2 ABEIZY 13:1 - Mara Bible RV (BSI)

¹ Ahazia sawchapawpa Zudâh bei Zôasâ kô kih nata kô thôh â bei kô ta, Zehu sawchapawpa Zehôahâ cha Izarei chô liata Samâri liata a bei pathao ta, kô hrawh hleisari â bei.

2 ABEIZY 13:1 ပူးပေါင်းရင်းမြစ်များ

2 ABEIZY 10:30

Abeipa ta Zehu hnohta, “Ei modypa hmo na taopa vâta nata ei palôh liata a ypa zydua hawhta Ahabâ chhôhkha chô liata na taopa vâta, na pathlazy cha chhâ palihna taihta Izarei beidyuchhai liata amâ tyuh aw,” tah ta.

2 ABEIZY 11:21

Zehôasâ cha â bei pathao nota kô saripa a châ.

2 ABEIZY 11:4

A kô sarina liata, Zehôdâ ta Kari mo pheisaih za kha hyutuhpazy nata vaituhpazy paawsa ta, Abeipa o liata ano lâ a vy ei ta. Ama hnohta bie hraih ta, Abeipa o liata bie a pataihsa khai tawh ei ta abei sawchapawpa cha âmo pahmô ta.

2 ABEIZY 12:1

Zehu abeina kô sarina liata, Zehôasâ a bei pathao ta, Zerusale liata kô sypalih â bei. A nô moh cha Besebâ zuah Zibia a châ.

2 ABEIZY 12:21

A chakaotuhpa Simiathi sawchapawpa Zôzakâ nata Sôme sawchapawpa Zehôzabâ ta ama thie haw. A pathlatuhpazy hnohta Dâvi khihpi liata pabu ei ta, a sawchapawpa Amazia ta ano su liata â bei.

2 ABEIZY 13:10

Zudâh bei Zôasâ kô sythôh nata kô sari â bei kô ta, Zehôahâ sawchapawpa Zehôasâ cha Izarei chô liata Samâri liata abei pathao ta, kô hrawh hleicharu â bei.

2 ABEIZY 13:2

Abeipa mohmô liata hmo pha lei ngaitapa tao ta, Izarei a pamoleisapa Nebâ sawcha­pawpa Zerôbaw moleinazy kha tao lymâ hra ta, siesai vei.

2 ABEIZY 15:12

Abeipa ta Zehu hnohta, “Izarei beidyuchhai liata na sawchapawzy chhâ palihna taih amâ tyuh aw,” tahpa ta bie a taih ta. A bietai hawhta a vaw tlôpa a châ.

2 ABEIZY 8:26

Ahazia cha kô kih nata kô nopa a châ nota a bei pathao ta, Zerusale liata kô kha â bei. A nô moh cha Athaliah châ ta, Izarei bei Ômri samohnô a châ.