2 ABEIZY 13:6 - Mara Bible RV (BSI)

⁶ Anodeikua Izarei a pamoleisapa Zerôbaw chhôhkha moleinazy kha siesai leipa ei ta, tlao tao lymâ ei ta, Aseri tôh chhao Samâri liata y thlâh ha chy ta.

2 ABEIZY 13:6 ပူးပေါင်းရင်းမြစ်များ

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

1 ABEIZY 15:3

A paw hmo moleipa taopa zydua kha tao hra ta, a mapaw Dâvi palôh phaoh leipa ta, Abeipa a Kha­zopa lâta a palôh zydua hlâ khai vei.

1 ABEIZY 16:26

Nebâ sawchapawpa Zerôbaw lâpi a chhihpa ta, nothlahpazy tao ta, Izarei a pamoleisapa moleinazy vâta Abeipa, Izarei Khazohpa pathi a pa-ia hapa a châ.

1 ABEIZY 16:33

Ahabâ cha Aseri tôh taihta padua ta. Chatanachata Ahabâ cha ano hlâta a vaw y tuapa Izarei bei zydua hlâta Abeipa, Izarei Khazohpa cha a hie pahâh via pachai ta.

2 ABEIZY 10:29

Châhrasala Zehu ta Izarei a pamoleisapa Nebâ sawchapawpa Zerôbaw moleinazy pathleih leipa ta, Bethel nata Dânâ liata ngôh viahchaotaw nothlahpazy a chhy thlâh ha chy ta.

2 ABEIZY 13:11

Ano chhao cha Abeipa mohmô liata hmo pha lei ngaitapa tao ta, Izarei a pamoleisapa Nebâ sawchapawpa Zerôbaw moleina zydua siesai leipa ta, tao lymâ ta.

2 ABEIZY 13:2

Abeipa mohmô liata hmo pha lei ngaitapa tao ta, Izarei a pamoleisapa Nebâ sawcha­pawpa Zerôbaw moleinazy kha tao lymâ hra ta, siesai vei.

2 ABEIZY 17:16

Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

2 ABEIZY 18:4

Su sâhpazy parao ta, lôbôzy pacho ta, Aseri tôhzy a chhawh pachhô khai haw. Mawsi ta dawh parih a taopa chhao kha a pakeichheih khai haw, cha daihti taihta Izarei sawzy ta Nehustâ ama tahpa dawh parih lâ cha atheihnazy ama hlâ thlâh ha chypa vâta.

2 ABEIZY 21:3

A paw Hezekia ta a parao hapa su sâhpazy paduapathi ta, Izarei bei Ahabâ taozie hawhta, Bâlâ châta maisâhzy padua ta, Aseri tôhzy bô ta, avâ liata a ypa zydua a chhy ta, a chakao ei.

2 ABEIZY 23:4

Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

RYHPACHANEINA 7:5

Hetana heta ama chô liata nama tao aw: Ama maisâhzy pacho aw ei chi ta, ama lôbôzy nama pakei aw. Ama Aseri tôhzy thlu aw ei chi ta, ama khazoh nothlahpazy mei ta nama rao khai aw.