2 ABEIZY 1:2 - Mara Bible RV (BSI)

² Ahazia cha Samâri liata a o chô chhôhpadâhpa diahpai opy tawhta tla ta, pasa ha ta. Chavâta lyuhchâpazy tuah ta, ama hnohta, “Sie u la, ei pasapa he ei tlâh thei aw ma tahpa Ekaraw khih khazoh Bâlâzebu kei hiahri teh u,” tah ta.

2 ABEIZY 1:2 ပူးပေါင်းရင်းမြစ်များ

1 ABEIZY 11:33

Kei na tleisaipa ta, Sidaw mo khazohnô Astarô nata Môabâ mo khazoh Khemô nata Amawna mo khazoh Mikô zy a chhy ei ta, a paw Dâvi taopa hawhta ei lâpizy a chhih leipa ta, ei mohmô liata hmo dopa tao leipa ta, ei bieraopazy nata ei ryureinazy a zyh leipa vâta, cha cha ei tao aw.

1 ABEIZY 14:3

Viahchhâ tlâ hrawh, viahchhâ pahupazy nata kheihti ôh kha phaoh la, ano lâ vawh teh. Hawti chô liata hmo a tlô awpa a cha chho aw,” tah ta.

1 ABEIZY 22:34

Châhrasala chyhsa pakha ta â chhuahpa vâta châ leipa ta, a libaw a kei ta a ka chakhyhna liata, Izarei bei cha a chariah chhaichhi nata a chachôhna vyhphao likawh liata kei ka ta. Izarei bei ta a talailih haohtuhpa hnohta, “A lie la, adyuhna tawhna heta na puakhei teh, hmah ei phaoh haw,” tah ta.

1 ABEIZY 22:40

Ahabâ cha a pathlatuhpazy hnohta a mô ta, a sawchapawpa Ahazia ta ano su liata â bei.

2 ABEIZY 1:16

Elaizâh ta abei hnohta, “Abeipa ta hetana heta a tah: ‘A bie a saohiah awpa Khazohpa Izarei râh liata a y khao leipa ma a châ haw? Khazia Ekaraw khih khazoh Bâlâzebu a saohiah awpa ta lyuhchâpazy na tua? Chavâta rakhô na kiapa tawhta chô khao aw va chi, na thi tlai aw,’” tah ta.

2 ABEIZY 1:3

Châhrasala Abeipa vâlyuhchâpa ta Tisabi chyhsa Elaizâh hnohta, “Thyu la, Samâri bei lyuhchâpazy a kaw tyh la, ama hnohta, ‘Izarei liata Khazohpa a y khao leipa vâta ma, Ekaraw khih khazoh Bâlâzebu a saohiah awpa ta ma nama sie?

2 ABEIZY 1:6

Âmo ta a hnohta, “Chyhsa pakha miah a vaw tyh ta, eima hnohta, ‘Sie u la, châ vaw tuahtuhpa abei lâ cha kua u la, a hnohta, Abeipa ta hetana heta a tah, Izarei râh liata Khazohpa a y khao leipa vâta ma Ekaraw khih khazoh Bâlâzebu cha a saohiah awpa ta na tuah ei? Rakhô na kiapa tawhta chô khao aw va chi, na thi thlyu aw,’ kei tah muh vy tahpa ta miah a chho,” tah ei ta.

2 ABEIZY 17:16

Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

ZAWBÂ 31:3

Chhiena cha sialeipazy châta châ ta, Raona cha moleipazy châta châ vei ma?

HLAZY HLA 2:9

Ei lôhdupaw cha sakhih lyu ta, Zuneih tôh dawpa a lyu. Moh teh u, eima pâhchhô a pahlipa ta a duah ta, Opyzy tawhta vaw moh ta, Samokaw tawhta a vaw sai ngâ kaw huh.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 2:6

Na phopi hry liata nochhi chyhsa ziehchhôhpa hmozy ta bie ta, Philistinâ mo hawhta pachaopadâhpazy tao ei ta, Chihropazy nata azaona ama taopa vâta, Na phopi cha siesai chi ta, Zakaw pathlazy cha na siesai ha ei.

ISAI 37:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

MATHAI 10:25

Pachupa cha ano pachutuhpa a lyupa a daih ta, sei ta a zibeipa a lyupa â daih. O hneituhpa hmahta Belzebu ama tah khiahta cha, a chhôhkhazy chhochhi cha khatlu ta ma ama reipachhie via aw tly!

MÂKA 3:22

Zerusale tawhta ryhpa pachutuhpa a zupazy ta, “Belzebu a hneipa a châ hih, ahripa bei a châpa vâta ahripazy a papua theipa a châ hih,” tah ei ta.

LUKA 11:15

Châhrasala thokha ta, “Ahripa bei Belzebu moh ta ahripazy a papuapa a châ hih,” tah ei ta.

HMOTAOPAZY 20:9

Satlia pakha Utyku ama tahpa cha opy liata a tyuh ta. Pawla biereipa a pasi kawpa vâta, a mokupa ta tlauah pathlah ha ta, o chhâh thôhna tawhta tla ta, a thipa ta a huah ei ta.

ZAWSUA 15:11

Râhri cha Ekaraw maw lâ baikhaihpa lâta sie ta, Sikarô lâta pako ta, Bâlâh tlâh liata sie lymâ ta, Zabine liata pua ta, tilaipi liata a chhâ.

RYUREITUHPAZY 11:24

Nâ cha na khazoh Khemô ta hnei awpa ta râh a cha piepa kha na hnei awpa tlâ châ vei ma? Keimo deikua cha Abeipa eima Khazohpa ta eima hmiakô liata a chhu hapa râhzy eima hnei lymâ aw.

RYUREITUHPAZY 5:28

“Siserâ nô cha opy tawhta saipa ta, Samokaw tawhta chaphôhtu ta, ‘Khazia Siserâ talailih a vaw tlô to vei tly? Khazia a talailih pheizy a nainôsô tly i?’ tah ta.

1 SAMUELA 5:10

Khazohpa Byh cha Ekaraw lâ paphao heih ei ta. Khazohpa Byh Ekaraw a tlô nahta, Ekaraw khihsawzy ta, “Keimo nata eima phopi thie awpa ta, Izarei Khazohpa Byh he keimo lâ ama vaw cheipa a châ hih,” tahpa ta awh chaimâh ei ta.