2 ABEIZY 15:12 - Mara Bible RV (BSI)

¹² Abeipa ta Zehu hnohta, “Izarei beidyuchhai liata na sawchapawzy chhâ palihna taih amâ tyuh aw,” tahpa ta bie a taih ta. A bietai hawhta a vaw tlôpa a châ.

2 ABEIZY 15:12 ပူးပေါင်းရင်းမြစ်များ

2 ABEIZY 10:10

Abeipa ta Ahabâ chhôhkhazy kyh a reipa Abeipa bie cha leilô liata lei cheita aw vei tahpa pahno teh u. Abeipa ta a chakaotuhpa Elaizâh hmâpa ta a reipa kha a vaw patlô ha hih,” tah ta.

2 ABEIZY 10:30

Abeipa ta Zehu hnohta, “Ei modypa hmo na taopa vâta nata ei palôh liata a ypa zydua hawhta Ahabâ chhôhkha chô liata na taopa vâta, na pathlazy cha chhâ palihna taihta Izarei beidyuchhai liata amâ tyuh aw,” tah ta.

2 ABEIZY 13:1

Ahazia sawchapawpa Zudâh bei Zôasâ kô kih nata kô thôh â bei kô ta, Zehu sawchapawpa Zehôahâ cha Izarei chô liata Samâri liata a bei pathao ta, kô hrawh hleisari â bei.

2 ABEIZY 13:10

Zudâh bei Zôasâ kô sythôh nata kô sari â bei kô ta, Zehôahâ sawchapawpa Zehôasâ cha Izarei chô liata Samâri liata abei pathao ta, kô hrawh hleicharu â bei.

2 ABEIZY 13:13

Zôasâ cha a pathlatuhpazy hnohta a mô ta, Zerôbaw ta a beidyuchhai liata a tyuh ta, Zôasâ cha Izarei beizy hnohta Samâri liata pabupa a châ.

2 ABEIZY 14:29

Zerôbaw cha a pathlatuhpa Izarei beizy hnohta a mô ta, a sawcha­pawpa Zekaria ta ano su liata â bei.

2 ABEIZY 15:11

Zekaria hmotaopa thâtih hropazy cha, Izarei beizy thâtih rona châbu liata ropa a châ.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MÂKA 13:31

Lei nata vâ a lei aw, ei biezy deikua lei aw vei.

ZAWHÂNA 10:35

Khazohpa bie vaw tlôna chyhsazy hmahta khazohzy a tah khiahta cha, Biehrai bie cha parao thei awpa châ vei.

ZAWHÂNA 19:24

Chavâta, “Hrie khah ei suh u, ahy ma a to aw tahpa nuby tlao a dao ei suh u,” tah ei ta. Biehrai ta, “Ei chysiazy a rai ei ta, Ei viahkao châta nuby amâ dao,” a tahpa kha a â ki thei nawpa ta, he hmo he a vaw tlôpa a châ.

HMOTAOPAZY 1:16

Pity ta, “Unawh saih u, Thlahpa Pathaihpa ta Dâvi pakah ta Zisu patutuhpazy lâpi a chhotuhpa Zudâh kyh a vaw rei chhieliepa Biehrai bie kha, a vaw tlô awpa rai a châ.

1 SAMUELA 3:19

Samuela cha laiseih lymâ ta, a hnohta Abeipa y ta, a bie reipazy leilô liata a pailyupa y vei.