2 ABEIZY 14:8 - Mara Bible RV (BSI)

⁸ Amazia ta Zehu sawchapawpa Zehôahâ sawchapawpa Izarei bei Zehôasâ lâ lyuhchâpa tuah ta, a hnohta, “A vy la, hmiachhypa ta a moh tua ei si,” tah ta.

2 ABEIZY 14:8 ပူးပေါင်းရင်းမြစ်များ

1 ABEIZY 20:18

Benhadâ ta, “A dyh awpa ta a vaw puapa ama châ khiahta cha, a hrohpa ta patu u la, a dyuh awpa ta a vaw puapa ama châpa chhao ta, a hrohpa ta patu pyly muh vy,” tah ta.

2 ABEIZY 13:12

Zôasâ thâtih hropazy, a hmotaopa zydua nata thatlô ngaitapa ta Zudâh bei Amazia â dyuhzie zy cha Izarei beizy thâtih rona châbu liata ropa a châ.

2 ABEIZY 14:11

Châhrasala Amazia ta nathlie khoh leipa ta. Chavâta Izarei bei Zehôasâ cha khy ta, Zudâh râh Beseme khih liata Zudâh bei Amazia nata hmiachhypa ta a dyuh ei ta.

2 THÂTIHZYRONA 25:14

Amazia cha Edômâ mo pahnie ta a vaw kua tawhta, Seirâ mo khazohzy vaw phaoh ta, a khazohzy châta padua ta. Chazy cha a chhy ta, nothlahpazy lâ cha atheihnazy a hlâ.

BIESOZY 13:10

Apatahsana cha ahryuna dei papua ta, Pachâna a latuhpazy deikua cha sona ama hmô tyh.

BIESOZY 17:14

Ahryuna athaona cha ti pasapa hawhta châ ta, Chavâta ahryuna a pua hlâta a hneisai ha mah y.

BIESOZY 18:6

Ahrupa hmao cha ahryuna tlôkhei ta, A pakah ta atuna a aw.

BIESOZY 20:18

Achhuahna cha ryureina ta a pa-i awpa châ ta, Hrâsie awpa chhao pasopakâna sopa ta tao awpa a châ.

BIESOZY 25:8

Ryureina liata chyhsa leih awpa a para khah y, A chhâna lâta na vaih ta maoh cha paphyuh aw ta, Tao awpa pahno leipa ta na y pathlei aw na.

RYUREITUHPAZY 9:29

He chyhsazy he ei ku ry liata a ypa châ ei sala ei tah kaw dia! Abimele he ei pabâh ha awpa tlai! Abimele hnohta, ‘Na pheisaih pakhy via la vaw thyu teh,’ ei tah awpa tlai,” tah ta.