2 ABEIZY 11:14 - Mara Bible RV (BSI)

¹⁴ Mohmia pasaih ta, abei cha taozietyhpa hawhta, otôh kiapâh liata a duah ta, pheisaih hyutuhpazy nata chiahmie tôtuhpazy cha abei kiapâh liata a duah ei ta, râh chyhsa zydua ta thapha ngaitapa ta y ei ta, chiahmiezy thata ama tôpa hmô ta. Athaliah cha a chysiazy hrie ta, “Râh apaphasaina, Râh apaphasaina!” tahpa ta awh ta.

2 ABEIZY 11:14 ပူးပေါင်းရင်းမြစ်များ

ÂTHAONA 37:29

Rubena cha khaohtlô lâ vawh heih ta, Zawsi cha khaohtlô liata y khao vei tahpa a hmô nahta, a chysiazy hrie ta,

ÂTHAONA 44:13

Chapata nahta, ama chysiazy hrie ei ta, ama alâ chyu liata ama hmozy khaih ei ta, khihpi lâ a lie ei ta.

1 ABEIZY 1:25

Tanoh zu ta, viahchao tôhpazy, sahroh dawpa pathawhpazy nata mietaku­zy thata thie ta, abei sawchapawpa zydua nata pheisaih hyutuhpazy nata theihthaipa Abiathâ zy hrua ta. Adôniza hmiakô liata niepa ta doh ei ta, ‘Bei Adôniza hroh pareih mawh sy!’ ama tah.

2 ABEIZY 11:15

Theihthaipa Zehôdâ ta pheisaih hyutuhpazy biepie ta, “Pheisaihzy ta chadô ei sala, vaw puakhei u la, ahy rai ano a pazipa maih cha zaozi ta thie teh u,” tah ta. Theihthaipa ta, “Abeipa o liata thie awpa châ vei,” tah ta.

2 ABEIZY 23:3

Abei cha otôh liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta. Zawpi zydua chhao ta biehrai tao ei ta.

2 ABEIZY 9:13

Chatawhcha chyhsa to ama chysia thlai pahluh ei ta, a phei tly nawpa kahmi liata phaw ei ta, chiahmie tô ei ta, “Zehu cha bei a châ,” tahpa ta awh ei ta.

2 ABEIZY 9:23

Zôrâ cha ta a palie ta, a râ ta, Ahazia hnohta, “Dôveina, Hy Ahazia!” tah ta.

1 THÂTIHZYRONA 12:40

Cha dei châ vei, lâhlapi ta a ypa ama heinawh Iskâra, Zebulawna nata Nâthalai râh tawh zy taihta, ama niedo awpazy cha alâzy, râraoseihpazy, arâzy nata viahchao tôhpazy paphaosapa ta ama vaw hlâ lymâ. Izarei liata thaphana y ta, chatanachata viahdie hluhpi, theiku viahchhâzy, kre sao pachawhpazy, kresawhtizy, sathawzy, viahchaozy nata mietakuzy phaopa ta, Hebraw khihpi lâ ama sie lymâ.

2 THÂTIHZYRONA 34:31

Abei cha ano su liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta.

BIESOZY 29:2

Mosiapazy ta ryu ama rei nahta, Zawpi a ly ei ta; Moleipazy ta ryu ama rei nahta, Zawpi amâ hrô tyh.

LUKA 19:37

Zerusale a tlô chy, Ôli Tlâh lâ chôna lâpi liata a sie hai nota, a hmotaotheina rônahpa ama hmôpa zydua vâta, a zituhpa zawpizy cha a ly ngaita ei ta, ao paro ngaitapa ta Khazohpa reithai ei ta.