2 ABEIZY 12:6 - Mara Bible RV (BSI)

⁶ Châhrasala Bei Zehôasâ kô kih nata kô thôh â beina taih chhao ta, theihthaipazy ta Achhyna o cha taopathi leipa ei ta.

2 ABEIZY 12:6 ပူးပေါင်းရင်းမြစ်များ

2 ABEIZY 12:5

theihthaipazy ta ama hnohta a vaw piepa chyu tawhta la ei sala, Achhyna o raona ama hmôpa maih taopathi mawh ei sy,” tah ta.

2 ABEIZY 12:7

Chavâta Bei Zehôasâ ta theih­thaipa Zehôdâ nata theihthai hropazy aw ta, ama hnohta, “Khazia Achhyna o nama taopathi to vei? Chavâta tahmâ tawhta cha nâmo hnohta châ pietuhpazy tawhta sôh la khao leipa u la, Achhyna o raopa tao nawpa sôh liata tlao pahmaoh muh vy,” tah ta.

2 THÂTIHZYRONA 24:5

Theihthaipazy nata Livai pathlazy awpakhy ta, ama hnohta, “Zudâh khihpizy lâ sie u la, kô chareih ta nama Khazohpa o sa pathi nawpa ta, Izarei chyhsa zydua sôh khei teh u. A para kawpa ta tao muh vy,” tah ta. Châhrasala Livai pathlazy cha a para leipa ei ta.

2 THÂTIHZYRONA 29:34

Theihthaipazy ama chyh tu hapa vâta, raopa hlâna sahrohzy cha a vo hlai tiah leipa ei ta. Chavâta theihthaipa hropazy amâ pathai khai hlâlei cha, ama unawh Livai pathlazy ta rai a ngoh hlâlei ama bao. Apathaisana kyh liata la, theihthaipazy hlâta Livai pathlazy ama palôh tlao â do via.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

PHILIPI 2:21

Mohropa zydua cha, Zisu Krista châta châ leipa ta, âmo pha nawpa a tluapa sai ama châ.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.