2 ABEIZY 17:17 - Mara Bible RV (BSI)

¹⁷ Ama sawchapawzy nata ama sawchanôzy raopa hlâna atheihna ta hlâ ei ta, pachaopazy nata dyuzy hmâh ei ta, Abeipa mohmô liata hmo pha leipa tao awpa ta âmosasyh a zuah ei ta, Abeipa hie ama pahâh tyh.

2 ABEIZY 17:17 ပူးပေါင်းရင်းမြစ်များ

1 ABEIZY 14:15

Ti liata lohthi a chalyu ngâpa hawhta, Abeipa ta Izarei cha vaw chalyu aw ta, Aseri tôhzy taopa ta Abeipa hie ama pahâhpa vâta, âmo pathlatuhpazy hnohta a piepa râh phapa tawhna heta Izarei cha phia aw ta, Ufrâti chavah khô lâ a hiepatla ha aw ei.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 21:25

A lapinô Zezebel pasyupalipa ta Abeipa mohmô liata hmo pha leipa tao awpa ta âzuahpa Ahabâ hawhpa he ahy hmah y veih ei.

2 ABEIZY 16:3

Izarei beizy lâpi tlao a chhih hra ta. Abeipa ta Izarei sawzy hmiakô liata a papua hapa phopizy ta hmo pasichhih ngaitapa ama tao tyhpazy tao hrapa ta, a sawchapawpa cha raopa hlâna ta hlâ ta.

2 ABEIZY 17:11

Cha su sâhpa zydua liana chata Abeipa ta ama hmiakô liata a chadai hapa phopizy taozie hawhta ropahâhpazy rao ei ta. Hmo molei ngaitapazy tao ei ta, Abeipa hie ama pahâh haw.

2 ABEIZY 17:31

Avi mo ta Nibâ nata Tartâ tao ei ta; Sephavai mo ta ama khazoh Adarâmele nata Anâmele lâta ama sawzy raopa hlâna atheihna ta ama hlâ tyh.

2 ABEIZY 21:6

A sawchapawpa cha raopa hlâna atheihna ta hlâ ta, kulâmopa nata pachaopa zy hmâh ta, peihthaipa nata athihpa bie a chho thaipazy â saohiah tyh. Abeipa mohmô liata hmo pha leipa tao ta, Abeipa hie pahâh ha ta.

2 THÂTIHZYRONA 28:3

Hinô Sawchapawpa Saikao liata atheihnazy hlâ ta, Abeipa ta Izarei phopi hmiakô liata a papua hapa phopizy ta pasichhihpa ama taopazy tao hra ta, a sawchapawzy mei ta raopa ta atheihna ta hlâ ta.

2 THÂTIHZYRONA 33:6

A sawchapawzy cha raopa hlâna atheihna ta Hinô Sawchapawpa Saikao liata hlâ ta, kulâmopa, pachaopa nata molietaopa zy hmâh ta, peihthaipa nata athihpa bie a chho thaipazy â saohiah tyh. Cha hawhna chata Abeipa mohmô liata hmo molei ngaitapa taopa ta, Abeipa hie pahâh ha ta.

ISAI 47:9

He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.

ISAI 50:1

Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

ZEREMIAH 19:5

Bâlâ su sâhpazy tao ei ta, raopa hlânazy châta ama sawchapawzy mei liata rao ei ta, Bâlâ lâ ama hlâ tyh. Cha cha keima biepiepa châ leipa ta, ei hnawpa châ hra leipa ta, ei palôh liata chhao a lâ beih leipa a châ.

ZEREMIAH 25:7

Châhrasala na nathlie veih ei chi. Nama ku ta a taopazy ta ei hie na pahâh ei chi ta, nâmosasyh ta namâ pasasa tyh,” Abeipa ta a tah.

ZEREMIAH 27:9

“Chavâta, ‘Babylaw bei nama chakao awpa châ vei,’ châ tahtuhpa nama hrohsopazy, peihthaipazy, mâsathaipazy, moliethaipazy nata dyuthaipazy bie nama nathlie awpa châ vei.

ZEREMIAH 7:31

Ama sawchapawzy nata ama sawchanôzy mei liata rao nawpa ta, Hinô Sawchapawpa Saikao liata Tôphe su sâhpazy ama padua. Chazy cha keima biepiepa châ leipa ta, ei palôh liata chhao a ngia beih vei,” Abeipa ta a tah.

EZEKIA 16:21

Ei sawzy thie chi ta, mei ta raopa hlâna ta na hlâ ei.

EZEKIA 20:26

ama sawchapaw uhtheipazy atheihna ta pahlâsapa ta papuapalei ei na ta, roryhrapa ta ei paysa ei. Abeipa ei châ tahpa ama pahno thei nawpa ta, cha hmozy cha ei tao.

EZEKIA 20:31

Nama hmohlâpazy hlâ ei chi ta, nama sawzy mei liata raopa ta atheihna ta nama hlâpa liata, tanoh taihta nama khazoh nothlahpa zydua liata namâ papuapaleipa a châ. Hy Izarei pathlazy saih u, nâmo a saohiah awpa chi ei châ ma? Ei hrona reipa ta ei reih, nâmo a saohiah awpa chi châ va na,” Abeipa Zehôvâh ta a tah.

EZEKIA 23:37

A phei ha ei ta, ama ku liata thisaih a y haw. Ama khazoh nothlahpazy liata a phei ei ta, keima châta ama sapa ama sawzy taih mei liata raopa ta atheihna ta ama hlâ.

EZEKIA 23:39

Ama khazoh nothlahpazy lâta atheihna ta hlâ awpa ta ama sawzy ama thie noh ta, cha noh lia tlai ta ei supathaihpa papuapalei awpa ta amâ ngia. Pachâ teh, cha hawna chata ei o chhôh liata ama tao tyh.

THEIHTHAINA 18:21

“Na saw ahy hmahta atheihna ta Môleka lâ na hlâ awpa châ vei. Cha hawhta hmo taopa ta na Khazohpa moh na papuapalei awpa châ vei. Kei he Abeipa ei châ.

THEIHTHAINA 19:26

“A thisaih chhaota khâpa hmah nama nie awpa châ vei. Dyuzy nama tao awpa châ leipa ta, pachaopazy nama hmâ awpa châ vei.

THEIHTHAINA 19:31

“Peihthaipa tlyma, ahripa lâta pachaothaipa tlyma pangai leipa u la, chazy liata a papuapalei awpa ta âmo cha tlua hra khah u. Kei he Abeipa nama Khazohpa ei châ.

MIKÂ 5:12

Dyuthaipazy na ku tawhta chhawh pathlah aw na ta, Kulâ moh thaipazy hnei khao aw va chi.

HMOTAOPAZY 16:16

Thlahchhâna su lâ eima sie nota, sei laihsa pakha ta miah a vaw tyh ta. Ano cha pachaothaina thlahpa a hneipa châ ta, pachaona bie a reipazy tawhta a zibeipa châta sôh hluhpi a hmô tyhpa a châ.

RAWMA 7:14

Ryhpa cha thlahpa hmo a châ tahpa eima pahno. Kei deikua cha sapa chyhsa, moleina sei ta zua hapa ei châ.

KALATIA 5:26

Keimo nata keimo a pahao leipa ta, keimo nata keimo a uahva hra leipa ta, a pasâhsapa ta y khah suh u.

RYHPACHANEINA 32:16

Chihropa khazohzy ta a hia patliasa ei ta, Pasichhihpazy taopa ta a hie ama pahâh.

RYHPACHANEINA 4:25

“Saw nata samohzy hneipa ta, cha râh liata bohpi nama y tawhta, moleina hmo taopa ta, nothlahpa kheihawhpa rai taopa ta, Abeipa nama Khazohpa mohmô ta hmo paraopa ta, a hie nama pahâh khiahta cha,