2 ABEIZY 17:14 - Mara Bible RV (BSI)

¹⁴ Châhrasala a pyh khoh hlei veih ei. Abeipa ama Khazohpa a ngâ khoh leipa ama pathlatuhpazy ta kuhchhapa ta ama ypa hawhta, kuhchhapa ta ama y hra.

2 ABEIZY 17:14 ပူးပေါင်းရင်းမြစ်များ

2 THÂTIHZYRONA 24:19

Chatahrasala Abeipa lâ a chhi heih awpa ta, ama hnohta hrohsopazy tuah ta. Hrohsopazy chata ama thaileizie zy pahnosa ei ta, châhrasala nathlie khoh hlei veih ei.

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

NEHEMIAH 9:29

Na ryhpa lâ na pakuasa thei nawpa ei ta, âmo cha zikyu a râ tyh chi ta. Châhrasala a palai ngaitapa ta hmo tao ei ta, na biepiepazy zyh leipa ei ta, na pachianazy ama chakhia lymâ. Chyhsa ta na pachiana biezy hawhta a tao khiahta cha, a hroh awpa châ ta, châhrasala ama ngiatlâh pasuapa nata ama hnôkhi chhapa cha ano lâ tlao pahei ei ta, rei a ngiah khoh veih ei.

HLAZY 106:24

Râh khochhihpa dytha ei ta, A bietai zo khao veih ei.

HLAZY 78:22

Khazohpa a ngiapâ leipa ei ta, A pachhana ama ngâ leipa vâta, Cha hmo cha ama chô liata a tlôpa a châ.

HLAZY 78:32

Cha zydua cha amâ tyhpa chhao ta, Molei ngâ thlâh chy ei ta; Hmonoâhpazy a taopa chhao ta, Zo hlei veih ei.

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

PUASAINA 16:28

Chatawhcha Abeipa ta Mawsi hnohta, “Khachâ ma ei biepiepazy nata ei ryhpazy he a py khoh leipa ta nama y aw?

PUASAINA 32:9

Abeipa ta Mawsi hnohta, “He phopi he moh thlâh ha ei na ta, phopi chhoru ngaitapa ama châ.

PUASAINA 33:3

Sâhpiti nata kheihti lona râh lâ cha khy teh u. Kei deikua cha, nama hnohta a khy hra aw va na. Chataleipatala phopi chhoru ngaitapa châ ei chi ta, lâpi liata ei cha pahleipadia pathlei aw ei na,” tah ta.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

ISAI 48:4

Chhorupa châ ei chi ta, Nama rao cha thua thari châ ta, Nama khizy cha dawh a châpa ei pahnopa vâta,

ZEREMIAH 3:7

‘Cha hmo zydua a tao khai tawhta cha, kei lâ a vaw kua heih bao aw na’, tah na ta. Châhrasala vaw kua hlei vei. A narônô haiphiahnô Zudâh chhao ta, cha cha a hmôpa a châ.

ZEREMIAH 34:14

‘Chyhsa to ta nama unawhpa Hebrai chyhsa nama hnohta zuapa, kô charu châ chakao hapa cha, kô sarina chhâna liata khotalaina piepa ta nama papuasa awpa a châ,’ tah na ta. Châhrasala châ pathlatuhpazy ta na nathlie leipa ei ta, kei lâta ama nah pachôh hra veih ei.

ZEREMIAH 7:26

Châhrasala na nathlie khoh leipa ei ta, ama nah pachôh hra leipa ei ta, ama kuh tlao amâ pachhasa. Âmo a pathlatuhpazy hlâ chhao ta ama paru via.

EZEKIA 12:2

“Chyhsa sawchapawpa y, saw chhorupazy hry liata a pahrâpa na châ. Hmô nawpa mokhaoh hnei ei ta, châhrasala hmô leipa ei ta; thei nawpa nakhaoh hnei ei ta, châhrasala thei veih ei. Saw chhorupazy ama châ.

EZEKIA 2:3

Abeipa ta ei hnohta hetana heta a tah: “Chyhsa sawchapawpa y, Izarei sawzy lâta ei cha tuah. Chhorupa phopi, keima nâ dyuhtuhpa phopi lâta ei cha tuah. Âmo pathlatuhpazy nata âmo cheingei ta tanoh taihta ei chô liata hmo ama parao ngâ thlâh haw.

EZEKIA 3:19

Moleipa cha zikyu a râ ha la, a moleina siesai leipa sala, a moleina lâpi â heihsai leipa khiahta deikua cha, a paraona vâta thi aw ta, nâ deikua cha na hro na pabohsa aw.

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

HÔSIA 11:2

Awpa ama châ via nahta, Amâ pahla via rili; Bâlâzy lâ atheihna hlâ ei ta, Nothlahpazy lâ hmo ama hlâ tyh.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RYHPACHANEINA 1:32

Chatanachôta Abeipa nama Khazohpa cha ngâ veih ei chi.

RYHPACHANEINA 31:27

Chhorupa nata kuhchhapa nama châzie ei pahno. Pachâ tua u, tanoh ei cha hrolâh chy no ei ta hmahta Abeipa namâ dyuh khiahta cha, ei thi tawhta chhochhi cha khatlu ta ma a châ aw tly?

RYHPACHANEINA 9:13

“Cha dei châ vei, Abeipa ta, ‘He phopi he ei hmô ha ei, moh tua, phopi chhorupa ama châ hih!

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.