2 ABEIZY 1:8 - Mara Bible RV (BSI)

⁸ Âmo ta a chhy ei ta, “Sahmi chysia a tobi ta, a chai liata savo chaisaihna â saih,” tah ei ta. Abei ta, “Tisabi chyhsa Elaizâh a châ chuh,” tah ta.

2 ABEIZY 1:8 ပူးပေါင်းရင်းမြစ်များ

1 ABEIZY 18:46

Abeipa ku cha Elaizâh chô liata y ta, a viahkao pasipa cha a chaisaih liata hnaoh ta, Ahabâ hmia lâta Zezari khih angiana taihta a râ lymâ ta.

2 ABEIZY 1:7

Abei ta ama hnohta, “Nâmo châ vaw tyhpa nata cha biezy châ chhotuhpa cha kheihawhpa chyhsa ma a châ?” tah ta.

ISAI 20:2

Abeipa ta Amôza sawchapawpa Isai hnohta, “Sie la, na chai liata latho poh nâ saipa kha pathlâ la, na phei liata pheikyzy kha pahluh teh,” tah ta. Cha hawhna chata tao ta, Isai cha thluahruapa nata pheiky a ky leipa ta a hlaihlâ ta.

ZEKARIA 13:4

Cha noh liata cha, hrohsopa ta ano aluahna hmôpa nata ano cheingei ta chhochhieliena bie a reipazy cha zakhei aw ta, hrohsopa sahmi viahkao pasipa chhao, chyhsa dôvei nawpa ta a ky khao aw vei.

MATHAI 11:8

Khâpa mo awpa ta ma nama pua tly? Chysia naipa ta a tobipa chyhsa mo awpa ta ma? Chysia phapa ta a tobipazy cha abei ozy liata mah ama y tâh.

MATHAI 3:4

Zawhâna cha râraoseihpa hmi chysia ta a tobi ta, savo chaisaihna ta a chai a saih ta, a pati cha khawsu nata kheihti a châ.

MÂKA 1:6

Zawhâna cha râraoseihpa hmi chysia a tobi ta, a chai savo chaisaihna ta a saih ta, a pati cha khawsu nata kheihti a châ.

LUKA 1:17

Elaizâh thlahpa nata hmotaotheina ta Khazohpa hmiakô liata sie aw ta, pawzy palôh cha sawzy lâta paheisapa ta, reingiah leipazy cha mosiapazy sona lâta paheisa aw ta, phopi pachhuahpanohpa cha Abeipa châta a mâ chiehpa ta a tao aw,” tah ta.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.