2 ABEIZY 17:13 - Mara Bible RV (BSI)

¹³ Chatanachôta Abeipa ta hrohsopa to nata hmôtheituhpa to hmâpa ta, “Nama yzie moleipazy a heihsai u la, châ pathlatuhpazy hnohta bie ei piepa Ryhpa nata nâ chakaotuhpa hrohsopazy tuapa ta ei cha piepa ei, ei biepiepazy nata bieraopazy zyh teh u,” tahpa ta Izarei nata Zudâh zy cha zikyu khâ a râ tyh ta.

2 ABEIZY 17:13 ပူးပေါင်းရင်းမြစ်များ

1 ABEIZY 16:1

Bâsâ kyh liata Hânani sawchapawpa Zehu hnohta Abeipa bie vaw tlô ta,

1 ABEIZY 16:7

Bâsâ cha Abeipa mohmô ta moleina hmozy tao ta, a hmotaopazy chata Abeipa pathi pa-ia ta, Zerôbaw chhôhkha lyupa ta, Zerôbaw chhôhkha cheingei chhao cha a pahleipadiapa vâ ei ta, Bâsâ nata a pathlazy kyh liata, Hânani sawchapawpa hrohsopa Zehu hmâpa ta Abeipa bie kha a vaw tlôpa a châ.

2 ABEIZY 17:23

Chavâta Abeipa ta a hrohsopa zydua hmâpa ta a rei hapa hawhta, Izarei cha a mohmô tawhta a papua haw. Chatanachata Izarei cha ama râh tawhta Asuria lâ a chhipa châ ei ta, tanoh taihta cha su liata ama y.

2 ABEIZY 18:6

Abeipa cha khâchâ patu ta, Abeipa a pazipa tawhta tleisai beih leipa ta, Abeipa ta Mawsi hnohta bie a piepa biepiepazy a zyh lymâ.

2 ABEIZY 21:10

Abeipa ta a chakaotuhpa hrohsopazy hmâpa ta bie reih ta,

1 THÂTIHZYRONA 29:29

Bei Dâvi hmotaopazy cha âthaona tawhta achhâna taihta hrohsopa Samuela châbu liata zy, hrohsopa Nâthâ châbu liata zy, hrohsopa Kâdâ châbu liata zy ropa a châ.

ZAWBÂ 11:14

Na ku liata moleina a ypa thypa ta, Na poh o liata paraona na pahrâsa leipa khiahta cha,

ZAWBÂ 36:10

Pachuna lâta ama nah pavâsa ta, Moleina kuasai awpa ta bie a pie ei.

HLAZY 50:7

“Hy ei phopi, nathlie teh, Bie ei reih aw; Hy Izarei, ei cha chakhia aw, Kei he Khazohpa châ na ta, Na Khazohpa cha ei châ.

ZEREMIAH 11:7

Châ pathlatuhpazy kha Izi râh tawhta ei kaw chhi papua no tawhta tanoh taihta, ei bie zyh awpa ta â i ngaitapa ta ei vaw chho ngâ thlâh ha tyh ei.

ZEREMIAH 18:11

Chavâta tahmâ Zudâh râhsawzy nata Zerusale khihsawzy hnohta hetana heta reih teh: ‘Abeipa ta hetana heta a tah, pachâ teh u, nama chô liata chhiena patlôsa a chhuah na ta, chhiena ei patlôsa awpa cha ei patuapalua hai. Chavâta tahmâ chyhsa to nama hrozie pha leipa a heihsai u la, nama hrozie nata nama hmotaopazy a taopathi ha muh vy.’

ZEREMIAH 25:3

“Amawna sawchapawpa Zudâh bei Zôsia abeina kô hrawh hleithôhna tawhta tanoh taihta, Kô kih nata kô thôh chhôh tlai, Abeipa bie ei hnohta vaw tlô tyh ta. Cha biezy cha nama hnohta ei phuah chanei ngâ thlâh ha tyh. Châhrasala nathlie veih ei chi.

ZEREMIAH 3:7

‘Cha hmo zydua a tao khai tawhta cha, kei lâ a vaw kua heih bao aw na’, tah na ta. Châhrasala vaw kua hlei vei. A narônô haiphiahnô Zudâh chhao ta, cha cha a hmôpa a châ.

ZEREMIAH 34:14

‘Chyhsa to ta nama unawhpa Hebrai chyhsa nama hnohta zuapa, kô charu châ chakao hapa cha, kô sarina chhâna liata khotalaina piepa ta nama papuasa awpa a châ,’ tah na ta. Châhrasala châ pathlatuhpazy ta na nathlie leipa ei ta, kei lâta ama nah pachôh hra veih ei.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

ZEREMIAH 42:19

Hy Zudâh laibâhpazy saih u, Abeipa ta, ‘Izi râh lâ zu khuh vy,’ a cha tah ei. Tanoh ta zikyu ei châ râpa ei he a siapa ta pahno teh u.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 3:19

Moleipa cha zikyu a râ ha la, a moleina siesai leipa sala, a moleina lâpi â heihsai leipa khiahta deikua cha, a paraona vâta thi aw ta, nâ deikua cha na hro na pabohsa aw.

DÂNIAH 9:10

a ryhpa eimâ chhih thei nawpa ta, ano a chakaotuhpa hrohsopazy hmâpa ta a bie reipa Abeipa eima Khazohpa ao nathlie vei hra sih la.

HÔSIA 11:2

Awpa ama châ via nahta, Amâ pahla via rili; Bâlâzy lâ atheihna hlâ ei ta, Nothlahpazy lâ hmo ama hlâ tyh.

HÔSIA 12:10

Hrohsopazy hnohta bie reih na ta, Aluahna hluhpi ei pie ei; Hrohsopazy hmâpa ta Pakhona biezy ei reih tyh.

HÔSIA 12:11

Kilia liata moleina a y khiahta cha, Hraoleipa lâta ama pua tlai aw: Kilkal liata viahchao tôhpazy ta atheihna hlâ ei ta, Ama maisâhzy cha, Leipalie tlâh liata Alô pahmaohpa hawh dei a châ.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 4:15

Hy Izarei, nâma a pheina vâta, Zudâh cha thailei châ khah sy. Kilkal lâ vawh leipa la, Bethave lâ chhao khy khah y; “Abeipa a hrohpa hawhta,” tahpa ta Bie a taih hra khah y.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

RYHPACHANEINA 31:21

Hmo pha leipa nata nôpona hluhpi ama chô liata a vaw tlô tita, he hla he ama pathlazy pakah liata mypa ta a y lei awpa vâta, pahnokheituhpa âmo a padeituhpa a châ aw. Ei bietai râh ei tlôkhei hlâ chhao ei ta, ama palôh aheina lâ ei pahno khai,” tah ta.

RYHPACHANEINA 4:26

nâmo pazei nawpa ta pahnokheituhpa châta avâ nata alei tanoh ei aw ei. Zawdâh chakapa ta nama kei hnei awpa râh tawhta thlai leidia aw ei chi ta, cha râh liata hroh pareih leipa aw ei chi ta, pahleipadia khaipa nama châ aw.

RYHPACHANEINA 8:19

Chavâta Abeipa nama Khazohpa mypa ta, khazoh hropazy zipa ta, chazy cha chakaopa ta namâ chhy khiahta cha, nama leidia tlai aw tahpa tanoh zikyu ei châ râ ei.

ZAWSUA 23:16

Abeipa nama Khazohpa ta bie a cha piepa ei, a biehrai paraopa ta, khazoh hropazy pangaipa ta âmo cha chakaopa ta namâ chhy khiahta cha, nama chô liata Abeipa pathi ia aw ta, râh phapa a cha piepa tawhna ei heta thlai nama leidia aw,” tah ta.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.

RYUREITUHPAZY 6:10

Nama hnohta, ‘Kei he Abeipa nama Khazohpa ei châ. Ama râh nama pahrâpa liata Amawri mo khazohzy nama chi awpa châ vei,’ cha tah ei na ta. Châhrasala ei ao nathlie veih ei chi,” tah ta.

RYUREITUHPAZY 6:8

Abeipa ta Izarei sawzy hnohta hrohsopa vaw tuah ta. Hrohsopa chata ama hnohta, “Abeipa Izarei Khazohpa ta hetana heta a tah: Izi râh tawhta châ chhi papua ei na ta, seichâna o tawhta ei châ chhi papua ei.

1 SAMUELA 9:9

Hlâno Izarei râh liata cha, chyhsa ta Khazohpa â saohiah khoh nahta, “A vy teh, hmôtheituhpa lâ vawh ei si,” ama tah tyh. Tanoh ta hrohsopa he hlâno ta cha hmôtheituhpa tahpa ta aw tyhpa a châ.