa changie ta a sie aw ei; Keihchhoh ta ama khihpizy a byh aw ta, Khihpi tawhta a puapazy a hriechheih lymâ aw ei.

2 ABEIZY 17:28

Chatanachata Samâri râh tawhta amâ chhipazy hry liata theih­thaipa pakha cha Bethel liata kei y ta, Abeipa ama chi nawpazie âmo pachu ta.

2 ABEIZY 2:24

A vaw heih ta, âmo cha vaw hmô ta, Abeipa moh ta ama chô liata chhiesa ta. Lyurâhpa tawhta chavyh panô pô no vaw pua ei ta, ama hry liata hawti sypalih nata panozy cha a hriechheih khai ha ei.

1 ABEIZY 20:36

A hnohta, “Abeipa ao na zyh leipa vâta, keima tawhta na siepata nahta, chakeibarôhneipa ta a cha tai aw,” tah ta. Ano tawhta a siepata nahta, chakeibarôhneipa ta a vaw tyh ta, tai ha ta.

1 ABEIZY 13:24

Khazohpa chyhsa cha sie ta, lâpi liata chakeibarôhneipa ta vaw y khâh ta, siesao ha ta. A ri cha lâpi liata a thy thlâh ha ta, alâ cha a kiapâh liata a duah ta, chakeibarôhneipa chhao cha a ri kiapâh liata a duah thlâh ha hra ta.

ZAWSUA 22:25

Abeipa ta Zawdâh he nâmo nata keimo likawh râhri châta rao ha ta, chavâta nâmo Rubena pathlazy nata Kâdâ pathlazy saih u, Abeipa liata tovyuh hnei hra veih ei chi,’ ama vaw tah pathlei aw tahpa eima chipa vâta a châ. Nama pathlazy ta eima pathlazy cha Abeipa a chhy khao lei awpa ta ama tao thei mâh tâh.

THEIHTHAINA 26:22

Sahrâhpazy nama hry liata vaw tuah aw na ta, cha chata nama sawzy cha lapa aw ei ta, nama sahrohzy ama cha siepa aw. Maluh chyhta ta cha tao aw ei na ta, nama lâpizy cha dâh karopa ta a y aw.

2 ABEIZY 17:26

Asuria bei hnohta, “Pasie chi ta, Samâri râh khihpizy liata na sopa phophizy ta a râh khazoh ryhpa pahno leipa ei ta. Chavâta a râh khazoh ta chakeibarôhneipazy vaw tuah ta, a râh khazoh ryhpa ama pahno leipa vâta, chyhsazy ama siesao ngâ kaw,” tahpa ta chho ei ta.

ISAI 15:9

Dibô tizy cha thisaih ta bie ta, Dibô chô liata hmo rarôh y viapa ei patlôsa aw. Môabâ tawhta a râpaipazy lâ chakeibarôhneipa tuah aw na ta, Râh liata a nguapazy hnohta chhao chakeibarôhneipa ei tua thlu aw ei.