2 ABEIZY 10:26 - Mara Bible RV (BSI)

²⁶ Bâlâ achhyna o liata khazoh nothlahpazy puakhei ei ta, mei ta rao ei ta.

2 ABEIZY 10:26 ပူးပေါင်းရင်းမြစ်များ

2 SAMUELA 5:21

Philistinâ mo ta ama khazoh nothlahpazy a râsai ha ei ta, chazy cha Dâvi nata a chyhsazy ta la ei ta.

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

1 ABEIZY 15:13

A nô Mâkâ chhao, khazoh nothlahpa pasichhih ngaitapa Aseri tôh a taopa vâta, beinô a châna pabâh ta, a nô khazoh nothlahpa cha chhawh pachhô ta Kidaraw vahtiepa liata mei ta a rao haw.

1 ABEIZY 16:32

Samâri khihpi liata Bâlâ achhyna o a sapa liata Bâlâ châta maisâh tao ta.

2 ABEIZY 11:18

Chatawhcha râh chyhsa zydua cha Bâlâ achhyna o lâ vawh ei ta, achhyna o cha parao ei ta, Bâlâ maisâhzy nata a nothlahpazy pakeichheih ei ta. Bâlâ theihthaipa Mâtâ cha maisâhzy thaby liata thie ei ta. Abeipa o vaih awpa ta, theihthaipa ta vaituhpazy soh ta.

2 ABEIZY 18:4

Su sâhpazy parao ta, lôbôzy pacho ta, Aseri tôhzy a chhawh pachhô khai haw. Mawsi ta dawh parih a taopa chhao kha a pakeichheih khai haw, cha daihti taihta Izarei sawzy ta Nehustâ ama tahpa dawh parih lâ cha atheihnazy ama hlâ thlâh ha chypa vâta.

2 ABEIZY 19:18

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

2 ABEIZY 23:12

Ahâza o chhâh chô lâta vâphuh liata Zudâh beizy ta maisâh ama taopazy nata Manase ta Abeipa o dôhpachhôh tlyhmia miano liata maisâh a taopazy cha abei ta pacho khaipa ta, pakeichheih ta, azaona dohleizy cha Kidaraw chavah liata thy ta.

2 ABEIZY 23:4

Chatawhcha Abei ta theihthai beichaipa Hikia nata ano a pazipa theihthaipazy nata chhikao vaituhpazy cha Abeipa Achhyna o chhôh liata Bâlâ nata Aseri nata avâ liata a ypa zydua châta taopa hmobaoh zydua cha puakhei khai awpa­ta biepie ta. Chazy cha Zerusale khôtho lâ Kidaraw lyurâhpazy liata abei ta mei ta rao ta, a paohpazy Bethel lâ siekhei ta.

2 ABEIZY 23:6

Abeipa o liata Aseri tôh cha Zerusale khôtho lâ Kidaraw chavah lâ puakhei ta, Kidaraw chavah liata rao ta, a paohpadi lâta â liena taihta tlypazao ta, a paohpa cha vâtlâh thlâ liata hie ta.

2 ABEIZY 3:2

Abeipa mohmô liata hmo pha lei ngaitapa tao ta. A nô nata a paw hawh ngâsâ ta la hmo parao vei. A paw ta Bâlâ lô a vaw bôpa cha a thy haw.

1 THÂTIHZYRONA 14:12

Philistinâ mo cha ama khazohzy a râsai ei ta. Dâvi ta biepie ta, khazohzy cha mei ta ama rao khai haw.

2 THÂTIHZYRONA 34:7

Maisâhzy parao ta, Aseri tôhzy nata khazoh nothlahpazy cha a paoh ta phy pazao ta, chazy hlâta â sâh viapa ta taopa, Izarei râh zydua liata ropahâhpa raona maisâhzy a chhawh pathlah khai haw. Cha khai tawhta Zerusale lâ a lie ta.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

RYHPACHANEINA 7:5

Hetana heta ama chô liata nama tao aw: Ama maisâhzy pacho aw ei chi ta, ama lôbôzy nama pakei aw. Ama Aseri tôhzy thlu aw ei chi ta, ama khazoh nothlahpazy mei ta nama rao khai aw.