2 ABEIZY 10:31 - Mara Bible RV (BSI)

³¹ Châhrasala Zehu cha Abeipa, Izarei Khazohpa ryhpa a pathipalôh tlokhuh ta zyh leipa ta, Izarei a pamoleisapa Zerôbaw moleinazy pathleih leipa ta.

2 ABEIZY 10:31 ပူးပေါင်းရင်းမြစ်များ

1 ABEIZY 14:16

Zerôbaw ta moleina hmo tao ta, Izarei chhao pamoleisa ta, cha Zerôbaw moleinazy vâta Abeipa ta Izarei cha pachâ khao aw vei,” tah ta.

1 ABEIZY 2:4

Chatanachata Abeipa ta keima kyh liata, ‘Na pathlazy ta ama lâpi pakhâta ta pachâ ei sala, ama pathipalôh tlokhuh ta nata ama thlahpa tlokhuh ta ei hmiakô liata ngâchhihpa ta ama y khiahta cha, Izarei beidyuchhai liata a tyuh awpa chie aw veih ei,’ tahpa ta a reipa kha a pa-i aw.

2 ABEIZY 10:29

Châhrasala Zehu ta Izarei a pamoleisapa Nebâ sawchapawpa Zerôbaw moleinazy pathleih leipa ta, Bethel nata Dânâ liata ngôh viahchaotaw nothlahpazy a chhy thlâh ha chy ta.

2 ABEIZY 17:22

Izarei sawzy ta Zerôbaw moleina taopa zydua tao hra ei ta, chazy cha a heihsai khoh veih ei.

2 ABEIZY 3:3

Châhrasala Izarei a pamoleisapa Nebâ sawchapawpa Zerôbaw moleinazy liata khâchâ a bai ta, siesai khoh vei.

2 THÂTIHZYRONA 6:16

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei ryhpa ama zyh lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

NEHEMIAH 10:29

ama unawh nôpawpazy rei a hly ei ta, Khazohpa chakaotuhpa Mawsi ta a piepa Khazohpa Ryhpa cha zyh ta, Abeipa eima Zibeipa biepiepa zydua nata a ryureinazy nata a bieraopazy zyh awpa ta hetana heta bie amâ taih.

HLAZY 119:9

Thyutliapa ta kheihta a hro a pathaihsa thei aw? Na bie hawhta a hro a vaih khiahta cha, A hro a pathaihsa thei aw.

HLAZY 39:1

“Ei paleih ta hmo a parao lei nawpa ta, Ei yziezy a phapa ta vaih aw na ta; Moleipazy ei mohmô liata ama y chhôh zydua cha, Ei pakah he hmao hina ta ei hi aw,” tah na ta.

HLAZY 78:10

Khazohpa biehrai zyh leipa ei ta, A ryhpa lâpi a chhih veih ei.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

EZEKIA 36:27

Nama chhôh liata ei Thlahpa soh aw na ta, ei bieraopazy a chhih awpa nata ei biepiepazy zyh awpa ta ei cha tao aw ei.

DÂNIAH 9:10

a ryhpa eimâ chhih thei nawpa ta, ano a chakaotuhpa hrohsopazy hmâpa ta a bie reipa Abeipa eima Khazohpa ao nathlie vei hra sih la.

RYHPACHANEINA 4:15

“Chavâta pakhâta ta a vaih teh u. Hôribâ liata Abeipa ta mei tawhta nama hnohta bie a rei noh kha, a pôhpa hmô veih ei chi.

RYHPACHANEINA 4:23

A vaih teh u, chataleipatala Abeipa nama Khazohpa ta nama hnohta bie a hraipa mypa ta, nothlahpazy taopa ta, Abeipa nama Khazohpa ta kheihawhpa a lyupa nothlahpa hmah tao lei awpa ta a pakhâpa nama tao pathlei aw.

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.