2 ABEIZY 10:14 - Mara Bible RV (BSI)

¹⁴ Zehu ta, “Ahrohpa ta patu teh u,” tah ta. Ahrohpa ta patu ei ta, mietaku hmi ngyuna o khaohtlô liata thie ei ta. Chyhsa sypalih nata pano châ ei ta, pakha hmah pahlôh vei.

2 ABEIZY 10:14 ပူးပေါင်းရင်းမြစ်များ

1 ABEIZY 20:18

Benhadâ ta, “A dyh awpa ta a vaw puapa ama châ khiahta cha, a hrohpa ta patu u la, a dyuh awpa ta a vaw puapa ama châpa chhao ta, a hrohpa ta patu pyly muh vy,” tah ta.

2 ABEIZY 10:12

Chatawhcha thyu ta, pua ta, Samâri lâ sie ta. Lâpi liata mietaku vaituhpazy mietaku hmi ngyuna o a kei tlô nahta,

2 ABEIZY 10:13

Zehu ta Zudâh bei Ahazia unawhzy a tyh ta, ama hnohta, “Ahyzy nama châ?” tah ta. Âmo ta, “Ahazia unawhzy eima châ. Abei sawzy nata abeinô sawzy a naoh awpa ta eimâ zu,” tah ei ta.

2 ABEIZY 10:15

Cha su tawhta a pua nahta, ano dy awpa ta a vypa Rekhâ sawchapawpa Zehônadâ a tyh ta. Zehu ta ano cha a naoh ta, a hnohta, “Na chô liata palôh dopa ei phaopa hawhna heta, ei chô liata palôh dopa na phaoh hra ma?” tah ta. Zehônadâ ta, “Ei phaoh,” tah ta. Zehu ta, “Cha khiahta la, na ku na vaw hlâ teh,” tah ta. Zehônadâ ta a ku kei hlâ ta. Zehu ta Zehônadâ cha a hnohta talailih liata pakiasa ta.

2 ABEIZY 10:6

Châ mianona âmo lâ paphao heih ta, ama hnohta, “Ei chhâh a châpa ta, ei ao nama nathlie awpa khiahta cha, nama zibeipa pathlazy luh tai u la, mylâ tahmâ ti heta Zezari liata keima lâ vaw tlôkhei muh vy,” tah ta. Abei pathlazy cha sysari châ ei ta, âmo a deichhytuhpa khihpi pawhrâhpazy hnohta y ei ta.

2 ABEIZY 11:1

Ahazia nô Athaliah ta a sawchapawpa a thi haw tahpa a pahno nahta, thyu ta abei chipathla zydua pamua khai ta.

2 ABEIZY 8:18

Ahabâ sawchanô lapinô ta a hneipa vâta, Ahabâ chhôhkha taozie hawhta, Izarei beizy lâpi a chhi hrapa ta, Abeipa mohmô liata hmo pha lei ngaitapa tao ta.

2 THÂTIHZYRONA 22:10

Ahazia nô Athaliah ta a sawchapawpa a thi haw tahpa a pahno nahta, thyu ta, Zudâh chi liata bei pathla zydua a thie khai ha ei.

2 THÂTIHZYRONA 22:8

Zehu ta Ahabâ chhôhkha chô liata pachiana a patlôsa hai nota, Ahazia chakaotuhpa Zudâh pawhrâhpazy nata Ahazia unawhzy sawchapawzy hmô ta, âmo chhao cha a thie ha ei.

ZEREMIAH 41:5

Sekhe, Silô nata Samâri khihpizy tawhta chyhsa sychariezy cha, ama kâhhmizy ngyupa ta, ama chysiazy hriepa ta nata ama pôhpazy âpa ta vaw tlô ei ta. Abeipa Achhyna o liata hlâ awpa niepa hlânazy nata ropahâhpazy vaw phaoh ei ta.