2 ABEIZY 1:4 - Mara Bible RV (BSI)

⁴ Chavâta Abeipa ta hetana heta a tah, rakhô na kiapa tawhta chô khao aw va chi, na thi tlai aw,’ tah mah y,” tah ta. Chatanachata Elaizâh cha sie ta.

2 ABEIZY 1:4 ပူးပေါင်းရင်းမြစ်များ

ÂTHAONA 2:17

chhie nata pha pahnona tho thei deikua he cha na nie awpa rai châ vei. Na nie khiahta cha, na nie noh tlai ta na thi thlyu aw,” tahpa ta biepie ta.

ÂTHAONA 3:4

Parih ta chanô hnohta, “Thi tiarâh aw veih ei chi.

1 ABEIZY 14:12

Chavâta thyu la, na o la a di teh. Na phei ta khihpi a tlypa nahta, hawti cha a thi aw.

1 ABEIZY 18:2

Elaizâh cha Ahabâ hnohta a luah awpa ta sie ta. Samâri râh liata chakâh mozoh tlô ta.

2 ABEIZY 1:16

Elaizâh ta abei hnohta, “Abeipa ta hetana heta a tah: ‘A bie a saohiah awpa Khazohpa Izarei râh liata a y khao leipa ma a châ haw? Khazia Ekaraw khih khazoh Bâlâzebu a saohiah awpa ta lyuhchâpazy na tua? Chavâta rakhô na kiapa tawhta chô khao aw va chi, na thi tlai aw,’” tah ta.

2 ABEIZY 1:5

Lyuhchâpazy cha abei lâ a lie ei ta, abei ta ama hnohta, “Khazia namâ vaw lie haw?” tah ta.

2 ABEIZY 1:6

Âmo ta a hnohta, “Chyhsa pakha miah a vaw tyh ta, eima hnohta, ‘Sie u la, châ vaw tuahtuhpa abei lâ cha kua u la, a hnohta, Abeipa ta hetana heta a tah, Izarei râh liata Khazohpa a y khao leipa vâta ma Ekaraw khih khazoh Bâlâzebu cha a saohiah awpa ta na tuah ei? Rakhô na kiapa tawhta chô khao aw va chi, na thi thlyu aw,’ kei tah muh vy tahpa ta miah a chho,” tah ei ta.

2 ABEIZY 20:1

Cha nohzy liata Hezekia cha thi daihmâpa ta pasa ta. Amôza sawcha­pawpa hrohsopa Isai ano lâ a vy ta, a hnohta, “Abeipa ta hetana heta a tah: ‘Na chhôhkha khihsatôhtuzie awpa paryh teh, na thi aw, hroh aw va chi,’” tah ta.

2 ABEIZY 8:10

Elaisâh ta a hnohta, “Sie la, a hnohta, ‘Na tlâh heih tlai aw,’ tahpa ta kei chho mah y. Châhrasala a thi tlai aw tahpa ta Abeipa ta eina pahmôsa,” tah ta.

BIESOZY 11:19

Siana liata â ipa ta a duahpa cha hrona to aw ta, Moleina hmo a chadaituhpa deikua cha a thi aw.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

EZEKIA 18:4

Pachâ teh u, hrona zydua kei eih sai a châ. Paw hrona kei eih châ ta, sawchapawpa hrona chhao kei eih a châ. Moleina a taotuhpa ta a hrona a pahlei aw.

MALUHREINA 26:65

Abeipa ta, “Râhchawhpa liata ama thi thlyu awpa a châ,” a tah hapa vâta, Zephune sawchapawpa Kâlebâ nata Nunâ sawchapawpa Zawsua dei leipa ta cha, pakha hmah ahrohpa y veih ei.

1 SAMUELA 28:19

Cha dei châ vei, Izarei chhao, nâma chhao, Abeipa ta Philistinâ mo ku liata a cha hlâ aw ei. Mylâ cha nâma nata na sawchapawzy ei hnohta nama y ha aw. Izarei pheisaihzy chhao Abeipa ta Philistinâ mo ku liata a pie aw,” tah ta.