1 ZAWHÂNA 4:9 - Mara Bible RV (BSI)

⁹ Ano vâta eima hroh thei nawpa ta, Khazohpa ta a Sawchapaw matlupa khizaw lâ a vaw tuapa liana heta, Khazohpa kyhpachâna cha eima hry liata palâsapa ta a y.

1 ZAWHÂNA 4:9 ပူးပေါင်းရင်းမြစ်များ

ÂTHAONA 22:2

Khazohpa ta, “Na sawchapawpa, na sawchapaw matlupa, a kyh na pachâpa Aisika kha a chhi la, Môria râh lâ sie la, cha liata ei cha chho awpa tlâh miakha liata ano cha raopa hlâna ta hlâ mah y,” tah ta.

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

MÂKA 12:6

Pakha deita hnei bâ ta, cha cha a sawchapaw kho ngaitapa a châ. ‘Ei sawchapawpa chhâ he cha ama za aw,’ tahpa ta pachâ ta. Ano cha a chhâ chaina ta âmo lâ tuah ta.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

ZAWHÂNA 10:10

Parutuhpa cha paru awpa nata thie awpa nata parao awpa leipa ta cha a vy vei. Kei la, hrona ama hnei nawpa ta, â kipa ta ama hnei nawpa ta a vypa ei châ.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 3:18

Ahy rai ano a ngiapâpa cha thailei pachâsapa ta y aw vei. Ahy rai a ngiapâ leipa deikua cha, Khazohpa Sawchapaw matlupa moh â ngiapâ leipa vâta, tahmâ bawlawh ta thailei pachâsapa ta a y haw.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

ZAWHÂNA 6:29

Zisu ta âmo cha a chhy ta, “Khazohpa raihria cha he he a châ, a tuapa he a ngiapâ teh u,” tah ta.

ZAWHÂNA 6:51

Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

ZAWHÂNA 6:57

A hroh thlâhpa Paw ta na tuah ta, Paw zawhzi ta a hrohpa ei châpa hawhta, ahy rai nâ niepa cha, keima zawhzi ta ano chhao a hroh aw.

ZAWHÂNA 8:29

Nâ tuahtuhpa cha ei hnohta a y. Ano a palysapa hmozy ei tao lymâpa vâta, na siesai beih vei,” tah ta.

ZAWHÂNA 8:42

Zisu ta ama hnohta, “Khazohpa cha nama Paw a châ khiahta cha, kei he Khazohpa tawhta a puapa nata ano tawhta a vypa ei châpa vâta, kyh eina pachâ aw ei chi. Keima rei ta a vypa châ va na, ano ta eina tuapa tlao a châ.

ZAWHÂNA 9:3

Zisu ta a chhy ta, “He chyhsa tlyma, a nôpaw tlyma, moleina vâta châ vei, Khazohpa raihria a chô liata â lâ nawpa ta mochaopa ta a pihpa tlao a châ.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

HEBRAI 1:5

Vâlyuhchâpazy hry liata ahy hnohta ma Khazohpa ta, “Ei Sawchapawpa châ chi ta, Tanoh he na Paw ei châ,” a tah beih tly? Cha leipa chhao ta, ahy vâlyuhchâpa hnohta ma, “Ano châta Paw châ aw na ta, Ano cha kei châta Sawchapawpa a châ aw,” a tah beih tly?

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.

1 ZAWHÂNA 4:16

Chatanachata Khazohpa ta kyh miah a pachâ tahpa pahno pi ta, eimâ ngiapâ. Khazohpa cha kyhpachâna a châ. Chavâta kyhpachâna liata a ypa cha Khazohpa liata a ypa châ ta, Khazohpa chhao ano liata a y.

1 ZAWHÂNA 5:11

Pahnokheina cha he he a châ: Khazohpa ta chhâzaw hrona miah pie ta, cha hrona cha a Sawchapawpa liata a y.

1 ZAWHÂNA 5:13

Chhâzaw hrona nama hnei tahpa nama pahno thei nawpa ta, nâmo, Khazohpa Sawchapawpa moh a ngiapâtuhpazy hnohta, he biezy he ei roh.