2 ABEIZY 17:16 - Mara Bible RV (BSI)

¹⁶ Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

2 ABEIZY 17:16 ပူးပေါင်းရင်းမြစ်များ

1 ABEIZY 12:28

Abei cha chyhsa a saohiah ta, ngôh viahchaotaw pô no tao ta. Zawpi hnohta, “Zerusale lâ khy ngâ thlâh hapa cha nâmo châta rairu ngaitapa a châ. Chavâta Hy Izarei sawzy, moh teh u, hezy he Izi râh tawhta châ kaw chhi papuatuhpa nama khazohzy ama châ hih,” tah ta.

1 ABEIZY 14:15

Ti liata lohthi a chalyu ngâpa hawhta, Abeipa ta Izarei cha vaw chalyu aw ta, Aseri tôhzy taopa ta Abeipa hie ama pahâhpa vâta, âmo pathlatuhpazy hnohta a piepa râh phapa tawhna heta Izarei cha phia aw ta, Ufrâti chavah khô lâ a hiepatla ha aw ei.

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

1 ABEIZY 15:13

A nô Mâkâ chhao, khazoh nothlahpa pasichhih ngaitapa Aseri tôh a taopa vâta, beinô a châna pabâh ta, a nô khazoh nothlahpa cha chhawh pachhô ta Kidaraw vahtiepa liata mei ta a rao haw.

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

1 ABEIZY 16:33

Ahabâ cha Aseri tôh taihta padua ta. Chatanachata Ahabâ cha ano hlâta a vaw y tuapa Izarei bei zydua hlâta Abeipa, Izarei Khazohpa cha a hie pahâh via pachai ta.

1 ABEIZY 22:53

A paw taopa maih tao hra ta, Bâlâ chakaopa ta, a chhy ta, chavâta Abeipa, Izarei Khazohpa cha a hie pahâh ha ta.

2 ABEIZY 1:2

Ahazia cha Samâri liata a o chô chhôhpadâhpa diahpai opy tawhta tla ta, pasa ha ta. Chavâta lyuhchâpazy tuah ta, ama hnohta, “Sie u la, ei pasapa he ei tlâh thei aw ma tahpa Ekaraw khih khazoh Bâlâzebu kei hiahri teh u,” tah ta.

2 ABEIZY 11:18

Chatawhcha râh chyhsa zydua cha Bâlâ achhyna o lâ vawh ei ta, achhyna o cha parao ei ta, Bâlâ maisâhzy nata a nothlahpazy pakeichheih ei ta. Bâlâ theihthaipa Mâtâ cha maisâhzy thaby liata thie ei ta. Abeipa o vaih awpa ta, theihthaipa ta vaituhpazy soh ta.

2 ABEIZY 16:3

Izarei beizy lâpi tlao a chhih hra ta. Abeipa ta Izarei sawzy hmiakô liata a papua hapa phopizy ta hmo pasichhih ngaitapa ama tao tyhpazy tao hrapa ta, a sawchapawpa cha raopa hlâna ta hlâ ta.

2 ABEIZY 17:10

Tlâh sâhpa to liata nata tho hrohpa to ry liata lôbôzy bôpa ta Aseri tôhzy padua ei ta.

2 ABEIZY 18:6

Abeipa cha khâchâ patu ta, Abeipa a pazipa tawhta tleisai beih leipa ta, Abeipa ta Mawsi hnohta bie a piepa biepiepazy a zyh lymâ.

2 ABEIZY 21:3

A paw Hezekia ta a parao hapa su sâhpazy paduapathi ta, Izarei bei Ahabâ taozie hawhta, Bâlâ châta maisâhzy padua ta, Aseri tôhzy bô ta, avâ liata a ypa zydua a chhy ta, a chakao ei.

PUASAINA 32:4

Arawna ta ngôh rahy ama vaw piepazy cha la ta, viahchaotaw nothlahpa leih ta, ngôh daina chhaichhi hmâpa ta â ngia kawpa ta daih ta. Zawpi ta, “Hy Izarei, he he Izi râh tawhta châ kaw chhi papuatuhpa na khazoh a châ hih” tah ei ta.

PUASAINA 32:8

Ei biepiepazy thlai tleisaipa ta, viahchaotaw nothlahpa a tao ei ta, cha cha amâ chhy. Ano lâ a theih ei ta, ‘Hy Izarei, he he Izi râh tawhta châ kaw chhi papuatuhpa na khazoh a châ hih!’ ama tah,” tah ta.

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ZEREMIAH 19:13

Zerusale ozy nata Zudâh beizy ozy, avâ liata hmozy lâta hmohlâpazy hlâna vâphuh to nata khazoh hropazy lâta dopa hlâna patlaina vâphuh to cha, Tôphe su hawhta papuapaleipa a châ aw.’”

ZEREMIAH 44:17

Keimo nata miah pathlatuhpazy nata eima beizy nata eima beimachâzy heta, Zudâh khihpizy nata Zerusale khiliahzy liata eima tao tyhpa hawhna khata, avâ beinô lâ ropahâhpazy raopa ta, dopa hlânazy ano lâ patlai aw pi ta, bie eimâ taihpa zydua eima tao aw. Kha daihti liana kha niedo hluhpi hneipa ta, thlaochhipa ta y pi ta, chhiena a tyh ma pi.

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

EZEKIA 23:8

Izi râh liata a y no tawhta a pathao hapa a sihryhna kha bâhsai vei. A laihsa no tawhta chapawzy ta a ziakhei ei ta, a laihsa kôna sâhpizy hria ei ta, ama aohraohna sihryhna a chô liata ama lei thlu tyh.

THEIHTHAINA 26:1

“Khazoh nothlahpa namâ tao awpa châ leipa ta, nothlahpa tao chhyhpa tlyma, lôbô tlyma, nama bô awpa châ hra leipa ta, a naoh awpa ta nama râh liata nothlahpa hawhta taopa alô nama bô awpa châ vei, kei he Abeipa nama Khazohpa châ tlôh na ta.

RYHPACHANEINA 16:21

“Abeipa nama Khazohpa châta maisâh nama tao awpa kiapâh liata kheihawhpa tho hmahta Aseri tôh ta hmâpa ta nama bô awpa châ vei.

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.