2 ABEIZY 11:19 - Mara Bible RV (BSI)

¹⁹ Theihthaipa ta pheisaih za kha hyutuhpazy, Kari mozy, vaituhpazy nata râh chyhsa zydua a chhi ta, abei cha Abeipa o tawhta a zâ chhi ei ta, vaituhpazy chhikao lâ tawhta abei o lâ pangai ei ta. Chatanachata Zôasâ cha abeizy beidyuchhai liata a tyuh ta.

2 ABEIZY 11:19 ပူးပေါင်းရင်းမြစ်များ

ÂTHAONA 37:36

Cha nota, Midia mo ta Zawsi cha Izi râh lâ a ngiakhei ei ta, Phiraoh ry liata molaipa pakha, vaituhpa py hyutuhpa Pawtipha hnohta zuah ei ta.

1 ABEIZY 1:13

Bei Dâvi lâ thlai a kei ngia la, a hnohta, ‘Hy ei zibeipa abei y, châ chakaotuhnô hnohna heta, “Na sawchapawpa Sawlawmaw he keima hnôhlâ ta bei vaw châ aw ta, ano he ei beidyuchhai liata a tyuh awpa a châ,” tahpa ta bie nâ taih ha va chi ma? Khazia Adôniza cha bei a châ ha tly?’ kei tah mah y.

1 ABEIZY 14:27

Bei Rehôbaw ta ngôh vyhphaozy vyuhpa ta dawh vyhphaozy tao ta, chazy cha abei o ochhi vaituhpa pheisaih hyutuhpazy pavaosa ta.

1 THÂTIHZYRONA 29:23

Chatana­chata Sawlawmaw cha a paw Dâvi su liata bei châ awpa ta Abeipa beidyuchhai liata a tyuh ta. Vânoh thata to ta, Izarei saw zydua ta a rei amâ ngiah lymâ.

2 THÂTIHZYRONA 23:19

Zehôdâ ta pathaih leina kheihawhpa rai a hneipazy ta Abeipa o lâ amâ ngia lei nawpa ta, Abeipa o chhikao vaituhpazy soh ta.

2 THÂTIHZYRONA 23:20

Theihthaipa ta pheisaih za kha hyutuhpazy, nôpawpazy, zawpi a vaotuhpazy nata râh chyhsa zydua a chhi ta, abei cha Abeipa o tawhta a zâ chhi ei ta, machhua chhikao siepahliepa ta abei o lâ pangai ei ta. Abei cha ryureina beidyuchhai liata patyu ei ta.

2 THÂTIHZYRONA 23:5

su thôh su kha abei o vaih aw ei chi ta, su thôh su kha Abôna Chhikao nama vaih aw. Zawpi zydua cha Abeipa o dôhpachhôh tlyhmia liata ama y aw.

ZEREMIAH 17:25

Dâvi beidyuchhai liata a tyuhpa beizy nata beisawzy cha talailihzy nata arâzy kiapa ta, he khihpi thokhy chhikaozy liana heta amâ ngia lymâ aw. Ama beimachâzy, Zudâh râhsawzy nata Zerusale khihsawzy chhao amâ ngia lymâ aw. Chatanachata he khihpi he chhâzaw ta pahrapa ta a y ha aw.

ZEREMIAH 22:30

Abeipa ta hetana heta a tah: “He chyhsa he saw hnei leipa ta roh la, A hro chhôh ta hlaotlohna a hnei lei awpa ta roh teh. Dâvi beidyuchhai liata a tyuhpa ta, Zudâh râh liata ryureih heih awpa ta, A chipathla ahy hmahta ama hlaotloh khao aw vei.”

ZEREMIAH 22:4

He bie he nama zyh khiahta cha, Dâvi beidyuchhai liata a tyuhpa beizy cha talailihzy nata arâzy chô liata kiapa ta, âmo nata âmo chakaotuhpazy nata ama chyhsazy cha, he o chhikaozy liana heta amâ ngia lymâ aw.

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,