2 ABEIZY 13:7 - Mara Bible RV (BSI)

⁷ Zehôahâ cha arâ pheisaih sypangawh, talailih miahrawh nata alei pheisaih thy kha dei hnei bâ ta. Aramia bei ta pahleipadia khai ha ta, sawhri buchadoh hawhta a tao khai hapa vâta a châ.

2 ABEIZY 13:7 ပူးပေါင်းရင်းမြစ်များ

2 SAMUELA 22:43

Alei dohlei hawhta phy padi ei na ta, Khiliah chiatlao hawhta tly ei na ta ei pazao khai ha ei.

1 ABEIZY 20:15

Chatanachata Ahabâ cha bia ryureituhpazy a chakaotuhpa sahlaozy cha pakhy ta, ama zydua ta maluh 232 ama châ. Âmo khai tawhta Izarei saw zydua tawhta pheisaihzy pakhy ta, ama zydua ta 7,000 ama châ.

1 ABEIZY 20:27

Izarei sawzy cha a pahmaohpakhy ei ta, ama nie awpazy a phaopa ta, Aramia mo a dyuh awpa ta pua ei ta. Izarei sawzy cha mie hri chyhpa hri no lyupa ta Aramia mo hmiakô liata riehmo paryh ei ta. Aramia mo deikua cha a râh dua ta bie thlâh ha ei ta.

2 ABEIZY 10:32

Cha nohzy liata Abeipa ta Izarei râh cha pachyh pathao ta. Hâze ta Izarei râh zydua liata Izarei sawzy pahnie lymâ ta.

2 ABEIZY 13:8

Zehôahâ thâtih hropazy, a hmotaopa zydua nata a thatlôna zy cha Izarei beizy thâtih rona châbu liata ropa a châ.

2 ABEIZY 8:12

Hâze ta, “Ei zibeipa cha khazia ma a cha tly?” tah ta. Khazohpa chyhsa ta a chhy ta, “Izarei sawzy chô liata hmo pha leipa na tao awpa ei pahnopa vâta a châ. Ama thokhyzy rao aw chi ta, ama satliazy zaozi ta thie aw chi ta, ama hawtizy taichheih aw chi ta, saw phaohpa ama chanôzy py na pahy aw,” tah ta.

HLAZY 18:42

Thlih ta a phao pahaipa dohlei hawhta phy padi ei na ta, Khiliah chiatlao hawhta ei thiah ha ei.

ISAI 36:8

Tahmâ a vy la, ei zibeipa Asuria bei hnohta sôhkâ pie awpa ta bie a taih teh. Keima lâ tawhta cha, arâ pheisaih sâh no na hnei khiahta cha, arâ sâh no ei cha pie aw.

ISAI 41:2

A siena maihta pahniena a to lymâpa Nochhi chyhsa siapa cha, Ahy ma Abeipa rai hria awpa ta a pahra tly? Abeipa ta râhzy a ku liata pie ta, A hmiakô liata abeizy a panawh haw. A zaozi ta âmo cha dohlei hawhta pazao ta, A libaw ta sâh sihpa hawhta â zawkhei ha ei.

ZÔELA 3:14

“Zasâh manôhzy kalihpi to ei ta, Pachiana saikao liata ama y! Abeipa noh cha, Pachiana Saikao liata â hnia haw.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

AMÔSÂ 1:3

Abeipa ta heta na heta a tah: “Dâmaskâ moleina miathôh vâta, Âh, miapalih vâ chhao rai ta, Hriena chalihsa aw va na; Sâh chakhyna thua syulô hmâpa ta Kilia ama chakhypa vâta.

AMÔSÂ 4:10

“Izi râh liata ei taopa hawhna khata, Nama hry liata hri vaw tuah na ta; Nama satliazy zaozi ta thie ei na ta, Nama arâzy ei siekhei ha ei; Nama hnapasu a chahu awpa taihta, Nama riehmo cha thu roh ta ei pabie; Chatanachôta kei lâ vaw kua veih ei chi,” Abeipa ta a tah.

1 SAMUELA 13:15

Chatawhcha Samuela cha thyu ta, Kilkal tawhta sie ha ta. Sawla nata a hnohta a ypazy deikua cha, pheisaihzy a tyh awpa ta Kilkal tawhta Benzami râh Kibia khih lâ khy ei ta. Sawla cha a hnohta a ypa pheisaih maluh reih ta, ama zydua ta 600 rachhôh ama châ.