2 ABEIZY 12:16 - Mara Bible RV (BSI)

¹⁶ Thaileichâna hlâna tâkâzy nata moleina hlâna tâkâzy deikua cha, theihthaipazy tovyuh a châpa vâta, Abeipa o lâ vaw cheih veih ei.

2 ABEIZY 12:16 ပူးပေါင်းရင်းမြစ်များ

NEHEMIAH 13:13

Theihthaipa Selemiah nata chârohtuhpa Zadô nata Livai chyhsa Pedai zy cha thyuna sôh avaotuhpazy ta rao ei na ta. Âmo baotuhpa châta Mâtaniah sawchapawpa Zaku sawchapawpa Hâna rao na ta. Âmo cha ngâ tlâhpa ta pachâpa châ ei ta, ama rai cha ama unawhzy hnohta ama to awpa hmo raipa a châ.

HÔSIA 4:8

Ei phopi moleina atheihna sa nie ei ta, Chavâta chyhsazy ta moleina hmo ama tao awpa Tlao ama khoh kaw tyh.

THEIHTHAINA 4:24

Mie luh chô liata a ku pahnieh aw ta, raopa hlâna thie tyhna liata Abeipa hmiakô ta a thie aw. Cha cha moleina hlâna a châ.

THEIHTHAINA 4:29

Moleina hlâna sa luh chô liata a ku pahnieh aw ta, moleina hlâna cha raopa hlâna su liata a thie aw.

THEIHTHAINA 7:7

Thaileichâna hlâna cha moleina hlâna nata a lyu ta, taozie miakha a châ. A sazy cha chatlaina a taotuhpa theihthaipa tovyuh a châ aw.

MALUHREINA 18:19

Izarei sawzy ta chalopa hlâna ta Abeipa lâta ama hlâpa hmo pathaihpa zydua cha, nâ nata na sawchapawzy nata na sawchanôzy hnohta chhâzaw ta nama tovyuh châta ei cha pie ei. Cha cha nâ nata na hnohta a ypa na sawchapawzy nata na sawchanôzy châta, Abeipa hmiakô liata chhâzaw alôh biehrai a châ aw,” tah ta.