2 ABEIZY 11:12 - Mara Bible RV (BSI)

¹² Zehôdâ ta abei sawchapawpa cha vaw puakhei ta, beilakho pakho ta, biehraina ryuchâ pie ta. Chatawhcha bei ta phuahpa ta, sathaw thu ei ta, ama ku chabaih ei ta, “Abei cha hroh pareih mawh sy,” tah ei ta.

2 ABEIZY 11:12 ပူးပေါင်းရင်းမြစ်များ

2 SAMUELA 1:10

Chatanachata a kiapâh liata a kei duah na ta, a pao ha tawhta cha hro thei khao aw vei tahpa ei pahnopa vâta, ei thie lâlao haw. A luh liata beilakho nata a bâh liata lâkyu la na ta, ei zibeipa châta he lâ he ei vaw chei,” tah ta.

2 SAMUELA 12:30

Ama bei beilakho cha a luh tawhta la ta. Beilakho cha ngôh talent miakha a hri ta. Lôsôhpazy chhao a chhôh liata y ta, cha cha Dâvi luh liata pakho ei ta. Khihpi hraona sôh hluhpi chhao vaw phaoh ta.

2 SAMUELA 16:16

Dâvi viasapa Arakhi chyhsa Husai cha Absalaw kô a tlô nahta, Husai ta Absalaw hnohta, “Abei cha hroh pareih mawh sy! Abei cha hroh pareih mawh sy!” tah ta.

2 SAMUELA 2:4

Zudâh chyhsazy a vy ei ta, cha liata Dâvi cha Zudâh pathlazy chô liata bei châ awpa ta sathaw ama thu. “Sawla ri cha Zebekilia mo ta ama pabu,” tahpa ta Dâvi cha chho ei ta,

2 SAMUELA 2:7

Chavâta tahmâ nama kuzy thatlôpa ta y sala, riahphapa ta y teh u. Nama zibeipa Sawla cha thi ha ta, Zudâh pathlazy ta ama bei châ awpa ta kei he sathaw eina thu ei hih,” tah ta.

2 SAMUELA 5:3

Chatanachata Izarei machâ zydua cha Hebraw liata abei lâ a vy ei ta. Bei Dâvi ta Hebraw liana chata Abeipa hmiakô liata ama hnohta bie hraih ta. Dâvi cha Izarei chô liata bei châ awpa ta sathawthu ei ta.

1 ABEIZY 1:25

Tanoh zu ta, viahchao tôhpazy, sahroh dawpa pathawhpazy nata mietaku­zy thata thie ta, abei sawchapawpa zydua nata pheisaih hyutuhpazy nata theihthaipa Abiathâ zy hrua ta. Adôniza hmiakô liata niepa ta doh ei ta, ‘Bei Adôniza hroh pareih mawh sy!’ ama tah.

1 ABEIZY 1:34

Cha liata, theihthaipa Zadô nata hrohsopa Nâthâ ta Izarei bei châta sathaw za thu mawh ei sy. Cha khai tawhta chiahmie tô aw ei chi ta,, ‘Bei Sawlawmaw hroh pareih mawh sy!’ nama tah aw.

1 ABEIZY 1:39

Cha liata, theihthaipa Zadô ta poh o lâ saki sathaw ôh kei la ta, Sawlawmaw cha sathawthu ta. Chiahmie tô ei ta, zawpizy ta, “Bei Sawlawmaw hroh pareih mawh sy!” tah ei ta.

1 ABEIZY 2:44

Abei ta Simei hnohta, “Ei paw Dâvi na pasasana zydua kha na palôh liata na pahno ngâ thlâh ha aw. Chyhsa na pasana kha Abeipa ta nâma luh chô liata a cha vaw palie thlu aw.

2 ABEIZY 11:11

Vaituhpa pheisaihzy cha chaihrai a chaba khaipa ta abei cha chadô ei ta. Achhyna o chho lâ tawhta maw lâ taihta, maisâh nata Achhyna o chadôpa ta vaih ei ta.

2 ABEIZY 11:2

Ahazia sawchapawpa Zôasâ deikua cha, Bei Zôrâ sawchanô Zehôsebâ, Ahazia sietanô ta abei sawchapaw ama thie awpazy hry tawhta lapapua ta, ano nata a mokhâhtuhpa cha aziana chhôhpadâhpa liata nyu ta. Athaliah ta a hmô thei lei nawpa ta nyu ha ta, chavâta Zôasâ cha thiepa châ vei.

2 ABEIZY 11:4

A kô sarina liata, Zehôdâ ta Kari mo pheisaih za kha hyutuhpazy nata vaituhpazy paawsa ta, Abeipa o liata ano lâ a vy ei ta. Ama hnohta bie hraih ta, Abeipa o liata bie a pataihsa khai tawh ei ta abei sawchapawpa cha âmo pahmô ta.

2 ABEIZY 9:13

Chatawhcha chyhsa to ama chysia thlai pahluh ei ta, a phei tly nawpa kahmi liata phaw ei ta, chiahmie tô ei ta, “Zehu cha bei a châ,” tahpa ta awh ei ta.

2 ABEIZY 9:3

Chatawhcha sathaw byh la la, a luh liata hry la, a hnohta, ‘Abeipa ta hetana heta a tah, Izarei chô liata bei châta sathaw ei cha thu,’ tah mah y. Chatawhcha ochhi pahy la, a râ ha mah y. Na y parei awpa châ vei,” tah ta.

2 THÂTIHZYRONA 23:11

Abei sawchapawpa cha vaw puakhei ei ta, beilakho pakho ei ta, biehraina ryuchâ pie ei ta. Chatawhcha bei ta phuah ei ta, Zehôdâ nata a sawchapawzy ta Zôasâ cha sathawthu ei ta, “Abei cha hroh pareih mawh sy,” tah ei ta.

ESTHERI 2:17

Abei ta chanô hropa zydua hlâta Estheri cha khoh chai ta, laihsa kôpa hropa zydua hlâta abei ngiachhiena nata khokheina to via ta, chatanachata beilakho pakho ta, Vâsti vyuhpa ta beinô ta a tao haw.

ESTHERI 6:8

abei a tobi tyhpa abei chysiazy vaw cheipa châ sala, abei kia tyhpa arâ chhao a vaw chhipa châ sala, abei â kho tyhpa beilakho chhao vaw cheipa châ mawh sy.

HLAZY 132:18

A chariahpazy nozana ta tobi aw ei na ta, Ano lakho deikua cha a khaih lymâ aw.”

HLAZY 21:3

Byhnâ hluhpi ta ano cha dy chi ta, A luh liata ngôh suapa lakho na pakho.

HLAZY 21:4

Hrona cha hiah ta, pie chi ta, Chhâzaw nata tlyzaw ta noh pasina na pie.

HLAZY 47:1

Hy phopizy saih u, nama ku chabaih u la, Lyna hla sapa ta Khazohpa lâ awh teh u!

HLAZY 78:5

Zakaw châta bieraopa padua ta, Izarei châta ryhpa a tao; Ama pathlazy pachu awpa ta, Miah pathlatuhpazy hnohta bie a pie ei.

HLAZY 89:39

Châ chakaotuhpa chô liata na biehrai parao chi ta, A lakho dohlei liata na papuapalei haw.

HLAZY 98:8

Chavahzy ta ama ku chabaih ei sala, Tlâhpizy ta thaphapa ta hla sa ei sala,

PUASAINA 25:16

Byh chhôh liana chata biehrai ei cha pie awpa cha na khô awpa a châ.

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

ISAI 55:12

“Thaphapa ta pua aw ei chi ta, Thlalôhpa ta a chhipa nama châ aw; Tlâhpizy nata tlâhthlôhzy ta Nama hmiakô liata hla sa aw ei ta; Lyurâh thokô zydua ta Ama ku ama chabaih aw.

ISAI 8:16

Bietapa he chaty la, Pachuna bie he, Ei pachupazy hry liata chahnao pa-i mah y.”

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

CHAPHÔHTUNA 4:20

Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

DÂNIAH 3:9

Bei Nebukaneza hnohta, “Hy abei y, hroh kôzaw mah y!

DÂNIAH 6:21

Dâniah ta abei hnohta, “Hy abei y, hroh kôzaw mah y!

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MATHAI 27:29

Hloh lakho phieh ei ta, a luh liata pakho ei ta, a ku chachâh lâta lohthi chabasa ei ta. A hmiakô liata pakhu paneihpa ta, “Zuzy beipa, hroh pareih mah y,” tahpa ta pasipasawh ei ta.

HMOTAOPAZY 4:27

He khihpi liana heta, châ chakaotuhpa pathaihpa, na sathawthupa Zisu kyh vâta, Herawda nata Pawtia Pilâ nata Zenitaizy nata Izarei chiphozy amâ hmaohpakhy.

2 KAWRINI 1:21

Krista liata nâmo nata hmaohkha ta miah a paduapa nata sathaw miah a thupa cha, Khazohpa ano tlai a châ.

HEBRAI 1:9

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

BIEPHUAH 19:12

A mokhaohzy cha meipaleih lyu ta, a luh liata lakho hluhpi a kho ta, moh ropa, ano dei leipa ta ahy hmah ama pahno leipa a hnei.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.

1 SAMUELA 10:24

Samuela ta zawpi zydua hnohta, “Abeipa ta â tlyhpa chyhsa he nama hmô ma? Chyhsa zydua hry liata ano hawhpa rai y veih ei,” tah ta. Zawpi zydua ta, “Abei cha hroh pareih mawh sy!” tahpa ta awh ei ta.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.