2 ABEIZY 17:20 - Mara Bible RV (BSI)

²⁰ Chavâta Abeipa ta Izarei pathla zydua cha dytha ta, ama rie patheipa ta, hraotuhpazy ku liata hlâpa ta, a mohmô tawhta a thy pathlah ha ei.

2 ABEIZY 17:20 ပူးပေါင်းရင်းမြစ်များ

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

2 ABEIZY 13:3

Chavâta Abeipa cha Izarei chô liata a pathi ia ta, âmo cha Aramia bei Hâze ku liata nata Hâze sawchapawpa Benhadâ ku liata ama hro chhôh zydua ta a pie ha ei.

2 ABEIZY 13:7

Zehôahâ cha arâ pheisaih sypangawh, talailih miahrawh nata alei pheisaih thy kha dei hnei bâ ta. Aramia bei ta pahleipadia khai ha ta, sawhri buchadoh hawhta a tao khai hapa vâta a châ.

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

2 ABEIZY 17:15

Ama pathlatuhpazy hnohta bieraopa nata biehrai a taopazy nata zikyurâna a piepazy cha tlyhnypa ta, nothlahpa hraoleipazy pangai ei ta, âmo chhao hraoleipa ama châ haw. Abeipa ta ama taozie hawhta tao lei awpa ta bie a vaw pie hapa, ama chheipâh liata phopizy taozie ama zi lymâ.

2 ABEIZY 17:18

Chavâta Abeipa cha Izarei chô liata a pathi ia ngaita ta, a mohmô tawhta a papua ha ei. Zudâh chi tah leipa ta cha pahlôhpa y khao veih ei.

2 ABEIZY 18:9

Bei Hezekia kô pali â bei kô ta, cha cha Elâ sawchapawpa Izarei bei Hôsia kô sari â bei kô nata a su ta, Asuria bei Salmanesa ta Samâri vaw siehnao ta, dôh ta.

2 ABEIZY 21:14

Ei ryuto laibâhpazy cha thy aw ei na ta, ama chariahpazy ku liata pie aw ei na ta, ama chariahpa zydua ta patu awpa nata hrao awpa ama châ aw.

2 ABEIZY 23:27

Abeipa ta, “Izarei ei papuapa hawhta Zudâh chhao ei mohmô tawhta papua aw na ta, khihpi ei tlyhpa, Zerusale nata ‘cha liata ei moh a y aw,’ ei tahpa Achhyna o chhao he hnôh ei chhy aw,” tah ta.

2 ABEIZY 24:3

Cha hmo cha Manase moleinazy nata a hmotaopa zydua vâta, Zudâh cha Abeipa mohmô tawhta pahlei awpa ta, Abeipa biepiepa ta Zudâh chô liata a vaw tlôpa a châ.

1 THÂTIHZYRONA 16:13

Hy a chakaotuhpa Izarei pathla saih u, Hy â tlyhpa Zakaw sawzy saih u!

NEHEMIAH 9:2

Izarei chipathlazy cha chihropazy tawhta a panano ei ta, a duah ei ta, âmo moleinazy nata ama pathlatuhpazy paraonazy palâhâhpa ta reihpha cheih ei ta.

HLAZY 51:13

Chatanachata paraotuhpazy na lâpi pachu aw ei na ta, Moleipazy nâ lâ ama vaw kua aw.

HLAZY 53:5

China rai y leina liata, Chi ngaitapa ta y ei ta; Adyuhna riehmo châ paryh thlupa ruzy cha, Khazohpa ta a hiepatla khai haw; Khazohpa ta âmo cha a thy hapa vâta, Maophyuhpa ta na soh ha ei.

HLAZY 80:13

Râhmâhpa liata ngiahraih ta a theizy hrao ta, Râhsa zydua ta ama nie.

ISAI 2:6

Na phopi hry liata nochhi chyhsa ziehchhôhpa hmozy ta bie ta, Philistinâ mo hawhta pachaopadâhpazy tao ei ta, Chihropazy nata azaona ama taopa vâta, Na phopi cha siesai chi ta, Zakaw pathlazy cha na siesai ha ei.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 46:28

Hy nâ chakaotuhpa Zakaw, chi khah y, Ei cha ypâ mâh tâh. Ei cha to papuana phopi zydua cha, Tlokhuh ei pachhâsa aw ei; Nâ deikua cha tlokhuh cha pachhâsa aw va na. Hrie leipa ta deikua y leipa aw chi ta, Dâh dopa ta ei cha chhorei aw,” Abeipa ta a tah.

ZEREMIAH 52:3

Abeipa pathiiana vâta, a mohmô tawhta papua hana taihta, Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

ZEREMIAH 6:30

Abeipa ta a dytha hapa vâ ei ta, Tâkâ sôh leipa tahpa ama châ aw.”

ZEREMIAH 7:15

Nama unawhpa Epharai chipathla zydua ei thy khai hapa hawhna ei khata, ei mohmô tawhta ei cha thy pathlah aw ei,” Abeipa ta a tah.

HÔSIA 1:6

Cha khai tawhta Kôme cha saw phaoh heih ta, sawchanô sa ta, Abeipa ta Hôsia hnohta, “A moh ta Lôruhâmâ bi teh, Izarei chhôhkha hnohta ei kyhpachâna palâsa khao leipa aw na ta, ei ngiahthai beih khao lei awpa vâta.

HÔSIA 12:3

Chhi liata a y nota a unawhpa phei patu ta, Vaw pitloh ta Khazohpa â pia heih.

ZAWNA 1:10

Balyh puhpazy cha chi ngaita ei ta, a hnohta, “Khâpa hmo ma na tao haw,” tah ei ta. A chhopa vâ ei ta, Abeipa hmiakô tawhta a râpa a châzie pahno ei ta.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

RYHPACHANEINA 11:12

Abeipa nama Khazohpa ta a mohôhpa râh châ ta, kô thaby tawhta kô chhâna taihta Abeipa nama Khazohpa mo ta a tawpâpa râh a châ.

RYHPACHANEINA 32:20

Chavâta Abeipa ta, ‘Ei hmia nyusai aw ei na ta, Ama chhâna ei moh tua aw. Chhâ moleipa châ ei ta, Ngâchhih leipa sawzy ama châ.

2 THYSALAWNIKA 1:9

Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.

ZAWSUA 23:13

Abeipa nama Khazohpa ta phopizy he nama hmiakô tawhta papua khao aw vei tahpa pahno muh vy. Abeipa nama Khazohpa ta râh pha ngaitapa a cha piepa tawh eina heta nama leidia khai hlâlei, âmo cha nama châta khoheih nata aphyh châ aw ei ta, nama kâ châta tuna chôchahrei châ aw ei ta, nama mokhaoh châta ahloh ama châ aw.

RYUREITUHPAZY 18:30

Dânâ pathlazy ta nothlahpa khaipa cha âmo châta patyu ei ta, Mawsi sawchapawpa Kesao sawchapawpa Zawnathâ nata a sawchapawzy cha, Dânâ pathlazy theihthaipazy châ lymâ ei ta, râh cha sei ta â tâh hlâ zydua cha theihthaipa ama châ lymâ.

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

1 SAMUELA 15:23

Chhoruna cha pachaopa moleina nata a lyu ta, Akhotlâhna chhao nothlah a chhypa thaileichâna hawh a châ. Abeipa bie na khoh leipa vâta, Ano chhao ta bei châta cha khoh khao vei,” tah ta.

1 SAMUELA 15:26

Samuela ta Sawla hnohta, “Châ liekhei aw va na. Abeipa bie na khoh leipa vâta, Abeipa ta nâ chhao Izarei chô liata bei châta cha khoh khao hra vei,” tah ta.

1 SAMUELA 16:1

Abeipa ta Samuela hnohta, “Sawla cha Izarei chô liata bei châta ei khoh khao leipa châ ta, ano vâta khachâ ma pachârôhpa ta na y aw? Na saki ôh liata sathaw pabie la, sie teh. Bethlehe khihpa Zese lâta ei cha tuah aw. A sawchapawzy hry liata pakha keima châta bei ta ei rao haw,” tah ta.