2 ABEIZY 17:10 - Mara Bible RV (BSI)

¹⁰ Tlâh sâhpa to liata nata tho hrohpa to ry liata lôbôzy bôpa ta Aseri tôhzy padua ei ta.

2 ABEIZY 17:10 ပူးပေါင်းရင်းမြစ်များ

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

2 ABEIZY 16:4

Su sâhpazy, tlâhzy nata tho hrohpa to ry liatazy atheihnazy hlâ ta, ropahâhpazy a rao tyh.

2 ABEIZY 17:11

Cha su sâhpa zydua liana chata Abeipa ta ama hmiakô liata a chadai hapa phopizy taozie hawhta ropahâhpazy rao ei ta. Hmo molei ngaitapazy tao ei ta, Abeipa hie ama pahâh haw.

PUASAINA 34:12

Na sie nawpa râh liata a pahrâpazy hnohta biehrai tao lei awpa ta a vaih mah y. Chataleipatala nama hry liata khoheih ama châ pathlei aw.

PUASAINA 34:13

Ama maisâhzy pacho aw ei chi ta, ama lôbôzy pakei khaipa ta, ama Aseri tôhzy nama chhawh pachhô khai awpa a châ.

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 57:5

Ôkâ thozy hry liata a patla ei chi ta, Tho hrohpa to ry liata Aohraohna ta a kâ tyhpazy châ veih ei chi ma? Saikaozy nata lôpanô keipazy chhôh liata nama sawzy thie ei chi ta, Atheihna ta a hlâ tyhpazy kha châ veih ei chi ma?

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

THEIHTHAINA 26:1

“Khazoh nothlahpa namâ tao awpa châ leipa ta, nothlahpa tao chhyhpa tlyma, lôbô tlyma, nama bô awpa châ hra leipa ta, a naoh awpa ta nama râh liata nothlahpa hawhta taopa alô nama bô awpa châ vei, kei he Abeipa nama Khazohpa châ tlôh na ta.

MIKÂ 5:14

Na Aseri tôhzy nâma tawhta phia aw na ta, Na khihpizy ei parao aw.

RYHPACHANEINA 16:21

“Abeipa nama Khazohpa châta maisâh nama tao awpa kiapâh liata kheihawhpa tho hmahta Aseri tôh ta hmâpa ta nama bô awpa châ vei.

RYHPACHANEINA 16:22

Abeipa nama Khazohpa ta â haopa alô chhao nama bô awpa châ vei.