2 ABEIZY 1:11 - Mara Bible RV (BSI)

¹¹ Abei ta pheisaih sypangawh hyu­tuh hropa pakha a pheisaih sypangawh chhaota tuah heih ta. Ano ta Elaizâh hnohta, “Nâ, Khazohpa chyhsa y, abei ta, ‘A chatliepa ta a zu mawh sy,’ a cha tah,” tah ta.

2 ABEIZY 1:11 ပူးပေါင်းရင်းမြစ်များ

2 ABEIZY 1:10

Elaizâh ta pheisaih sypangawh hyutuhpa hnohta, “Khazohpa chyhsa ei châ tlai khiahta cha, avâ tawhta mei za tla sala, nâ nata na pheisaih sypangawh kha cha kâ patlô khai mawh ei sy,” tah ta. Avâ tawhta mei za tla ta, ano nata a pheisaih sypangawh cha kâ patlô khai ha ta.

2 ABEIZY 1:12

Elaizâh ta a chhy ta ama hnohta, “Khazohpa chyhsa ei châ tlai khiahta cha, avâ tawhta mei za tla sala, nâ nata na pheisaih sypangawh kha cha kâ patlô khai mawh ei sy,” tah ta. Avâ tawhta Khazohpa mei za tla ta, ano nata a pheisaih sypangawh zy cha kâ patlô khai ha ta.

BIESOZY 29:12

Ryureituhpa ta haipa bie a nathlie khiahta cha, A beimachâ zydua chhao ama molei tyh.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 32:7

Moleipa châta la, A hmobaohzy taihta pathaih leipa a châ. Haipa biezy hmâpa ta dyhchhiepazy parao a chhuah ta, Amâ do thlâh hana chôta phahlapazy parao a chhuahpa ta, Hmo pha leipazy a pachhuapanoh tyh.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

MALUHREINA 16:41

A mylâ ta, Izarei zawpi zydua ta Mawsi nata Arawna chô liata, “Abeipa phopi chyhsazy nama thie” tahpa ta paphôh ei ta.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

1 SAMUELA 6:9

Moh thlâh ha aw ei chi ta, ano yna su Beseme râh lâ khyna lâpi a chhihpa ta a sie khiahta cha, eima chô liata pasana rarôh y ngaitapa a patlôsapa he ano tlai châ ta, cha lâta a sie vei khiahta deikua cha, ano ku ta miah a hriepa châ leipa ta, hri chareina daihti nata Byh yna daihti â su chhopa vâta a châ tahpa eima pahno aw,” tah ei ta.